一仔,表面睇上去,你可能覺得佢係個無業遊民(但原來係退休人仕)。背心,拖鞋,沙灘褲。一個簡單,平凡的第一印象。就奇!!我對佢既第一印象係:「原來哩個世界有人識超能力!」。

  唔知佢用咩能力,係我苦惱緊<<爸爸腦裡能撐船>>第一句點寫既時候,佢就好似識時空轉移咁,突然係我床邊出現,繞著腳玩手機。

  係!係好平常咁無啦啦出現!我已經唔知點樣形容哩一個登場手法……

  而我可以做既事就係兩隻手原封不動固定係鍵盤上面,等待哩個背心超人(?)介紹自己。

  一仔:「諗唔到點作呀?不如我講下哩個世界既秘密你聽丫?」





  有冇人想像到一個生得好似人類,但你仲未定義到佢係咩既時候同你好似好熟咁傾計?我既反應只係希望等佢再講野,或者等佢再做出唔係人類會做既事就報警。(雖然唔知有冇用)

  一仔開始玩住手機,一邊自言自語:「每個紋身師,都要真正學識三條規則先可以正式成為紋身師。」

待續...