發生左果件事之後,大家心中都好似有條刺咁,COW就後都可以話哄返JUDY同補祝左生日,但係B男呢一個陰影都係磨滅唔到。

拾拾就無再出席任何跑步既活動,七三廿一問過佢,佢話拾拾而家連家都唔敢落咁多,怕B男會突然出現係佢面前。

我問過七三廿一以前有無見過B男,佢只係話得幾面之緣,但係佢出現既時間都係突然出現咁樣,好似預先知道拾拾將會出現既地方咁,唔通呢條友識法術?

實在太恐怖,令到一個人可以驚到連街都唔出,係呢一刻我諗起果一第一次見拾拾,B男打佢果陣,會唔會又係突然出現呢?

等等?我記得果日除左拾拾同B男之外,仲有一個人……係邊個呢?點解要諗返起果陣硬起愈諗唔到……諗到拿!係拾拾個朋友!



「七三廿一,你識唔識拾拾D朋友架?」我問,而七三廿一就話:「都識幾個既……」

佢答完我後,我就叫七三廿一搵拾拾D朋友比我睇,直到我見到一個女仔相同果一日見到果個女仔有八成相似,就同七三廿一講:「有無方法約佢出黎?」你地知啦,而家D修圖APPS幾勁,有八成似已經算好好架拿。

七三廿一不解咁望住我話:「可以既……平時都有同佢傾開計,但係你搵佢做咩?」

「我D關於B男同拾拾之間既事,我要問清楚佢。」我答左七三廿一後,佢就好似明白我既意思,打左個電話比果個女仔。

呢件事我都有同阿琪講,因為我答應個佢以後有咩都話佢知,佢知道後就話:「果日要帶埋我去。」阿琪既語氣係命令。



「下?妳去做咩?」我下意識問左出黎。

「唔理,我就係要去。」佢既答案下,我傻笑中,而佢見到傻笑中既我就繼續講:「因為係女仔所要我要跟埋去。」

「下?咁男既妳就唔跟去?」我問。

「係,因為係女仔所以危險D。」阿琪答我,我真係唔明有咩咁危險……

就係咁,七三廿一就約左果個女仔當晚見面,我、阿琪、七三廿一三個人坐係相約好既餐廳入面果陣,七三廿一細細聲問我:「點解阿琪會黎?」



「佢話會危險wo。」我細細聲答七三廿一,然後佢就望一望阿琪,一副明白的樣子同我講:「佢怕你比人搶走啊。」

「未痴線啦……到拿果個女仔。」我同七三廿一講,而佢就望向我所望既方向話:「呢邊啊,壹百。」

個女仔原來叫做壹百,咁你地三個都好夾姐,七三廿一,拾拾壹百。