食完蛋糕,同阿琪過多一陣觸處既時光後,我地就約左能蟹同JUDY出黎入野。

佢地兩個一出到黎,JUDY就用好奇異既目光望住我,而能蟹就同平時一樣。

見到JUDY咁,我就問佢:「妳仲咩咁既眼神?」

「你同阿琪慶祝做咩無啦啦叫我地兩個出黎?」佢問我,而我就答佢:「咁叫多D人出黎飲野,熱鬧D嘛,阿琪佢鐘意熱鬧。」

JUDY聽到後反左一下白眼,「今日咁重要,好心你就把握機會同阿琪告白啦。」



「講左啦。」我輕描淡寫咁講,而JUDY就好驚訝地望住我問:「咁點啊?」

「未又係一樣,迥話未準備好下一拍拖,有D事要處理左。」我講完後,JUDY竟然用一個好厭惡既眼神話:「佢係未真係有咁多野要處理啊。」

「唔知呢……」我答佢,然後JUDY就拉埋左我去一邊,好細聲咁話:「咁阿琪同阿富呢?」

「唔知啊。」我又係咁答佢。

「咩你咁蠢咩都唔知架。」JUDY有少少火火地咁講:「你咁蠢可能連阿琪比人搶左都唔知。」



「最好唔好啦。」我話,然後JUDY又同我講:「果個能蟹你都要小心D啊,你同佢稱兄道弟姐,但我睇得出佢呢D PLAYBOY,一定無咁簡單,而且我覺得佢睇中左阿琪。」

「唔係掛……」聽JUDY咁講後,我望一望行係我地前面既阿琪同能蟹,佢地兩個係度打鬧緊,「但係阿琪唔會鐘意能蟹呢種男人架WO。」我話。

「我夠知啦,但係有時情愛D野話唔嘛架,你既阿琪唔想姐,但係能蟹條狗公尾已經露出左。」睇黎JUDY對能蟹都好有意見。

我再望一望佢地兩個,就話:「如果真係既話,咁係我害左阿琪,因為能蟹係我介紹佢識。」

「你又做咩無啦啦攬晒D野上身呢?」JUDY話我:「我只係唔想既好朋友到最後先知道有個危險係佢旁邊,傷害到你咋。」



「無妳講得咁嚴重掛。」我話。

「放長雙眼睇下點。」JUDY答我。

同JUDY對話左一輪後,我地就去到附近既一間酒吧,我地四個好開心咁飲酒同玩,而坐係阿琪身邊既能蟹,唔知係未飲多左兩杯,就開始多手多腳。

我開始會意到JUDY既說話,如果阿富係個睡火山,咁能蟹就係個倒數緊既計時炸彈。

飲到咁上下,阿琪又話要話TRUTH OR DARE。

玩既途中,能蟹不停向我打眼色,好似想煲爆阿琪,而坐係我旁邊既JUDY,就不停咁踢我,叫我唔好就範。

我當然唔會咁做啦,不過玩左咁多,阿琪點都會輸,而佢輸左一次之後,因為能蟹既關係,佢就開始輸落去,能蟹問佢既問題都好敏感下,睇落就好似一個情場老手咁,見到阿琪不停咁比佢問,我同JUDY唯有不停保住佢,先叫唔駛比能蟹得呈。

接近尾昇,我各自送左佢地返家,而JUDY一落車返到家果陣,就MSG我。



JUDY:都話個能蟹有野架啦

阿琪見到我望電話,就問:「邊個啊?」佢一邊問已經一邊睇我既電話,當佢睇到JUDY既MSG,就笑左一下話:「我知啊,但係你估呢個能蟹會奈得我何咩,如果佢想玩,我就要知道佢玩著火。」

我從來未見過呢一面既阿琪,「妳飲醉拿。」阿琪笑笑口話:「我無醉……我今日好開心啊!!!」

扶左佢落左車後,同佢坐左一陣公園吹吹風,散下D酒氣,而係呢個時候,阿琪就問:「阿牛,你係未想知我成日話有事要處理,果D事究竟係咩野事?」

聽到阿琪咁問後,我好認真咁向佢點一點頭。

而阿琪,就深呼吸左一啖氣,然後就講左我知……