呢件事就咁完結?
當然唔係啦,一訓醒,就見到有好幾個msg係由一個新group sd 出黎,而果個group既主題係去探阿銀。
而且,原來都開左好幾個鐘,同埋好似差我未表態。
然後再睇,原來阿琪都有sd msg 比我。
阿琪:起身未啊?
阿琪:佢地話一齊去睇阿銀啊
阿琪:未訓醒?
阿琪:係未發生左d咩野事啊?
阿琪:呢排咁多野發生
阿琪:你唔好嚇我啊


阿琪有時擔心一個人都諗得幾多架wo……
我:無事啊我
我:剛剛先訓醒
然後我就係個group覆左個msg話一齊去,睇一睇個時間,原來只係早上十一點幾,所以我地約好左食完個lunch後一齊去探阿銀。
JUDY同COW因為今早先係醫院出黎,所以我地叫佢返屋企休息下先,況且而家所有事都大既搞好,佢地幫左咁多忙,都應該好累。
而坐係度既人,除左食住面前既野食,個個都想講野但又唔敢,直到,能利講:「本身呢一餐應該係慶功宴,但估唔到……」能利未講完,能蟹已經打左佢一下。
其實,佢講得都岩,如果無發生阿銀撞車件事,可能,結果會唔一樣,不過,呢個結個算唔算差呢?而家其實仲未知。
食完野,我地一行人出發去探阿銀,不過醫院通常唔會比咁多人一齊去見佢,所以我地係病房外面輪流入,而我同阿琪就係第一組人入去。
係入去既路上,我地見到SUNNY行出黎。
「佢點啊?」我問行到我地面前既SUNNY,而佢只係無奈咁笑左一笑話:「唔知係未個天唔想阿銀再服苦落去,個天送左一份禮物比阿銀。」


SUNNY呢一句,令到我同阿琪都好不解,正當我同佢行到病房果陣,見到阿銀坐床上面,金姐就批緊蘋果比佢食,而銅sir就同阿銀係度有講有笑。
係一個好溫馨既場面,我同阿琪見到咁都覺得好開心,不過,點解佢地會有咁既場面既?
阿銀見到我同阿琪,用一個好奇既目光望住我地,然後問銅sir:「阿爸,佢地……係唔係我既朋友啊?」
朋友?我地係妳既朋友?
「唔係啊,佢地係妳媽媽既朋友,特登黎睇妳架。」銅sir答,然後金姐笑左一下,阿銀就望住金姐問:「媽媽,你朋友佢地真係好,特登黎睇我。」
媽媽?先前仲好嬲既阿銀,叫金姐媽媽?
我同阿琪真係好唔明白點解無啦啦件事可以去到呢個地步,金姐望到我同阿琪呆左既樣,笑左出黎,阿銀見到金姐無啦啦咁笑,不解地跟住笑,而銅sir就一路笑,一路行到我同阿琪既面前,好細聲係我同阿琪既耳邊講左個答案:「我個女佢失左憶。」