我望住COW D MSG,點諗都唔通,識左JUDY雖然唔耐,但係佢既性格,係直腸直肚,有咩就講咩,烈女一名,你話同佢吹水,稱兄度弟就OK姐,而家要哄佢,仲要幫COW令到JUDY有應覺,其實都好難。

係……我係K房有話過要幫JUDY搵返對COW既愛情感覺,但係都比我諗下先得架,我點會合道呢個機會黎得咁突然,中六合彩又唔見我中。

而我仲諗好唔好同阿琪講,不過如個比阿COW煩埋阿琪既話,阿琪一定會嬲我,都係唔好比佢知。

但係!但係我應該點做好!!!

係呢個時候,我望住房既門,線視慢慢移落,望住個門鎖……門鎖……只要係向某一方向好大力擰把鎖,就可以扭壞佢再打開度門……能蟹仔……花花公子……軍師……軍師!!!係WO,可能可以搵佢幫手WO。



唔好問我點解我望住把鎖會無啦啦諗到佢,我自己都唔知點解。

不過,要搵一個唔比佢知道內情既方法而又可以問佢點哄女仔……咁……不如就犧牲少少啦。

我:能蟹仔,有野想你幫手
能蟹仔:有咩幫到手啊巴打
我:關於哄女仔既
能蟹仔:(奸笑)
能蟹仔:阿琪啊?
我:你當係住先啦


能蟹仔:(奸笑)
我:點啊
我:幫唔幫啊?
能蟹仔:你出到聲一定幫架
能蟹仔:想幾時?
我:你幾時得?
能蟹仔:anytime 都ready
我:咁聽日?
能蟹仔:駛唔駛咁急啊你
我:又係你話anytime ready


能蟹仔:(奸笑)
能蟹仔:就聽日啦咁
我:好啊
我:不過我有個朋友都想聽埋一份
我:你介唔介意?
能蟹仔:見係你,無問題
約左能蟹仔後,就話左比COW知,佢緊係好爽快咁答應左啦,而我就繼續諗,聽日我應該點問能蟹仔點哄阿琪……唔係,應該係點樣婉轉地幫COW問野好。

而到左另一日,我地約左係一個大排檔度見。

「男人既浪漫,豆腐火腩飯,大啤,大排檔,約係呢度傾男人野就最正。」能蟹仔好熟練咁開左支大啤,然後幫COW倒酒。

「我少少得架拿,我唔係幾飲得。」COW話。

「飲酒唔駛飲唔飲得,最近要係有得飲就飲,明唔明啊。」能蟹仔一副專家上身咁話。



「硬頸牛,你自己黎拿WO,大家咁熟就唔招呼你拿。」我聽到佢咁講後笑左笑回應佢。

「係呢,我想問女仔要點哄架?」嘩,阿COW,都未開始食野你就入正題,而且,頭先未同你講左今日要扮係我問野,而你係旁邊聽,而家你咁心急,咁未比能蟹仔知道係你想知囉。

而能蟹仔見到阿COW咁問,笑左笑話:「你都幾急下架WO。」佢食左幾舊肉後,再飲啖酒話:「女人要哄唔難,最緊要係你睇唔睇得出佢要你哄既時機。」

「時機?」我同阿COW同時問。

「緊係啦,唔係你以為一味哄就有用架拿。」能蟹仔講完後伸出左三隻手指對住我地,然後話:「你地要知道三點,女人最想比咩野人哄?女人咩野時候想人哄佢?女人最想人哄佢D咩?」

「願聞其詳。」我地兩隻牛話。

「女人最想比自己覺得岩FEEL既人哄,無論係未得米,又或者得左米,甚至好朋友,剛剛識既人,如果佢地對果個人無FEEL,就算點樣哄都好,係一眾女人眼中都只會覺得果D人口花花,嚴重既,佢地只會覺得睇緊馬騮戲。」能蟹仔話,然我地聽到津津有味咁食緊面前D野。



「女人想比人哄既時候,佢地會明示或者暗示,明示做出面係想你地令到佢地更開心,暗示係想你地哄返佢開心,當然啦,呢段等人哄既時間係會慢慢冷卻,而如果你係佢地冷卻後先哄返佢,佢地就會話你地不識情趣,呆板,總之所有唔好既野都會標籤係你身上。」我地含住啖飯表示認同。

「而女人點解想比人哄,原因唔係只為左想開心咁簡單,而係想知道自己係果個人心目中既地位去到邊度,因為就好似頭先講既第一點咁,女人只會比岩FEEL既人哄,所以,佢地都想係呢班岩FEEL既人當中有一定既地位,但如果佢地覺得地位不保既話,咁就,OOPS,GOODBYE。」能蟹仔講完後,望一望眼前既空碟話:「你地兩條友你食野定問野架?」

「兩樣都係。」我地兩隻牛傻笑話。