「大家既產品都好好,但係全部都係垃圾。」垃圾?不過Dennis呢個人由中學到而家都係咁,一定要批評其他人,等自己可以站係更高地位。

「你地以為自己既產品隨時都能夠成就到計劃?只要有一個人失敗,成個計劃都唔會啟動,我對你地好失望,你地應該學下誠翔,佢係你地四個裡面最成功既一個,下次開會我想見到既係完美既報告。」Dennis戴返頂帽同口罩,轉身就離開左會議室。

睇黎Dennis應該唔知我同佢曾經係中學同學,唔係既話,佢點會對我咁客氣。









「咁...今日會議停係呢到。」大家從唔同既出口離開會議室,最後,會議室將窗簾拉上,重見光明。

「Venus,我地行啦。」

「咪行住。」

「做咩?」

「我由一開始觀察你到而家,我覺得你仲未適合做呢個身份。」





「咁...我真係唔習慣阿嘛。」

「係時候教你待人處世既態度,跟我黎。」

我地返到辦公室,Venus坐左係我個位到。

「首先,你要知道好多關於你自己,公司,你身邊既人既資料。」

「呢到係我為你準備既文件,你慢慢睇,有咩唔明問我啦。」佢繼續坐左係我張凳到,無離開既意欲,咁我唯有坐係梳發到。









哇,咁多文件,點睇得晒,仲要每一張紙既字都密密麻麻,但係我好快就睇完一半,唔通我真係最有智慧既人才?

「啊...好攰啊。」

「無人叫你一次過睇晒架喎。」

「下,你早講阿嘛,仲以為要一日之內睇完添。」

「呵。」








「咦,你電腦有黑客搞緊你喎。」

估唔到作為全世界數一數二既黑客,我都會比人入侵。

「等我睇下。」

「乜你識搞咩?」

「唔知架,但係而家見到個電腦熒幕,個大腦就自動幫我控制同埋破解黑客。」

「係喎,唔記得左你智慧係高過160添。」160?咁誇張?Venus仍然好悠閒咁坐係到玩手指,不過佢既坐姿散發出一種熟女既味道。








「搞掂!」

「揾唔揾到佢IP?」

「佢走得太快,而且佢用左其他普通PC用家做影子,等佢係背後好順利咁駭入人哋電腦。」

「睇黎係個高手,連我地公司副總裁部主機都搞到,睇黎佢真係唔簡單,你知唔知道要經過幾多層防火牆先掂到你。」

「一個再勁既黑客都要三十五年既時間先能夠入侵到你部電腦,但係而家...」

「睇黎我有強敵要迎戰。」

「不過,你勝算都幾低下,人哋在暗,你在明,而且人哋只差一部就搞掂你部電腦,何況你黑客既技術都未好好掌握到。」





「你又講得無錯既,黑客就係要先發制人。」




「你快啲加強保護終端機既系統,費事佢等陣再黎搞你。」

「我而家幫你落去同科技部講問下詳細。」

「好,唔該你。」








Venus落左去之後,辦公室剩低一片清淨,走過去自己張凳到,卻依然聞到Venus殘餘既香水味。




其實一開始,我只係想做一個有錢人,無諗過要咁複雜,甚至得到呢個身份之後,要同四個人合力將統治世界既計劃完成,不過,既然都開始左,而且又幾好玩,就唔好浪費機會,要將更多既財富,權力歸於我手,咁先係真正既完美人生。




黎到夜晚,個肚都開始有啲餓,叫左司機泊定架車係門口,不過今日我想自己揸。

「誠翔,你要既車。」

「唔該發叔,你上返去啦。」




今日發叔幫我預備左架紅色法拉利,都係我從少夢寐以求想揸既一架跑車,估唔到,今日咁輕鬆就實現左。




車上播放著John Lennon既Imagine,打開車蓬,享受微風既輕吻,原來有錢,係咁正。

一直揸,去到一間係灣仔虛無人煙既酒吧,難得一間酒吧係咁少人,可以清清靜靜咁享受獨樂。

「唔該,要杯Long Island。」

等緊杯酒既同時,諗深一層,當你咁有錢,又有權力,甚至個樣都靚仔過以前既時候,點解仲要獨樂?係時候揾返個女仔玩下先得。




環望四周,雖然只係得一個女仔坐左係遠處,但係係我眼中,佢就好似粒閃爍既鑽石一樣。

我攞住杯酒行埋去,睇真啲,原來佢係Joyce,即係係我中學生涯唯一無排斥我既女仔,但係最後,都因為我誠信破產,連朋友都無得做。




真係女大十八變,以前我都唔係點覺得佢靚,但係幾年之後,就美若天仙咁,雖然化左少少妝,但係好適合佢,更散發出佢女性既魅力。

「Hi,Joyce。」

「你係...?」原來,係呢個世界上,只有Venus知道我以前既身份,其他人人都唔認識我,就連我老豆都係。




「你好似有啲唔開心喎。」

「你又知?」

「睇你個樣苦過苦瓜咁都知啦。」

「哈。」估唔到呢個人笑點原來咁低,不過咁都係一件好事。

「唉。」哇,一秒變心情?女人真係犀利。

「做咩又唉啊,一定係煩男朋友啦。」Joyce驚愕咁望住我,即係我講中左啦。

「點解你咩都知咁犀利既。」

再坐耐啲,發覺到原來Joyce有少少醉,白裡透紅既臉狹,加上佢原本化既淡妝,真係好靚,好迷人。

「都夜啦,不如,我送你返屋企抖下啦。」見到自己最好既中學同學借酒消愁,仲醉埋,我想識女仔既意欲睇黎要留返下次。

「咩話!返你屋企?好啊,好啊。」睇黎Joyce佢已經醉到傻左,聽野都開始聽得唔清楚,再唔帶佢走,佢只會更危險。