行多左陣,食埋野,JUDY不停比我同阿琪恥笑佢同其他港女一樣要相機食先既行為,一切一切都係好開心既氣氛下渡過。

時間都係9點多少少,阿琪提意去附近一間清吧飲野,同埋唔飲咁夜,因為怕聽日唔知醒去唔到燒野食前既幫手大會。

我同JUDY都同意。

跟阿琪去到酒吧後,見到一個好熱情既男酒保行左過黎同阿琪話:「又黎拿,今次係未又一個人飲悶酒啊?」

阿琪笑左笑話:「唔係啊,今次我帶左朋友黎陪我。」



「仲諗住今晚可以陪黎飲添。」個男酒保話。

「唔搵你陪仲好啦,你可以專心D做野。」阿琪笑左笑然後問佢:「有無位啊?」

「你叫到實有既。」個男酒保帶左我地去一張比較入既位,「知妳唔鐘意嘈,所以特登比呢張位妳。」

「多謝。」阿琪微笑左一下,然後我地就坐低。

「妳成日黎架?」JUDY問。



「都係架,先前會黎得密D,因為我一有唔開心既時候就會黎。」阿琪答。

「個酒保,好似對妳有D意思。」JUDY又話。

「係啊,我知啊。」阿琪好快咁就回應左佢。

而我就望一望JUDY,點解妳可以咁勁既,剛剛到而家只係幾分鐘既時間,妳就可以睇得出果位酒保係鐘意阿琪。

佢地兩個人望住完全係狀況外既我笑緊,而我就傻笑住問佢地:「有咩咁好笑。」



「笑妳傻囉。」阿琪呢一句說話,真係直中我既紅心。

「笑佢on9就on9啦。」JUDY補多左句,而我就睥一睥佢,「衰妹,妳係未想死。」

「夠膽既話未劈過囉。」JUDY小姐,妳大我咁話拿。

「好啊。」唔係我認叻,係我朋友之中,我係最飲得果個,駛鬼驚妳呢條四眼衰妹啊。

「咁不如我地開支紅酒慢慢飲。」阿琪係JUDY同我挑機既時候講。

唔係掛,劈紅酒……「紅酒未紅酒囉,牛兄你唔係驚啊。」

係……我就係……啤酒我同你飲幾多都得,但係紅酒的話,我飲一杯就會好似世界停止咁。

「男人老狗咁細膽都有架,阿琪,妳隻牛咁怕死架。」JUDY呢一句又係直中我紅心,係我唔忿氣既紅心,「黎未黎囉,怕妳啊。」



紅酒一到,JUDY就即刻倒左一大杯比我,而阿琪見到果杯咁滿既紅酒,就問我:「你唔得唔好死頂WO。」

「緊係得啦。」係女神面前,我邊可以失威架,唔理三七二十一,我就成杯隊左。

……大獲……紅酒真係我既……死敵……