[愛情無限loop] 就係咁，我做左女神一年既備胎: ３２７　地點ＬＩＳＴ上既希望

「咁兩位仲想唔想繼續搵阿琪呢？」企係一邊見到佢地兩個和好既我問。

「搵，緊係搵。」阿珍話。

「藍臣同呂晨都已經去下個地方搵阿琪，咁不如你就同我地兩個一齊搵啦。」阿塔講。

「都好，我地三個好耐都無一齊去做一件事拿。」我話：「計起上黎，都已經有一件。」

我地三個互相望住大家，笑左出黎，「估唔到，呢一件發生左咁多野。」阿珍話：「絕左交一年交，大家都各自成長左好多。」



「可能，友誼係無完結，只會有停頓。」我話。

「無錯，所以有好多人都情願要友誼多於愛情。」阿塔講：「阿牛，如果你難得走出ＦＲＩＥＮＤ　ＺＯＮＥ，就要好好把握機會。」

我對住佢點一點頭，而佢就望一望隻錶，「時間仲有Ｄ，我地食度跑個圈搵阿琪，如果無，就去另一個地方。」

「好！」我同阿珍既回答。

我地三個，已經有一年無一齊跑步，估唔到會係咁既情況下可以一齊跑返，如來，人生入面有好多野真係自己掌握唔到，就好似老牛大人走左，留唔住，就好似阿琪無啦啦唔見左，我地只可以盲目咁搵，就好似阿塔同阿珍，其實我無諗過佢地兩個可以和好如初，但係係佢地兩個身後跑步，見到佢地可以好似以前咁打鬧。



原來，有Ｄ野，真係要用時間黎解決，人，係急唔黎。

跑左一個圈返到原地，都係搵唔到阿琪，「唔駛灰心，我地去下一個地方搵。」阿珍講得無錯，地點都未搵晒，一定仲有希望。

我係個ＧＲＯＵＰ同藍臣講我同阿塔阿珍一齊搵，因為我怕佢係下一個地點等緊我，而藍臣見到個ＭＳＧ，ＳＤ左個ＯＫ比我。

睇一睇個阿塔阿珍既地點ＬＩＳＴ，仲有好幾個地方要去，而最後一個地方比較特別，「呢個地方……」我見到呢個地點，會心微笑左出黎，唔通呢個係上天既安排。

如果唔係上天既安排，點解可以咁巧恰。



「阿牛，唔好係度發呆拿，我地去下一個地點啦。」阿塔係我身後好大力既拍我既膀頭，「一定會搵到阿琪既。」

我望住最後既一個地點，唔知點解有一陣希望既感覺由心而發，總覺得，只要搵到最後呢個地點，就一定可以搵返阿琪。

再加上阿塔既呢一句。

「係，一定可以搵到佢。」我答阿塔。