同阿琪食完野,就送左佢返去,返家途中又收到MSG,我諗應該係阿琪,但拎部電造出黎,係一個由+852開頭既一組數字。

係邊個呢?我打開個MSG睇,就見到第一句。

B男:你好,我係頭先車你地返家既果個男人

我見到個MSG後,都唔知點既反應,腦入面只有一個問題,就係點解佢會有我既電話,本來我想即刻SD個MSG比JUDY問佢,但係再見下一個MSG,我就無咁做。

B男:唔好同JUDY講
B男:佢唔知我知你既電話


我:你點解知道我電話?
B男:頭先JUDY有比我睇過下你地既跑GROUP有D咩人
B男:我見到你個ICON,入去睇左你既電話
B男:對唔住,我知兗有D唐突
B男:但我有D野想問下你
我:咩事?
B男:其實係JUDY心目中,我係咩地位?

下?我岩岩先識你……唔好話識,你叫咩名我都未知,你就問D咁有挑戰性既問題,我點答你好,但係好彩唔駛我答,因為B男佢好似好耐無講過野咁,不停咁自己打字SD野我睇。



B男:我唔知JUDY有無講過我D野比你知
B男:不過其實我好著緊JUDY
B男:而且呢排我已經同佢求左好幾次婚
B男:但係佢都好似無咩意思
B男:我唔知點做好
B男:而且我其實知道佢有同另一個男人有D野
B男:但又唔可以開口問佢

咦,原來佢已經知兗左JUDY有A男既野。



我:咁你搵我,其實我都唔知架WO
B男:你可唔可以幫我?
我:下?我唔知點你D咩WO
B男:其實,頭先你都有眼見我同JUDY之間既問題
B男:我而家連同佢講野都好似無晒方法
B男:想哄佢又唔知點哄
B男:我而家好迷失
B男:想搵下人幫手

見到B男既一字一句都帶住無助,老實講,係有D可憐佢,但係我真係唔知點樣先可以幫到佢。但諗深一層,呢個可能係可以幫JUDY搵到對B男愛既感覺,我究竟好唔好幫佢。

我:其實女人D野我唔在行
我:我都唔知點幫你
B男:唔緊要
B男:我只係想多個人一齊幫我諗,睇下有無方法


我:不如,當係大家做個朋友,唔好話幫D咩先,你係個點樣既人其實我都唔知,好難話幫你D咩
B男:咁又係
B男:我叫COW,你呢?

我見到佢既英文名,唔知點解笑左出黎,同我都係叫阿牛,但笑左笑之後,又好感觸,因為我係度諗,唔知我以後同阿琪,會唔會變成COW同JUDY咁。

我:我叫阿牛

今晚,我識左另一隻牛。