Season 7, 魚的序

「喂, 阿添, 我又比阿Mic姐省左獲金喇, 聽日飲野再同你講啦」

「大佬...而家幾點呀? 你聽日再同我講咪聽日同我講囉, 你想聽日飲野咪聽朝先同我講囉, 你打黎把托咩」

「唉, 咁我燥丫嘛, 燥咪打比你呻下囉, sor囉, 係咁啦係咁啦..」...咇!

隨著咇一聲, 電話螢幕轉向 1:21分, 今個月唔知道第幾次半夜訓醒.

我叫阿添, 係一個設計師, 本來從事呢一個行業呢個鐘數未訓係人之常情, 因為時時都有人話, 做設計既半夜先諗到靈感,
我覺得係嫁...不過係我讀書果個年代咪係囉, 出左黎社會做野, OT係常識, 落去HAPPY HOUR係共識, 早左訓係屬於一個儀式


唔知幾時開始, 每晚凌晨一點幾都會札醒一次, 好彩既咪訓得返, 不過一個星期好彩既得1,2日, 醒左訓唔返之後唯有食支煙, 聽下歌
等到攰再訓下, 所以每日都會帶著疲勞既身體返公司, 我相信每位香港人都同我一樣, 每日都好攰,但係唔知點解

「阿添, 今日返工前食煙呢, 見到個女仔幾正啵, 其實都見左佢幾日同一個時間同一個地點, 但係都係你眼望我眼冇交流」

又埋黎講野呢條友...叫阿Wing, 就係一個情緒暴燥之下就冇理智既人, 所以琴晚咪嘈醒我囉
我地大學時期, 佢係低我一年既師弟, 為人好識執生, 不過懶同某程度上...有幾分蠢, 雖然我會覺得佢係扮, 但有時係真果下先死呢...識執生同蠢原來係會共存
機緣巧合同好不幸之下, 佢黎左我公司做. well..真係恭喜曬佢,
我覺得好幸運地, 我同佢唔同一team, 試問你點同一個EQ會出事既人從事一樣好考EQ既工作



「咁你咪識下人囉, 你都話咁有緣份見左幾日, 佢又有昅你你又昅佢,咁互昅好正常丫...........................................」 我下意識望住電腦螢幕回答一大段我本能上會回答既野, 希望打發佢走

「唔係喎...佢一定係附近返工嫁啦, 唔係點會日日都係同一個位先?」

我心諗...你平時識女仔咁有急才, 你問得呢句又要我認同你, 其實你心入面有答案, 做咩要黎煩我呢...
唉..你都係想我確認完你去馬姐...

「係呀...分析正確」 我一邊send一份改完既設計圖出去, 一邊回應佢既問題 「去!」 即禁一係鍵盤上既Enter

「咁我聽日如果再見到佢, 我實會過去識佢!」



其實阿wing一定會識到佢既...就算唔係聽日都係後日啦, 反正係我既角度你地既相遇都係米已成炊, 唔通人地會係今日辭職咩
係爭下一步佢地會發展到咩關係姐, 不過以佢PLAYER既性質, 希望對方都唔係善男信女啦, 唔係又會有一朵鮮花係地球上消失

我繼續我刺激既工作, 其實係我條team都算係優差, 有兩個有經驗既Designer帶住, 由佢地去應付一個由朝擔心到晚既team leader, 唔係擔心d作品唔夠得體就係擔心時間唔夠.
我就同幾位同事負責解決問題, 幾大家都好相處融洽, 融洽地點應付個team leader既無理要求.

「阿添, 有冇諗住換電話」坐我背後的玲姐突然大聲問

「有既...諗緊64定128gb好, 不過128gb太貴..」  我只係一個畢業冇耐既設計師, 身價點會夠坐我隔離果幾位有曬專業資格既哥哥姐姐鬥丫...

「下!? 緊係128啦, 到你有女朋友既時候就會少好多好多相嫁喇, 到時你想放都放唔到啦」

「嘩..玲姐...到我有果陣先換咪得囉」



坐我隔離果位阿安即時答咀「到你換左就有嫁啦」

我苦笑住咁答一句「diu...講呢d, 如果係既話我換夠十部啦」

其實工作呢兩年入面, 我身邊果幾位哥哥姐姐都好鍚我呢個小朋友, 而佢地亦都成日擔心我既終生大事, 希望我快d搵到另一半而唔洗每日都過著一隻單身狗既生活
不過現實就係佢地每日都有好善意既毒舌, 所以就算係一隻狗...都會過得好開心
我果一條行入面有玲姐, 阿安, 我跟住佢做野既大佬阿祖, 同埋行既盡頭係坐係房入面至高無上既team leader「Da姐」
對我黎講, 佢地每個都獨當一面同埋富有幽默感黎支持每一日改完又改既工作, 所以都好尊敬佢地
而阿安係一位非常俊俏而高大既男子, 我地每日都會係樓下食一支煙吹一陣水先各散東西又或者.............上返去繼續做野

「你冇諗過搵個新嫁咩, 成日係到hea」 阿安點起一口煙就隨即問

「咁..遇到咪遇到, 遇唔到都冇辦法既」我一邊拿起火機一邊回答

「呼...係咪你眼角高咋, 你睇下我地返工呢個area, 好多都高質喎」



「我都見到, 不過我唔識點主動去識丫嘛」

「嘖...你真係好垃圾, 你個friend阿wing咁識so-so, 佢身邊應該有好多好介紹喎」

「靠佢? 佢有都益左自己先啦」我扯完一口再回答

「咁有d佢未必啱嫁嘛, 咪可以彈比你囉」

「又唔見你彈比我, 講咁多返上去做啦」

「我果d唔啱你嫁」 阿安面帶邪容而回答

我地相視而笑就繼續返上去繼續我地各自未完成既工作...



如是者...到星期五晚, 要happy hour既時間終於都來臨喇! 呢個係唯一一個堅持住前四日工作既目的

「喂喂喂...添, ...拿, 我今朝就撞到個女仔, 問佢不如收工一齊飲野, 原來呢佢就係我地隔離大廈返工嫁姐...咁我地呢..................................」

「Wing哥, 可唔可以快少少, 我想知重點」習慣要高效率既我終於都要打停佢

「哦... 收工飲野, 你ok?」

「得, 你一早咁講咪好囉」一早知佢講野冇咩重點既我回答

到左收工既一刻「喂, 大佬, 阿安, 今日飲野我唔得閒, 你地去啦」

「咦...你竟然會唔得閒?」 大佬阿祖扮疑問, 實情已經用眼神咁瞄左我一下

「唔好阻人啦」阿安加入憤怒既語氣, 而佢既眼神只係望住自己既螢幕, 我好相信...佢呢一句係同一時間回覆緊我地 同埋....電腦另一面既客人「係呀, 同你地飲少一晚我地唔會因為咁而不歡而散既」



「咁你走囉, 走遠d囉」 我大佬面對螢幕揮著手

我就執拾細軟落樓下, 睇下wing哥又有咩新花款