[愛情無限loop] 就係咁，我做左女神一年既備胎: ８３　賽季來臨

同老牛大人飲完早茶後，佢原來仲要捉我去晨運，但係我成晚無訓邊有力陪佢，係我不停央求佢之下，同埋講如果佢想我快Ｄ生個孫比佢玩既話，就早Ｄ放我返去訓，到最後佢都放左我返去。

一訓落床就訓左，醒返果陣已經係下午既事，一起身睇一睇部手機，多ＭＳＧ到呢……ＭＳＧ來自阿琪、ＪＵＤＹ同跑ＧＲＯＵＰ。

我先開左阿琪既ＭＳＧ睇，佢約我今晚一齊食飯，覆左佢見佢無回就無咩點理。

然後就係ＪＵＤＹ。

ＪＵＤＹ：呂晨點解ＱＵＩＴ　ＧＲＯＵＰ！？
我：呢件事要講好耐架ＷＯ，打比妳講啦



打左比ＪＵＤＹ講症呂晨既野後。ＪＵＤＹ就話：「估唔到平時我串開既呂晨，原來都有識得諗既一面。」

「係啊，我都覺得呂晨做呢個決定，妳都要學下。」我答。

「死仔，你係都要抽下水架ＷＯ。」ＪＵＤＹ話。

呢段對話就係我傻笑之後結束，當然我有同ＪＵＤＹ講唔好將呂晨Ｄ野講比其他人知。

而我就再入跑ＧＲＯＵＰ入面，大多數都係圍繞緊點解呂晨ＱＵＩＴ　ＧＲＯＵＰ，睇返Ｄ　ＭＳＧ好似有Ｄ人已經搵過呂晨，但係呂晨無理佢地，而果班狗公，就好似死老豆咁款喊晒話點解呂晨要離棄佢地。



睇黎，佢地好掛住呂晨……

但係呢一句話，過左幾日後我就無再咁諗。一個女神既離去，亦代表一個新既女神來臨，呢幾日有個新既女ＭＥＭＢＥＲ入左ＧＲＯＵＰ，好快所有狗公就向呢個女ＭＥＭＢＥＲ擺尾。

呢班人真係呢，只要邊度有異性，就可以產生一個女神出黎。

呂晨既離去就係因為呢個女ＭＥＭＢＥＲ既加入，令到好多人都加速忘記左呂晨走左既事，其實，都唔知呢樣係好事定壞事。

我耐唔耐都有收到呂晨既ＭＳＧ，知道佢去左另一Ｄ跑ＧＲＯＵＰ入面，同樣地，有好多狗公圍住佢擺尾，但今次唔同，呂晨無再收兵，佢只係做返一個原原本本既自己，有時佢仲會ＳＤ下佢同班新跑步朋友既相比我睇，同以前果Ｄ對比，而家呂晨既笑容係由心而發咁開心笑出黎。



時間過得話快唔快，話耐唔耐，已經到左好多馬拉松比賽既日子，跑左咁耐既我都同班ＧＲＯＵＰ　ＭＥＭＢＥＲ　參加左Ｄ比賽，當然，我呢Ｄ入門級，剩係報１０Ｋ，ＪＵＤＹ呢個衰妹就好懶少跑，所以佢唔報比賽，而阿琪佢以前無參加過比賽，所以唔敢第一次就跑咁多，同我一樣報左個１０Ｋ試一試。

阿琪：我都報左１０Ｋ啊
我：係啊？
我：同一個？
阿琪：係啊
阿琪：可以一齊跑
阿琪：開心

講真，可以同阿琪一齊跑真係好開心，但係我無諗過，呢一次既１０Ｋ比賽，會係一個競爭之下展開。

跑ＧＲＯＵＰ通常一參加比賽，都會ＰＯＳＴ果日比賽有Ｄ咩人會去參加，報左邊個距離組別，當我睇到既時候，我見到，阿富同我報左同一個組別，亦即係同阿琪同一個組別。

阿琪：唉


我：咩事啊？又唔開心？
阿琪：阿富都報左同一個比賽
我：係啊
我：但又咩問題
阿琪：佢可以報２１Ｋ同５０Ｋ比賽，但佢一聽到我話報１０Ｋ，就話陪我跑
我：咁都幾好啊
阿琪：就係唔好，我唔想佢陪我跑，跑果陣好似比佢跟住晒
我：咁……
我：但係佢都報左，無法啦
阿琪：咁又係
我：放心啦，到時有我嘛
阿琪：你話架

但係１０Ｋ比賽其賽離而家仲有成兩個幾月，中間會有幾多變數呢？