解鎖,打開個APPS,係個LIST度搵呂晨個名,入左倨CHAT,然後打左一句問佢。

我:妳無事嘛?

原本仲想打多幾句既我,比突如其來既電話打斷,我望一望個來電,係呂晨打黎。

「邊個?」阿琪問。

「呂晨打黎。」我同佢講,然後就接聽左呂晨既電話,「妳無野嘛?」我問,而佢竟然笑得好開心咁答我:「我都估到如果我QUIT GROUP,你一定會問我咩野事。」



我無奈左一下答佢:「係拿叻拿。」坐係我對面既阿琪同眼神問我佢做咩事,我就用返眼神同佢講唔知道。

「阿牛,多謝你今日為我做既野,我一定會記住。」呂晨用好認真既語氣話。

「傻啦,我都無做D咩,但妳點解要QUIT GROUP啊,係未怕我同JUDY會同其他人講?如果係的話我同JUDY保密未得囉。」無錯,上面果返說話係我講既,我講話保密,但我已經同阿琪講左。

呂晨聽到我咁講後大笑左一輪,「唔會怕啦,我知道你同JUDY一定唔會四圍同人講既,你地唔係D咁既人,最多你地未話比阿琪聽姐,更有可能,你而家已經陪緊阿琪添。」嘩!呂晨妳D第六感有無咁準啊。

佢一提到阿琪既名,我就定一定望住阿琪,而阿琪見到我定晒望住佢,就問我咩事,係用口講。



「睇黎我估中WO,我聽到阿琪把聲。」呂晨好得意咁話。

「係啊,哈……」我傻笑住回答。

「阿牛,我QUIT GROUP唔係因為任何人,而係因為自己,我以前因為想對果個賤人報復,所以先四圍收兵,甚至做D更越軌既行為,但而家諗返起,其實我都唔係呢一類人,為左果個人而令到無左自我,真係好蠢,而且仲要無左咁多年既自我。你知唔知當你將果半桶嘔吐物交比我果陣,我個腦真係呆晒架,果陣我諗,我係未真係要咁做,我已經做左咁多年既野,唔通要為左一個我食唔到既男人而違棄我咁多年既諗法?但當我聽到廁所入面果把女聲同加上果條賤人既發嬲聲,我就確定其實如果呢一刻我唔放棄呢個男人,我黎緊係未仲要將我幾十年既生命都花係向佢報復既事度,我愈諗就愈覺得唔抵,所以佢一開道門,我就二話不說將果半桶嘔吐物淋佢。」呂晨既語氣好肯定咁話:「所以,真係要多謝你,如果唔係你既行動,我永遠都活係報復既輪迴,永遠浪費自己既時間,放棄唔到呢一樣錯誤既行為。」

聽完呂晨既說話後,我好開心,因為佢可以做返自己,「但係,妳想做返自己,都唔駛QUIT GROUP架。」

「我想,一切重頭黎過,唔想有任何既包袱,想一切都有一個新既開始。」呂晨話。



我諗,呂晨既決心都好大,「妳呢個做法,係未叫做背水一戰。」我講笑咁用一個好唔恰當既成語同佢講。

「阿牛,我呢D叫意志堅定,你都要學下。」佢好似故意倜儻我話:「你都要學下。」仲要重複多次。

「又關我事?」我問。

「想追阿琪,就要意志堅定,我睇得出,你已經預左漫長既戰爭。」呂晨,原來睇野都幾通透。

聽到佢咁講,我望一望我眼前既阿琪,而阿琪又見到我咁望住佢,又問我咩事。

「我會啊。」我好認真咁望住阿琪,回答呂晨既問題。

「我知道啊,阿牛,你機會好大架,我睇得出阿琪對你有好感,只不過,唔知係未佢有D咩事,所以唔想拍拖住。」呂晨又話。

「妳又知?」點解呂晨既野同JUDY話我知既野咁似既。



「呢D野,係女人既直覺。」呂晨笑左笑,然後,我係電話度聽到佢深呼吸左一啖既聲音,「阿牛,頭先你講表露無遺既我,先係真正既女神,係未認真架?」

我沉默左幾秒後回答:「絕對認真。」認真既答案,當然要等幾秒先答啦。

「多謝你,阿牛。」呂晨講完問句之後,就收左線。

「點啊?」阿琪問。

「佢無事。」我微笑話:「呂晨而家真係變成一個真真正正既女神。」