我覺自己今次真係幾叻,因為我堅持到唔話比JUDY知,不過,就令到JUDY對呢一件事起左戒心,而且條衰妹事後竟然將件事話左比其他人知……

其他人包括能蟹果一對、七三廿一果一對、阿珍、阿塔、呂晨等地。

真係無諗過佢會用輿論壓力黎迫我講出黎……深深體會到唔好得罪女人呢個真理。

JUDY幫我講左比其他人知後,我既電話就不停收到唔同人既短訊,所有既內容都係一樣,叫我未on9,唔好傻之類。

見到呢d msg我真係好無奈……



不過有一個我一見到就好激氣,係JUDY sd 左個笑到喊既樣比我,而且加左一個「你今次仲唔死」既msg。

好明顯,呢個衰妹係有心玩野。

佢地仲開埋個group拉左我入去,我不停quit佢地就不停拉,最後我都放棄左,set左做靜音算。

但就係呢個時候,我收到一個電話,係呂晨打黎。

我猶疑左一陣就接聽左,不過一接聽,呂晨咩都無講,呢一個靜寂維持左五秒後由我黎打破,「打比我咩事?」



「點解?」呂晨問,聽得出佢好似好怒氣。

「咩野點解?」我問返佢。

「點解你為左阿琪可以做咁多野啊!?」呂晨可能係忍無可忍,好大聲咁叫左出黎。

「我……」我都未答,呂晨已經收左線……

面對呂晨呢一個突如其來既電話,我真係唔知佢係咩野意思。



然後,收到既係阿珍既電話。

「喂……」「你呢個阿牛係未on9架!一早同你講左呢個阿琪唔係咁簡單架啦!點解你……」佢一連狂講左好多句,我都應接不下,「妳……妳冷靜d先。」

「我點冷靜啊!而家我既好朋友比一個女人玩到咁啊!仲要話要做一個好重要既決定放棄某d好重要既野啊!你講!係咩野決定!」阿珍仍然好嬲咁話:「點解你話定都唔聽架!!!」然後,又收左線。

係未每個女人發嬲果陣都鐘意打比果個人鬧完佢一輪後就收線架呢?

然後,又收到另一個電話……「今次又係邊個啊?」我望一望,係一個未入電話list既號碼。

橫店頭先都聽左兩個電話,唔爭在聽埋呢個啦。

「喂?」「你呢個on9係未溫女溫上腦啊!傻撚左啊!痴撚線架!咩撚野重要決定啊!放咩撚棄d野啊!」聽得出呢位女士應該開始語無論次,「等等……妳係邊個啊又?」

「我係能蟹條女啊!你條撚樣連我把聲都唔知!?真係想死啊?你……」聽到呢度,好似有個人拎走左佢部電話。



一開聲,「喂,你真係決定左要咁做?」係能蟹把聲。(條撚樣真係無得救架!)

「係。」我答佢。(邊有人咁撚蠢架!)

「今晚出黎傾下好唔好?」能蟹問。(如果係我!我一定打撚死佢啊!)

「如果剩係我同你兩個既話,可以,如果有其他人既話,就唔駛。」我答佢。(叫佢話我地知佢而家係邊!我而家就走過去打撚醒過仆街!)

能蟹靜左靜後,就話:「可以,無問題。」(我要而家就過去打撚死個仆街啊!)

「能利佢,好似好嬲wo?」我問。(我要大巴大巴咁昇到佢鼻屎都飛出黎!)

「係啊,其實我都好嬲,不過見到佢咁嬲,我都費時嬲住先。」能蟹答。(我仲要打撚斷佢對腳添啊!)



「好,咁今晚見。」我話。(好撚嬲啊我而家!!!)

「ok。」能蟹答。(阿牛係個on撚9既死仆街!!!!!)

然後能蟹就收左線。

其實,有咁多朋友關心自己係好開心既事,不過佢地出自既關心係同你而家想做既野相反既時候,內心,都好掙扎。