(尋晚因為太忙無更新到,今日連放兩話,所以記住睇左202話「補返更新」先啊)

「你……你話你見到邊個話?」我問COW,而佢就再答多我一次,「我同先見到先前同JUDY一齊既男人。」

佢地兩個人既相遇,真係意料之外,我一直只係擔心B男會係有JUDY同拾拾在場果陣時出現既話會點算,但從來都無諗過COW見到B男會係點。

而我聽到佢咁講,就問佢:「……咁係無野嘛?」

COW就笑左笑答我:「其實無咩野啊,因為呢個人對我以後既人生黎講,已經唔重要。」



佢答得咁簫灑,真係難得,而我就同佢講:「佢地係入面買野買得好開心……唔好同佢地講你撞到果個男人d野,費事佢地……」「費事佢地擔心,我知架拿。」其實我覺得呢個理由都好牽強,但估唔到COW會咁諗。

都好既,如果佢唔講既話,拾拾就唔會知道原來B男出現過。

但係點解果個B男點會係呢個時候出現係超級市場呢?

跟住落黎真係可以平安地咁買野,我地唔單止買左整蛋糕既材料,就買左好多唔同既零食以諗住一陣一路整蛋糕一路食。

係整蛋糕既期間,我收到阿珍既MSG,其實今日我都有叫過阿珍黎,但係佢話唔想同阿琪有咁多交集,所以就算。



阿珍:你地整成點?
我:幾好啊
阿珍:你無比阿琪食左掛(喊笑)
我:妳唔好講到佢咁恐怖啦
阿珍:係你覺得佢係天使姐
阿珍:我總係覺得佢係個惡魔
我:妳未咁啦
阿珍:咁你地最後去左邊度整?
我:COW果度
阿珍:你地唔驚JUDY上去咩?


我:放心啦
我:我緊係收晒風先決定上COW度
阿珍:咁個蛋糕呢?
阿珍:整完放係COW度你地唔驚JUDY會搵到啊
我:……又係wo
阿珍:……(無奈)

就係阿珍既提醒下,我地整完個蛋糕後,決定由拾拾拎返去,而拾拾都好樂意,係整蛋糕既期間,我同阿琪不時留意住拾拾同七三廿一,佢地兩個其實心入面係好開心,但係二人就不停咁壓抑住自己既心情。

唔知情既阿COW問我:「佢地兩個係未對相方都有意思架?點解佢地兩個接觸怕怕羞羞咁。」

我同阿琪聽到後都笑到傻左,其實如果唔知情既話,旁人可能真係有COW呢一種諗法,但係如果係知情既人,姐係我同阿琪,只會覺得緣份仍然玩弄緊呢兩個人。