我唔知我最後係點返到屋企,我剩係知道尋晚同SUNNY以及能蟹傾左好耐,講真,好耐無試過咁開心傾計。

果種開心,係可以講晒自己心中既不快,我稍稍記得,當中有少少係關於阿琪,但我又唔係記得咁清楚。

飲醉既另一朝早,一定有既野就係,頭疼。

我頭重重咁起身,行去洗面果陣係塊鏡到望住自己既樣……我塊面手字又幾好睇WO……等等!?邊個畫花我塊面!?我即刻睇一睇我塊面上面寫左咩野字,睇完後我個心離一離,我塊面寫住,「食屎啦妳,阿琪。」

邊個PK寫上去架!?我即刻大大力咁擦走D字,然後用最快速度拎左自己部電話出黎睇下會唔會搵到有D咩野線索可以知道係邊個畫花我塊面。



而我一打開個電話,就見到WTSAPP多左個GROUP,入面有我、能蟹及SUNNY,而GROUP果個ICON就係我既樣,而且果六個字清楚可見。

我:點解會有張咁既相架!?
能蟹:訓醒拿
能蟹:正唔正啊手字
我:你寫架?
SUNNY:係我同能蟹送比你架
能蟹:你尋晚睇完仲話好既
我:一定唔會囉
SUNNY:有片為證



然後能蟹SD左條片出黎,而條片就係飲醉左既我地,片入面,我係一個好醉,而且能蟹同SUUNY講咩,我都會重頭講一次,而當中佢地就不停重覆我塊面上面所寫既字。

能蟹:條片真係精
我:未玩啦
我:比阿琪見到我實死架
SUNNY:你地兩個咩野關係都無
SUNNY:驚咩
我:……
我:總之DEL左佢先啦


能蟹:咁就要睇下你以後既表現拿
SUNNY:我地已經諗好晒點樣幫阿銀
SUNNY:以及你地尋晚講過果個B男
SUNNY:不過我地就差個人行動
能蟹:我諗而家已經有人會自動做果個行動架拿
我:好……我做……

你地兩條友仔,估唔到你地會借醉行兇,為左地唔好將呢D野流出,我唯有答應左佢地先。