金姐留左我係佢屋企食飯,熱情難卻所以我答應左佢,係佢煮野食既期間我同阿銀都傾左好多,不過佢無問我先前既記憶,只係問我關於而家一個年代同佢記憶中既年代有咩分別。

我有反問返佢,點解唔問一d關於佢自己既回憶,佢微笑答返我話:「好似頭先所講一樣,我想自己去搵。」

傾既期間,一路聞到金姐煮野既味,真係好香,阿銀都話金姐煮野食好好食,今日我可以留係度食係我好彩。

我就笑笑口咁認同。

然後,門口突然有一陣搵鎖匙既聲音。



「阿女,幫我開門。」金姐係廚房大叫左出黎。

「知道。」阿銀用同樣既樣浪回答後,走左去門口果邊開門,「我開門仲快過你搵鎖匙,SUNNY你手腳真係慢。」

SUNNY聽到阿銀咁話佢後,笑左笑話:「妳呢個靚妹唔好以為你阿媽係我女朋友,我就唔敢教訓妳wo。」

「你敢咩?」阿銀扮到好得戚咁同SUNNY講笑。

而我見到SUNNY,先係呆一呆,無錯,我一早知佢同金姐而家係情侶關係,但突然係金姐屋企見到佢,真係意料之外。



SUNNY入到屋,見到我係度就話:「阿牛,你黎左啊?」

我點一點頭,心諗真係巧恰,我想問意見既其中一人,除左金姐,就係SUNNY。

SUNNY坐低後,阿銀就好識做話:「你地兩個傾下計先,我入去幫我媽媽手。」

「妳入去幫手?咁今晚仲d野仲食唔食到架?」SUNNY話。

而阿銀都不甘示弱話:「係啊,我會係你食既野度落毒,你今晚唔好食啊。」然後就走左去。



我見到SUNNY同阿銀既關係咁好,我都好開心,而SUNNY係阿銀走左之後,就問我:「今日上黎係未有咩野事?」

「你又知?」我問佢。

「你有幾何會主動搵阿金先得架,搵得到一定係有野想問佢啦。」 SUNNY果然係見慣世面。

又係一樣,我同SUNNY講左阿琪既野,然後佢一臉既苦思後話:「阿牛,你覺得愛情,有無男女之分啊?」

突然間既問題,令我都唔知點答佢好。