[愛情無限loop] 就係咁，我做左女神一年既備胎: １５０　理所當然與習慣

「妳未係度嚇人啦。」ＳＵＮＮＹ聽完金姐所講既野後就話：「阿琪唔會係Ｄ咁既人掛。」

我微微咁低下頭，我驚變成阿富咁？有咩？其實，有時都會有呢一種感覺，望住阿富既情況，以及望住阿琪對待阿富既行為，如果有朝一日對應左係我身上，我都唔知可以點算。

而金姐見到我突然間咁頹，就話：「通常係你搵佢多定佢搵你？」

我諗一諗，「一半一半啦。」

「咁佢搵你果陣通想係有野要幫手？」金姐又問。



「大部份都係。」我答完，金姐就點一點頭話：「咁證明其實阿琪覺我你仲有價值。」

「價值？」我問，而ＳＵＮＮＹ就話：「妳未講到阿琪好似貪小便宜先同牛兄咁好先得架。」

「我無話阿琪貪小便宜，而且仲恭喜你佢對你咁做添。」金姐講完後，我不解地望住佢。

而金姐就搖一搖頭話：「牛仔你有無咁蠢啊，我再講白Ｄ，你地以為一個女人，咁易去比一Ｄ野另一個男人解決，又或者投放一Ｄ感情寄託落一個男人度架，點都要有Ｄ　ＦＥＥＬ先會咁做，如果佢地ＫＥＥＰ住咁做，證明已經過左第一關，佢覺得你係個好人可以交往，但千萬要緊記既係，呢個情況食最危險。」

「點危險法？」我問。



「處理我唔好，就會跌入好朋友區，收好人卡。」金姐講完就問我：「你係未對佢所有既要求都答應？」

「係。」我答。

「係未佢所講過既野你定會照做？」佢又問。

「係。」我答。

「係未只係佢摸嬌一下你就可以連條命都比埋佢？」佢繼續問。



「係……」我答。

「咁就死得啦，牛仔，就好似我先前所講既一樣，有時女人鐘意ＭＡＮ　Ｄ既女人架，你只一股勁去奉承佢，只會慢慢令到佢覺得你對佢既好係理所當然。」金姐呢一句簡直係當頭棒喝，不禁令我對佢流露出崇拜既眼神。

「咁我可以點做啊？」我問金姐，而金姐就好認真咁同我講：「你要令佢覺得你既理所當然，慢慢變成不易得到既習慣。」