一切就好似老牛大人既說話一樣,只要佢地真係想一齊,就自自然然會走返埋一齊,點解咁講,因為以下就係我所見到既發生。

係開於COW同JUDY。

係果日求婚計劃失敗之後,有老牛大人既GROUP就變成靜寂。

能蟹佢無講過任何野,甚至同佢見面果陣,佢對呢件事都係隻字不提,而我同阿琪,每次見到JUDY都有d尷尬。

尷尬既係,JUDY想同我地講野,但好似無以前咁開心見誠,睇得出佢有好多心事,但無人可以比佢呻。



而COW,佢好似再無出現過一樣,就算我sd msg搵佢,佢都無覆我,更何況係JUDY。

不過,原來所有野都係會自自然然咁發生,就係我同阿琪好擔心佢地兩個既時候,我地都各自收到佢既既msg。

JUDY sd msg 搵阿琪。

COW sd msg 搵我。

湊巧地,佢地兩個既msg都係一樣。



JUDY、COW:佢點啊?

佢地所講既「佢」,當然係雙方啦,其實COW搵我問JUDY既野唔出奇,出奇既係JUDY搵阿琪問COW d野。

而當我地兩個人收到呢個msg 都即刻話左比雙方知。

阿琪:JUDY搵我問COW點啊
我:阿COW剛剛都搵我問JUDY點
阿琪:(喊笑)
我:{喊笑)


阿琪:唔通,係愛情將佢地拉返埋一齊?
我:唔知啊
我:但好唔好話比佢地知啊?
阿琪:我覺得唔好住
阿琪:我地都未知佢地兩個而家有咩諗法
我:咁不如妳去搵JUDY
我:而我就去搵COW
阿琪:好
我:咁JUDY果邊就交比妳
阿琪:COW就靠你

緣份遊戲,如果真係要將佢地拉返埋一齊既話,我唔介意你利用我,只要佢地兩個係適合大家既話。

我約左COW去果陣計劃求婚既大排檔,我亦都同阿琪夾左唔會撞地方,去到大排檔,今次,無能蟹仔,無老牛大人,只係得我同COW,以及一眾食緊野好嘈既人。尸



COW比我早到,我搵到佢後就行左過去坐低,一坐低望到COW既樣,比起我腦海中以為既果個樣好唔同。

我以為佢會好掛住JUDY而個人好頹,但估唔到,佢係精神滿面。

「黎左拿?」COW見到我就問。

「你見到我真人企左係黎面前仲問呢d野既。」我笑住咁話,而佢都係度傻笑咁,「睇黎你呢幾日好似過得幾好wo。」

COW聽到我咁講後就問:「點解你會咁覺得呢?」

而我就照直講我今次第一眼見到佢既感覺,「今次見你,個人精神左好多,而且臉上面有返笑容,呢種笑容好唔簡單,係自信既笑容。」

COW聽到後又笑一笑講:「都係既,離開左JUDY,我先可以好好咁做自己既野,呢幾人,心情好舒服,不過……」

「不過咩野?」我問。



而佢就話:「唔知人係未咁樣呢?係未離開JUDY果陣時,一直都好驚無左佢會點算,如果無左佢個世界就會好似玩完咁,就會無晒動力,但係當我將隻求婚戒子扔落維多利亞港後,我好似成個人都鬆晒,原來我都可以做d咁既事,原來我都可以放低JUDY……不過呢個『原來』,只係維持左幾日。」

「所以,你掛住佢?」我問。

「我……」COW佢欲言又止,「我唔知,我唔知呢d叫唔叫做掛住,我每日返到屋企,都會見到佢比我d野,佢比我既公仔,佢比我既相架,我地既合照,我地一齊坐個既沙發,我地一齊做既好多野,我會不停咁諗返同佢既回憶,但係,我唔知呢d係未叫做掛住。」

「咁樣你會唔會覺得好寂莫?」我問佢,而佢點一點頭,我就繼續講:「諗返以前既野而感到窩心,叫回顧,諗返以前既野但感到寂莫,叫掛住。」

COW聽到我咁講後,就話:「所以我係……」「你係掛住JUDY。」我幫佢講左佢想講既野。