[愛情無限loop] 就係咁，我做左女神一年既備胎: １３９　佢叫我陪佢

當我見到阿琪既ＭＳＧ後，我成個人所有既開心感覺都唔見晒，就好似比人抽空左一樣，進入真空既狀態。

阿琪：佢問我可唔可以陪下佢
阿琪：佢話佢而家好唔開心

我望住阿琪呢兩個ＭＳＧ，唔知應該點覆佢好，如果叫佢去，我個心會好唔舒服，但話唔比佢去，又覺得做左衰人，而且，我又唔係阿琪既邊個，我有咩資格唔比佢去。

我：咁妳會點做？

呢個時候，我只可以咁樣問佢



阿琪：我都唔知啊
阿琪：只係覺得，佢而家好慘
阿琪：如果我唔理佢既話
阿琪：佢會仲唔開心

阿琪一連ＳＤ左四個ＭＳＧ比我，我無力咁放低左部電話，好無奈咁望住個天花。

點解？點解如果會發生咁既事的話，上天點解要令到阿琪今日會望動拖我隻手？點解要令到阿琪撓住我行街？點解要令到阿琪咬完一啖湯丸要我食？



係未……想玩我……

電話不停響緊，我再望一望部電話。

阿琪：我而家都唔知好唔好理佢
阿琪：我知佢對我有意思
阿琪：但我真係只想同佢做好朋友
阿琪：你要相信我只係想同佢做好朋友嘛？

望住阿琪呢一條問題，我只可以話，我信妳，但係我信唔過一個對你有意思既人會分手話比妳知而無其他企圖。



我按左一下輸入既格，慢慢地打入幾隻字

我：我信妳，妳去陪佢啦
阿琪：你陪住我啊
阿琪：我都擔心我自己啊（喊笑）
我：我點陪你？
阿琪：你一直回我ＭＳＧ就我架拿
我：好

我訓左係床上面，等待阿琪每一次既ＭＳＧ，呢一既，阿琪無出去阿阿富，只係覆佢ＭＳＧ安慰佢，而我，阿琪都不斷ＣＡＰ圖比我睇，我觀看住阿富同阿琪既對話，只係睇到兩句，「襄王有心，神女無夢」。

最後阿琪自己都頂唔住，同我講。

阿琪：佢仲講緊


阿琪：點算好（喊笑）
我：咩點算好？
阿琪：我好眼訓啊
我：咁去訓啦傻豬
阿琪：嗯
阿琪：你都早Ｄ訓啊
我：知拿
阿琪：仲有啊
阿琪：今日同你出街好開心啊（開心）
我：妳開心就得
阿琪：搵日可唔可以陪我去買化妝品啊？
我：好啊
我：夜拿妳快Ｄ去斯
阿琪：嗯
阿琪：晚安



望住阿琪所ＳＤ比我既每一句說話，再望一望佢同阿富既ＭＳＧ，百感交集。

究竟，之後會發生Ｄ咩野事，我唔知，不過再咁落去，阿富一定會進一步行動，但阿琪根本對佢無意思，點解佢唔同阿富講清講楚？