(Venus中文名係白藍心,因為成日打英文名好礙眼)

(以後全文稱Venus為白藍心)

今日就係我同藍心出發去西班牙旅行既日子,第一次搭飛機,第一次同女仔旅行,好多好多係旅程前所諗既,都令我好興奮。

「藍心,行啦。」

「發叔,今日你揸車啦,多行李啊。」





「係既。」






「秋婷啊,我唔係到,你要好好照顧自己啊。」藍心可憐楚楚咁行去秋婷面前講。

「講到以後都唔返黎咁...同埋呢句唔係應該係我講咩?」





「真係麻煩,發叔,我地走。」幾時連發叔都比佢使埋...

「如果有咩事,就打比我啦。」

「嗯。」我同藍心比左個goodbye kiss秋婷,就暫時告別香港。








「緊唔緊張?」

「少少啦。」

「哈。」

「笑我?豈有此理。」

「呵,你可以點啊。」




「誠翔,前面塞車喎。」





「唉,真係麻煩。」

「咁我地會唔會上唔到飛機架?」

「唔會,我地坐私人飛機,隨時起飛都得。」

「好彩誠翔你早有預備。」

「不過咁樣塞法有排都去唔到機場,藍心,你有無試過搭直升機?」

「有啊,做咩?」

「咁就無問題啦,發叔,幫我叫架直升機黎。」

「知道。」








我地係車上面等左十分鐘,條路完全無移動既跡象,同時,直升機已經係我地上空盤旋,而且仲吊左個吊架落黎,本來只係叫佢用繩吊我地上去就算,不過怕藍心有危險,所以吊架都係比較方便。

「我上去先。」

「扶住我隻手,一,二,三。」

上到直升機,去到機場,已經見到一家獨特既飛機等緊我地。

「上去啦,我地預約左呢條跑道十分鐘,而家仲有兩分鐘就起飛啦。」

「哇...好靚啊。」的確好靚,好豪華。





裡面燈光灰暗,見到幾張長形梳發,後面仲有一張大床同一部極大既掛牆電視,而最前面既就係雪櫃,電腦,等等。

「啊~好舒服啊!」藍心見到張床鞋都唔除就成個人訓左落去。

「喂,除鞋啦,整污糟張床啊。」

「都係得我一個人訓啫,怕咩。」藍心令轉身笑笑口咁對住我講。

「得啦,我訓梳發都無所謂。」

「真係好。」








「飛機即將起飛,請兩位乘客回到座位,扣好安全帶。」

凝望住窗外,雖然仲未起飛,但係心情真係好緊張,不竟都係我人生第一次搭飛機。




飛機係跑道上奔馳,到左跑道既盡頭便舉頭起飛,再望落出去外面既風景,截然不同,係天空望住天空,呢種感覺好奇妙。

「好靚。」我不禁講左出聲。

「嗯,真係好靚。」藍心都收拾頭先興奮既心情,陪我享受駕馭藍天白雲既感覺。




「兩位你好,我地將會係十三小時內到達,而我地無需轉機,兩位無需擔心。」

「好,唔該晒。」

「而飛機所有設施都可以使用,包括洗手間裡面既溫泉,浸浴。」

「有溫泉咁好?」

「係啊,兩位慢慢,我返去做野先。」




有錢就係任性,只要你想,要咩就可以有咩。

「係呢,唔知飛機有無wifi呢?」

「無。」

「點解既?因為我地電話同駕駛室好近,加上我地部電話全部都有干擾同入侵程式,唔小心用左就玩完,如果你想上網就用電腦啦。」

「嗯。」




話畢,藍心就即刻攤係張床到,不斷選擇熒幕上既電影,而我就坐係隔黎張梳發到,繼續望住外面既風景,望左差唔多十分鐘,成個人已經放空,好舒服,係公司既一切煩惱都藉此拋返落人間。




係飛機訓覺既時間都過得幾快,已經搭左一半路程,而家就到食晚飯既時間。

「咦,冲左涼?」

「係啊,仲浸左陣溫泉添,真係舒服。」藍心出黎既時候,身後帶住一啲霧氣,而且扎左一個我最鍾意既all-back頭,加上可愛既馬尾,望住白裡透紅既蘋果肌,雙眼閃閃發光,成個人都好似有無形既引力咁,將我既目光都單單投放係佢身上。

「做咩呆左?」

「藍心,你今晚好靚啊。」

「真係架?」相信每個女仔最想聽到既說話都係呢句。

「我想你以後每一日都扎all-back馬尾,可唔可以啊?」

「可以啊,其實我最鍾意都係all-back,之前只係怕返工個樣唔夠成熟,而家連老闆都話靚,邊個仲夠膽話我,嘻嘻。」

「攞我黎開玩笑?係咪未死過。」

藍心對住我伸脷然後就坐低等野食,不過佢伸脷個樣真係好得意,我永遠都唔會忘記。




食完飯,再訓多陣,當然我遵守我既承諾,只係訓梳發,其實無咩分別,都係咁舒服,再過半個鐘,原來就到達目的地。

我地都梳洗一下,收拾瑣碎野,準備心情,迎接西班牙之旅。




俯視住西班牙既夜空,好迷人,無乜太多既高樓大廈,但係有啲尖形建築物頂突出黎,相信就係一啲好有特色既歷史文物。

「就到啦,藍心。」

「係呢,今次個行程係點架?」

「恕我唔能夠話你知,就當我送個驚喜比你啦。」

「好啦,但係我要夠好玩架,唔好玩唔收貨。」其實藍心同普通女仔無咩分別,雖然智商過人,工作態度異常認真,但係當佢玩既時候,都可以變返做一個好玩得既女仔,呢一點,我鍾意。




「不過我可以話你知,今日我地既節目就係休息。」

「好啊,我地可以係酒店附近行下,攰就可以返酒店抖。」




其實,藍心一啲都唔攰,以為行一陣既我,點知陪左藍心行左兩,三個鐘先肯返酒店訓覺,我發覺自己完全適應唔到時差,我感覺到自己就黎奔潰...

(今日加推兩章********)