約左同阿琪食早餐果陣,阿琪就講返尋晚既事。

原來,尋日本身阿琪係約左D朋友出街傾D野,但中途就遇到能蟹,所以就同佢朋友JOIN左能蟹班朋友去飲野,而飲野期間,能蟹佢不停咁同阿琪有身體接觸,本身都唔係幾覺既阿琪,慢慢開始覺我能蟹有D問題。

真到,能蟹去左洗手間後,有個能蟹既女仔朋友就同佢講:「妳唔小心D呢個人啊?」呢個係係指能蟹。

「小心D咩?」阿琪扮晒唔知咁問,但其實心中有數,而能蟹位朋友就話:「佢擺到明想食左妳啦。」

而阿琪聽到後只係嗤笑左一下,「憑佢,佢想玩我既話,我實玩返佢轉頭。」



然後,阿琪既朋友就話:「一睇就知果條友對妳有意思先咁做。」

「唔好意思,佢咁大細佬,我先唔會睇中佢。」阿琪好直接咁講:「佢相玩既話,就睇下最後會點。」

我聽到阿琪講返尋日既事後,點解好似一d出黎玩慣既人先會有既對白既?

「都唔見妳平時會講呢D野既?」我直接問佢,然後佢就話:「女仔出去飲野,點都要自己保護自己既,而且我身邊有無個信得過既人睇住,我更係要咁講啦。」

「咁點解你唔搵個信得過既人陪妳呢?」我問佢。



「你尋晚都唔得閒,唔應機,想搵妳陪都唔得啦。」阿琪作狀扁咀話,而我就笑左幾下講:「咁跟住呢?」

「跟住未佢醉左我送佢返去囉,佢就拎左我部電話打左比你,然後你唔知同佢講左D咩野後,佢成個人當堂靜晒唔敢亂郁。」阿琪講完呢句後就問:「點解你咁勁可以令到佢咁既?」

「秘密。」我話,其實我都唔知點解,所以先咁講,而阿琪就作狀打左我一下後,繼續食佢既早餐。

食完早餐後我就送阿琪返去,然後就施施然既拎出部電話,覆能蟹既MSG。

我:想講咩?
能蟹:出黎傾好唔好?


我:咁而家你去我樓下
能蟹:好

我返到樓下等能蟹,等左陣佢就到左,而能蟹一見到我,就同我講:「尋日唔好意思,我玩電話我唔岩。」

「你就係為左講呢D野先叫我出黎?」我問佢,佢就搖搖頭話:「唔係,我想講既係阿琪。」

「阿琪?」我無講比佢知我同先同阿琪食早餐既事,而且都唔駛話佢知。

「係,尋晚我同阿琪去左飲野既時候,發生左D事。」能蟹話,然後我就望住佢同示意佢繼續講,佢見到我既示意就繼續,「佢挨身挨勢,仲將隻腳放上我大脾度,仲叫我係幫佢揀花生佢食,我飲到中途同朋友去廁所果陣,我朋友就話呢D女送上門,你唔係唔食掛,我就只係笑笑口話佢知只係當阿琪係朋友。」

我聽住能蟹講既野,點解同阿琪頭先同我講既野有咁大既出入。

「係走果陣,其實我真係醉左,但係我醉醉地既時候,我見到佢竟然無啦啦蹲低,幫我綁鞋帶,仲話我醉成咁,唔綁好因住仆死我,佢從下望上黎果樣,真係好難抵擋。」能蟹講完後,我唔係幾好氣問佢:「你就係為左想同我講呢D野先叫我出黎?」



能蟹見到我咁,就話:「我係想叫你小心D啊,呢個阿琪真係唔簡單,如果我無女朋友,都會中招。」

「咁姐係話你都想追阿琪?」我又問,好認真咁問,而能蟹佢搖晒頭話:「唔係,我只係想我朋友清楚自己過緊果個人,係同你既世界完住唔同既人。」

我拎阿琪同能蟹同我講既野作出比較,得出既結論係佢地尋日去左飲野,有身體接觸,其他既,我都只可以話未有足夠既證據。

我唔知係阿琪主動挨身挨勢,定係能蟹佢食豆腐,我只知道,呢件事,令我意識到可能身邊既朋友講既野係無錯。

但係,如果對像係阿琪既話……

我……真係唔知應該點……