阿琪想幫JUDT慶祝生日咁諗法,我直接講左比JUDY聽,佢一聽到即刻話好,當然啦,有人肯為你慶祝生日其實係件好難得既事。

能蟹同阿珍都OK,而阿珍既OK係加左呢一句,「睇在JUDY既份上,我就出席啦。」

而七三廿一都知道左件事,所以而家會同JUDY慶祝生日既人,有我、阿琪、JUDY同COW、阿珍、能蟹同七三廿一,阿琪知道左有呢D人出席後就話:「同事我地一定玩得好開心姐。2

「咁一定啦,JUDY生日WO,一定要開心先得。」我答佢,而佢已經露出左個好興奮既笑容,「不如聽日跑步EVENT叫埋佢地黎好唔好啊,我地可以傾下去邊度玩。」

我聽到阿琪呢句說話後,臉有難色話:「要佢地出晒黎,可能係件好難既事。」



「咁又係……」阿琪扁住咀望住我,通常佢咁樣幫住我一定係有野要央求我,好明顯係想我叫佢地出黎啦。

我望住阿琪方誠懇既眼神,「好啦,我試下啦。」

「好野,都係你最好。」係咩,妳知就好啦。

本來我以為叫晒佢地出黎係一件好難既事,而且當中仲有COW同阿珍係度,應該難上加難,但當我實行果陣,係估唔到咁順利,有時有D野,做落可能同你想像既時候有好大出入。

到左跑步既時間,能蟹好早就到左,而係佢身邊既當然有七三廿一,我同阿琪行到佢地兩個身邊吹左陣水後,阿珍都到左。



七三廿一見到阿珍其實有D尷尬,不過阿珍行到佢面前,踢左佢一腳後就話:「以後你有排受。」呢句看似懲罰咁話句配上友善既微笑,好明顯阿珍係想化干戈為玉帛。

七三廿一呆左一下,都露出左一個微笑話:「估唔到妳係個咁粗魯既人。」

無錯,佢地之間就係咁簡單就完結左上次既事,可能係因為,佢地兩個之間只可能有友誼,無可能會進展到愛情。

阿珍既出現,令到其他識佢既GROUP人都行左過黎,當然係狗公居多啦,佢地不停問阿珍最近點,有無拍拖之類既野,阿珍都難得理佢地。

而係呢個時候,一個人就慢慢咁出現係我地面前,「HI。」拾拾今日都有出席活動,而佢行過黎,無非係想同七三廿一傾計,但係七三廿一同先前一樣,形同陌路人,「我地去跑步拿不如。」佢講左一句後就跑走左,而我地都跟上去。



我見到咁當然叫埋拾拾一齊跑啦,不詔全程七三廿一都同拾拾零交流,相反既係七三廿一不停同阿珍傾計。

唔通,呢D係七三廿一既反擊?

跑完步後,JUDY同COW都出現左,佢地兩個企左係運動場旁邊,「你地終於到拿?」阿琪好開心咁跑去JUDY面前問。

「係啊。」JUDY撓住COW,佢地兩個好甜蜜,而我地幾個都慢慢行過去,當中包括拾拾,而我就走係最前面,望住呢一切既發生,係呢一班人當中,有兩個女仔都同一個男人發生過感情,只係而家在場既只有果兩個女仔。

我腦入面慢慢浮現在我先前其中一個諗法,如果,當JUDY同拾拾在場,而個B男又突然出現,咁會點算呢?

世事無理由會咁巧合既。