約左女神,就緊係快手快腳做晒D野啦,好快就到約定既時間,攸左成日野本來應該好累,但係知道就快見到阿琪,就鬼打都無咁精神。

到左約定既地點,我仲走到左15分鐘,而係我等之際,有把女聲係我身後面叫我。

「牛牛~」好嬌嗲既一叫,唔係來自阿琪,而係來自呂晨,從旁既,仲有GROUP中狗公其中之一,艾倫。

「咁岩既~你又係度行街啊~」無理我同唔同意,呂晨就撓實我隻手,而我緊係下意識咁鬆開啦,唔係一陣比阿琪見到就死。

「做咩對人咁WO~」佢扁咀咁話。



「你地兩個行街?」我問佢地兩個。

而狗公……唔係,艾倫佢就CHOP晒樣同我講:「WELL,呂晨呢位美豔動人既小姐叫到我陪佢買D運動用品,我無理由推佢既。」

真係呢……呢個艾倫已經有未婚妻,就成日係GROUP入面撩女仔,有好多人都話佢成日私下約SEND MSG叫D女仔去睇流星雨,但係無人理過佢。

我望住佢,苦笑左下……

「WELL,我聽到美豔動人既呂晨話今早本身約好左同你跑,但你放佢飛機WO……」冤枉啊大人,我邊有答應過同佢跑啊。



「係囉~搞到人地喊喊豬……」呂晨一副楚楚可憐既樣望住我,仲督手指添佢……

而艾倫條友就繼續CHOP樣,就伸出一隻手指搖幾搖話:「阿牛,男人唔可以咁無紳士風度架。」

唔知點解,我本身放鬆既手握緊成拳。

而係呢個時候,阿琪出現左,「……咁岩啊……」佢見到呂晨同艾倫兩個,露出左一副唔多好既表情。

而艾倫……「琪琪~」頂!邊個比你叫到咁親熱架!我都未敢咁樣叫阿琪啊!如果而家真係裝條狗尾係你屎忽到!你一定擺到唔知咩咁啦。



阿琪見到艾倫咁叫佢,好尷尬咁打左下招呼,然後行到我身邊,好細聲咁問:「點解佢地兩個會係度架?你叫架?」

「無啊,我都係咁岩見到佢地乍。」我答。

「阿琪,妳又行街啊?」係,無錯,呢句係呂晨講既野,佢同男與女講野係有好大分別,對住男佢就會嬌嗲,對住女人佢就睬你都有味……

「係啊,諗住去買跑鞋姐。」阿琪微笑咁答仍,阿琪真係一個好有禮貌既女仔。

「原來琪琪都係睇運動野啊,不如一齊。」艾倫佢好快就講左出口。

「唔……」講駛字都未講,艾倫就推住阿琪走左,剩返我同呂晨。而我見到,呂晨望住阿琪既眼神,係好似遇到勁敵一樣。

「喂~你唔理我拿~」嬌嗲一出,艾倫呢隻狗公軟晒……我係指心軟。

「係係係……」佢 烚熟狗頭咁行左過黎,差左無伸條利乍佢,「……美豔動人既呂晨,呢邊請。」



我就係呢個時候行返阿琪身邊,然後問佢:「妳無事嘛?」

「無事……仲諗住今日可以好好睇下鞋添。」佢扁咀咁望住我。

「唔怕啦,我係度,我會保護你嘛。」我傻笑咁講。

「咁又係。」佢笑一笑咁答我。