[愛情無限loop] 就係咁，我做左女神一年既備胎: １１９　幫出事

到站，同阿琪去食Ｄ野，今日全程氣氛都唔係幾好，原因當然係ＣＯＷ同ＪＵＤＹ，一個係好值得去幫既人，而另一個係自己好朋友，應該點選擇。

定係，呢Ｄ係佢地兩個既愛情問題，唔輪到我地去理。

望住一粒聲都無既阿琪好唔開心咁食緊野，我個心都有Ｄ難過，而我呢一刻諗起一樣野，所以我問左佢以下呢個問題：「果次……妳未話如果我贏左阿富，妳會同我做一件我想做既事，係未真架？」

雖然呢個時候講呢Ｄ野好似唔係幾好，但係阿琪都對住我點一點頭。

而我就話：「我想妳而家即刻開開心心笑返陪我食野。」



阿琪聽到後，笑左笑同我講：「你得一次機會用呢個櫂利架咋，講左無得後悔。」

而我就扮晒苦笑咁話：「妳唔好咁講啦，我而家已經開始後悔。」

阿琪聽到我咁講後笑得好開心咁話：「唔理你架拿，你用左架拿。」

只要妳開心，我無所謂。

「你覺得，我地咁做岩唔岩？」阿琪問我，我諗佢講既係關於我地幫ＣＯＷ同ＪＵＤＹ既事。



而我就話：「唔知，但係我地做都做左，只可以睇下有無方法將件事處理得再好Ｄ。」

阿琪嘆一嘆氣，「但我已經覺得我地咁做係好多事。」其實，唔只係佢咁諗，我都係。

食完野送埋阿琪返去果陣，我係樓下問佢：「係未真係用左個機會就無得收返啊？」

阿琪聽到後笑左笑話：「係架，不過就要睇你有無下次可以拎到呢Ｄ機會拿。」

「仲有下次？」我問阿琪。」



「唔話你知。」阿琪講完呢句後就返左入去。

返到屋企，老牛大人已經返左黎，佢一個人坐住廳，我就小心翼翼咁關上門，費事佢又話我嘈醒阿媽。

「返黎拿。」佢話。

「係啊。」好簡單既回答，然後佢同我講：「ＣＯＷ佢ＱＵＩＹ左ＧＲＯＵＰ。」

呢兩三句好唔夾既對話，令到我拎左部電話出黎，係ＷＯ，唔記得頭先係巴士上面校左震機添，整到我都唔知有收過ＭＳＧ。

我開返個ＧＲＯＵＰ睇返Ｄ對話。

ＣＯＷ：好多謝你地咁幫我，但最後我破壞左成個計劃，對唔住，浪費左你地咁多既時間同心機，我最後選擇左一個自私既決定

ＣＯＷ　離開了



望住呢個離開了同埋ＣＯＷ所打既字，佢所講既野同我先前對佢講果句做返自己一定有關係，而我再睇一睇佢私下ＭＳＧ我既野。

ＣＯＷ：我最後選擇左做返自己，估唔到感覺可以咁輕鬆

一定係，一定係咁。

我將部電話比左老牛大人睇，而老牛大人睇完之後，我問一問佢，「我有無做錯到？」

而老牛大人望住我，好認真咁話：「你無做錯到，而且做得好岩。」

「但係我唔明，點解我有一種幫倒忙既感覺？」我問佢，而佢就問左我一個問題：「你覺得，我地幫ＣＯＷ求婚，係未係佢愛情層面上一個多此一舉既行為？」

我，點左點頭，而老牛大人就好堅決咁同我講：「錯，一Ｄ都唔多此一舉，因為我地只係幫佢實行一個儀式，而唔係一個決定。」



「但……我比佢果個建議……」老牛大人聽完我講後都係好堅決咁話：「你都話果個係一個建議，決定點做係佢自己既事，唔關你事。」

我不解地望住老牛大人，而佢就語重心長同我講：「愛情永遠都係當局者既既事，我地旁人可以做既，只有參與同比建議，絕對唔可以下定論以及主動向當局者提出甚麼所謂既愛情考驗，我只撚憎Ｄ所謂愛情專家以及果Ｄ所謂既好兄弟好閏蜜，講到好正常話呢Ｄ係你對佢既考驗，佢過唔到姐係佢唔適合你，都ＯＮ撚９錯撚晒！佢地咁鐘意去考驗人地，唔撚好去做教書，日日出試卷考驗Ｄ學生都得啦。愛情既考驗，永遠唔會單方面考驗一個人，而係雙向架，唔係其他人定比佢地，而係要當局者自己發掘出黎再一齊去面對。」

我聽完老牛大人呢一番話開始無咁憂心我同阿琪既計劃，不過卻有打消呢個計劃既諗法，因為就好似老牛大人既說話咁，愛情既考驗，係要當局者自己發掘出黎再一齊去面對。

「但如果Ｄ朋友已經提出左考驗而發生左問題，甚至搞散左佢地兩個，可以點做？」我問老牛大人，而佢就笑一笑話：「可以搞得散既情侶，背後總會一早就發生左問題，唔係點可能會散。」

咁大鑊了，ＣＯＷ同ＪＵＤＹ本身就有問題，咁姐係……