「葉隨心!你同星儀到底做咩嚟呀,成日就係係度訓,一返嚟就見你地訓埋一齊,上堂又係咁。」詩詩鼓起了臉蛋,帶有怒氣地說。

 星儀看見奸笑了一下,撟著我的手然後說:「係囉,心仔尋晚做左咩呀,講比人知點解我同你都咁眼訓啦。嘻嘻。」

 哇,你咁玩我?

 「估唔到你係啲咁嘅人,睇錯左你呀!」詩詩嬲爆爆咁走左去

 「聽我解釋呀。」我推開了星儀,追了出去,卻看不見她的身影。





 我回想返詩詩中學時期唔開心會去嘅地方……

 音·樂·室。

 於是我跑了去音樂室。打開了門,詩詩正瑟縮在鋼琴的椅旁。

 「詩詩。」

 「你嚟做咩呀。」明顯係嬲緊嘅語氣。





 「尋晚......」

 「你做咩關我咩事呀,唔想知呀。」

 「聽我講啦。」

 「你講呀,點解你有星儀,你果日仲想錫我呀。你當我係咩呀?」詩詩站了起來,面紅紅的,帶著淚的說。

 「你知唔知,我一直都......果一日我以爲......你都,但第二日你就成日凈係望住星儀,頭先星儀仲要話......」詩詩已經說不下去。





 但我鼓起了人生最大的勇氣,我抱緊了詩詩,然後吻了下去,起初詩詩想推開我,可是我不願意開放,然後漸漸的她的舌尖開始回應著我,這一吻如龍捲風般令我倆交纏在一起。

 這份觸感,這淡淡的茉莉花香,就是我魂牽夢縈了十多載所要追求的一切。

 直到不能呼吸,我們才放開了彼此。

 「你咁樣係咩意思呀。人地個初吻呀,你.......」詩詩低著頭,嬌聲地說

 「我要話你知,呢個都係我嘅初吻,我鐘意嘅人一直都只有你,以前係,依家係,將來都係。」終於說了出口了。

 「我點知你係咪講真話架,口花花咁。」詩詩口中說著一套,手卻依舊抱著了我。

 所以我沒有多說話,只是抱緊了她「係真架。」

 「咁你同星儀係咩關係呀。」詩詩輕輕推開了我。





 我思考了片刻,如果我要同詩詩一齊,我嘅事唔可能瞞一世。

 「我講出嚟,你未必信。但我發誓我冇講大話。」

 然後,我將事情由遇到上帝開始一五一十的說了一篇。

 「吓?」詩詩聽完好像有一點難以接受。

 「佢冇講大話,係真架,仲有頭先我玩下佢咋,你唔好嬲我呀。嘻嘻。」星儀突然冒了出來。

 「哼,聽住先。」詩詩抱緊了我。

 「好啦,唔阻你地,拜拜。」星儀說罷便轉身離開。





 我亦安下心來。

 然後開始興奮得抖顫......我跟詩詩接吻了......媽呀我得左呀。

 我輕輕推開了詩詩,凝望著她。

 「詩詩小姐,咁你願唔願意做我女朋友呢。」我微笑著說。

 我得到的不是言語的回應,而是深深的一個吻。不能言傳,只能心受嗎? 棒極了

  沒錯,這一天是葉隨心夢寐以求的一天,可喜可賀。

 可是他並沒看見星儀轉身後的眼淚......

 「呢個係你要嘅結局?」莊子說





 「嗯,因為係呢個時空,我只係外人.....我老公已經死左,屬於我嘅葉隨心並唔存在係呢度。」

 莊子搖了搖頭,嘆了一口氣。

 明明好鐘意好鐘意但就甘願放手比愛人擁其他人入懷,哈哈......到底我返嚟係為左咩呀?

 點解你唔守諾言呀。明明話過無論係邊一個時空你都會一樣咁愛我,點解你會抱著第二個呀?

 在星儀哭泣著的同一時間在音樂室傳來的音樂更是諷刺。

 因為傳來的是一段十四天的鋼琴伴奏。

 正好是九月十四,正好是十四天……





 很想一起,終於一起……可否不死直至我不愛你。

  「你可唔可以講我將來會點?」詩詩坐在我的大腿上,彈著琴。

 我想到以前,看著詩詩為他人披嫁衣。縱然美得令繁花失色,卻是帶刺的薔薇……

 我不打算隱瞞自己的不中用,將我的過去,她本來的未來說了一篇……

 「葉隨心,你真係好冇用,好明顯另一個我本來都鍾意你啦,由中學等你等到大學畢業呀,好彩而家嘅你唔係咁咋。」詩詩咬了我的手臂一下然後繼續彈。

 「點會呀,咁多人追都冇個得,我又……」

 「咁你依家抱著邊個? 」

 我無言以對了。原來曾經只差一步……卻因我的懦弱而失之交臂,幸好上帝能讓我再來一次,今次,我一定要令詩詩幸福……絕對。

 我抱得更緊了,心怕一鬆開,她便會再次離開。

 「對唔住呀,我遲到左十五年……」淚不其然的流下。

 「唔緊要,對我嚟講你好準時呀,最重要嘅係今次你一定要比到幸福我呀。就當係幫另一個我拎返佢本來最愛嘅人啦。」詩詩輕聲地說然後倚了在我的懷內……

 就這麼,愛到死,很足夠。
 
已有 0 人追稿