[愛情無限loop] 就係咁，我做左女神一年既備胎: ２２３　捕獲Ｂ男

「呂晨小姐，你知唔知由我見到妳呢一刻開始，我就要食素。」能蟹見到呂晨著到咁性感後，開始胡言亂語。

而我地聽到佢咁講後，都唔知比咩反應佢好，因為跟本唔知佢想點，而呂晨就問佢：「點解？」

然後能蟹盲ＣＨＯＫ左個型樣，然後用佢爛到無得再爛既普通話講：「因為，妳是我的菜。」

頂！！！！！！！！！點解呢Ｄ說話可以有人講出口架！？只可以話，可能能蟹唔係人所以佢先可以講到出口。

我、阿琪、阿珍及呂晨聽到後，都打晒冷震，除左七三廿一投放出好仰慕既目光話：「師父，你可唔可以教我點先可以講野好似你咁叻啊？」



七三廿一……你真心想學呢Ｄ黎做咩……降低地球溫度？拯救溫空效應？

今日既呂晨真係好吸睛每一個人行過都會望住佢，有Ｄ甚至係駐足欣賞咁滯，睇黎今日只要Ｂ男一出現，一定會埋呂晨身。

以我地所打聽返黎既情報，我地先去左呢個時間Ｂ男會出沒既地方，而且我地特登前後腳咁入去，首先係我同阿琪，然後就到呂晨，再之後就係阿珍、能蟹同七三廿一

當然啦，除左呂晨外，我地幾個都坐係無咩人留意到既地方，因為ＪＵＤＹ生日果日，我地幾個其實Ｂ男都見過晒，除左呂晨。

而呂晨都好依足計劃行事，佢一坐低就騷手弄姿咁，不知有幾多人已經注意緊佢，而我地就開左個ｗｔｓ　ｇｒｏｕｐ同佢保持聯絡，不過……



能蟹：由頭先到而家，已經有六個仆街望住呂晨拿
七三廿一：係啊
七三廿一：數目中不停上升緊啊
能蟹：第七個仆街係呂晨既六點鐘方向
七三廿一：第八個仆街剛剛扮野係呂晨身邊行過
能蟹：第九個仆街佢剩係掛住望呂晨
能蟹：真係差Ｄ仆街
七三廿一：第十仆街係呂晨八點鐘，注意係八點鐘
能蟹：七三廿一，果個係女人黎架
七三廿一：唔係掛！？女人！？


能蟹：係一個好男人既女人
七三廿一：真仆街
阿珍：你地兩個ＯＮ９完未啊
阿珍：最仆街係你地兩個囉

估唔到同佢兩個同臺既阿珍會咁講，我同阿琪見到咁都即刻笑左，而遠看呂晨都係一樣，笑左出黎。

不過時間過左成一個鐘，呂晨住低都飲左成支白酒，而且已經有五個人行埋去搭訕，Ｂ男都係未出現，而我同阿琪一方面就一直留意住門入後既人，另一方面就留意住呂晨既安全，而過多左陣，阿琪就話：「呂晨真係好靚。」

聽到阿琪突然講Ｄ咁既野，我只係做左以下呢個回應：「點解咁講呢？」

「唔靚咩，而且呂晨身材仲好好添，應有既地方都有晒，應該所有男人都想同佢一齊。」阿琪雖然好輕鬆咁講，但實則我聽得出佢有小小妒忌。

而我就話：「都唔係啊，我覺得妳靚過佢好多架。」我係用好認真既語氣同阿琪講，而阿琪聽完後只係笑得好開心咁話：「我唔信你啊。」



「信啦。」我見佢笑得咁開心，我都笑住同佢講。

而係呢個時候，阿琪見到阿珍離開左自己個位，就係個ＧＲＯＵＰ問佢做咩事，原來只係阿珍想去洗手間姐，真係嚇左一嚇。

然後阿琪就繼續講：「如果呂晨話鍾意你既話，你會唔會同佢係埋一齊啊？」

面對呢個問題，我即刻答佢：「唔會啦……」然後吱唔左一下話：「其實妳一直都知我既心意架。」

阿琪無出聲，只係微笑咁望左去一邊，但係當佢見到一ｄ野後，笑容突然收起，「Ｂ男黎左。」阿琪話，然後我望向門口，驚訝起殷。

驚訝既唔會見到Ｂ男，係見到剛剛去完洗手間既阿珍咁岩出黎，同Ｂ男撞到正。

唔知Ｂ男會唔會記得果晚見過阿珍呢！？如果佢記得，咁今次既行動未……