估唔到係一個咁既情況諗返老牛大人想點慶祝,我記得佢呢一句說話,係有一日我放完工返到屋企後同我講。

果日我做野做到好累,一返到去就只識坐係張沙發上面,而老牛大人就睇緊電視,咁岩播緊一套電影既預告。

「呢套戲好似好好睇WO。」老牛大人話,而我就望左一眼電視話:「港產片黎既……」

「請支持香港電影拍攝工作!呢套戲D卡士好勁!」老牛大人好興奮咁講,好少何見到佢對一套戲可以咁興奮。

「咁未同你去睇囉。」我話,然後電視講左個上映日期,一聽之後,「嘩,就有排先上WO。」老牛大人話。



「咁到時買飛同你去睇囉好唔好啊?」我又問。

而老牛大人就答:「到時先算啦,都唔知你呢個衰仔仲記唔記得。」

呢一句到時先算,真係差D比佢講中,如果唔係阿琪話想去睇戲我真係醒唔係。

但係都未知老牛大人係未真係想睇,但係都要問下佢。

「咁你爸爸想睇D咩野戲啊?」阿琪咁樣一問,我腦海不停努力地嘗試搵返果日見過既廣告片段,但我只係記得,有車追逐既場面,有槍戰,有警察……但就係諗唔到套戲叫咩名。



我將我記得既野都講晒比阿琪知,而阿琪就話:「港產片好多都係咁架WO。」

又係既……港產片死拍爛拍都係警匪片……

「你要努力D諗返先得架,如果唔係我都唔會同你去睇戲架。」阿琪突然既呢一句話,令我有左記返起老牛大人想睇咩戲既決心。

而當晚我返到去,就即刻問左老牛大人係未想我同佢去睇戲,好彩真係比我撞中,但係佢硬係唔肯講佢想睇邊套,叫我自己搵到再話佢知。

老牛大人啊,而家你想睇咩野戲已經關係到我既幸福,唔該你就好心D講比你個仔聽啦。



而除左搵戲呢件事外,另一件重要既事當然係B男,我地果個計劃就係兩日後既晚上展開。

果一日,呂晨著得好性感,我地幾個男仔睇到都呆晒。

「你地三個駛唔駛望到咁實啊?」阿珍問我地,而阿琪就係仍旁邊無出過聲。

今日既呂晨真係太靚,仲好性感,佢今日件衫好緊身,露出左佢完美既身段,而且果條樓屌裙真係……行係街所有對女性有興趣既動物都一定有100%回頭率。

但係唔知點解,阿琪見到咁既呂晨,露出左一種不悅既眼神,而且呢一種眼神仲不停射向我。