《廿一歲個年，我成為左隱世富豪》－大結局: 第二十九章：回歸
「航機即將到達中國 香港機場，香港時間為早上七時四十五分，氣溫十八度。」
「紅燈未熄滅，請各位乘客扣好安全帶，並安坐在座位上。」
「哎，話咁快就返到香港。」我伸左個懶腰，不過頂到隻手好痛，經濟客位真係好逼...
「係囉，王生，好高興認識你，如果我地係香港有幸見到，不妨都可以飲杯野。」
「好。」
「其實，你令我對有錢人改觀，令我知道唔係個個有錢人都係壞人，無人性。」
「哈，傻啦，有錢唔代表可以任性架嘛，有錢都係人。」
「你都無錯既。」
「好啦，有緣見。」
「嗯。」
我同佢既對話，告一段落，係裡面，我好似成熟左，好似係一個阿叔同後生女講野，不過，佢講既野，的確令我有啲反思。
「你收到新信息。」
「藍心：你無事阿嘛？返到香港打比我啦。」
「藍心：穎心比人捉左，好彩奇月幫我地揾返穎心咋，佢都無咩事，只係有少少皮外傷。」
「藍心：如果你今日攰既話，就唔好返公司啦。」
「藍心：我會放工返屋企。」
「誠翔：我無事，唔使擔心，今日我會返公司，幫我同穎心請幾日假，等佢休息。」
「發叔，唔該晒。」
「唔使，不過，藍心小姐都好擔心你，成晚都訓唔著，坐係個廳到發呆。」
「知道啦，唔該。」
「係咪返公司？」
「係，不過返銀河集團公司，唔好去錯。」
「知道。」
自從失去天聲集團總裁既職位之後，白陸亦好得戚，好似將全權攬於一身，仲離譜過我，不過，點都好，呢個位置，總係等緊我。
「咦，咁好黎揾我？」
「係，多謝你救左穎心。」
「使乜客氣，黎，歡迎你加入銀河集團。」
「好！」我地高舉紅酒，係寧靜既辦公室到，聽到兩個玻璃杯碰杯既聲音。
「你既辦公室係到，如果細左啲，真係唔好意思啦。」
「點會，已經夠用。」
「不過提醒你，係任內期間，你咩都唔使做，只需要好好打理好烽火集團既事務同埋做返你應做既野。」
「明白。」
「誠翔！」藍心係遠處見到我，已經飛奔過黎，其實我都好掛住佢。
「我好掛住你啊。」
「我都係。」
「你無事阿嘛。」
「無，我王誠翔點會咁易有事。」
「我地出去先啦，呢到係人哋辦公室。」
「係喎。」到呢刻，藍心先肯放手。
返到去我自己既辦公室，其實無咩差別，只係少左幾十尺，不過都夠我用。
「誠翔，Chole原來幫緊我地？」
「係。」
「點解唔一早話比我地知。」
「要做戲做得逼真啲阿嘛。」
「咁又係...」
「佢幫緊我蒐集證據，關於白陸，阿怡同恐怖組織既關係。」
「咁佢咪好危險囉。」
「嗯，但係都無辦法，呢個係唯一既方法。」
「緊急信息。」
「請各位一小時後到網星集團會議室開會。」
網星集團？即係欣翹個個公司？做咩見我一返黎就要開會呢。
「唔緊要，你去啦，我幫你搞掂公司啲野。」
「你睇下我張枱，一份文件，一部電腦都無，仲有咩要搞？你抖下啦，琴晚你都無訓到，你係到訓啦。」
「你又知既...」
「傻妹，你咁大個黑眼圈，係人都知啦，快啲補眠。」
「知啦，你去啦。」
的確要出發，係銀河集團出發到網星集團都需時一個鐘。
「大家好，叫得大家咁急，尤其係誠翔，你啱啱返黎，係因為一件事。」
大家都好安靜，期待緊欣翹講野。
「就係要彈劾王靜怡係烽火聯盟既職位。」
大家都無出聲，而我睇到阿怡個樣，依然冷靜。
「好，彈劾開始。」
「根據烽火聯盟第一條盟約：係未啟動計劃前，五人皆為合作夥伴，不得傷害其他四人利益，聲譽，地位，生命。，如犯此例，立即踢除聯盟。」
「咁我做左啲咩，損害左邊個呢？」
「入面就係你同恐怖組織聯繫既證據。」
「根據烽火聯盟第二十八條安全條約：烽火聯盟不得與破壞世界安寧的組織合作，聯繫，溝通，利益輸送等，但例如與匿名者等組織聯繫，將不受條約限制，因為其組織為保護社會公平，公正，自由等。」
「如犯此例，將被罰死刑，以及沒收所有財產，歸烽火聯盟所有。」
「但係你，就違背左呢幾條條約。」
「證據呢？」阿怡開始緊張起黎，而我就繼續食花生...
「好，就等我播比大家睇。」
「快，我要聽日就放好晒啲炸藥落天聲集團啲耳機到。」
「知道。」
「事成後，呢到就係你既報酬。」支票上，寫住二百億港元。
「Chole，將舊耳機...」
證據睇左半個鐘，叫左國際級既證據檢驗師黎，保證證據唔係偽造。
「證據就睇完，就憑你犯左第一條，就可以踢你出烽火聯盟，甚至將你處死。」
「你...」不過，點解Chole啲證據會係佢手既呢？
「王誠翔，你好野，你命硬。」
「但係，你只會更加慘，更加慘！」
阿怡係枱底攞左支手槍出黎，指住自己個頭，下一秒，烽火聯盟正式宣布只剩四人。
「咁...唉，你地，執走佢。」
「我地去第二間房繼續會議，大家無比血跡彈到嗎？」
「無事。」
「無事。」
我地出到去，係走廊，欣橋刻意走過黎，同我講。
「如果等你叫Chole蒐集好證據先處理阿怡，睇怕，Chole都應該要殉職啦。」
「下次做野爽快啲，記住，要先發製人。」
「嗯，唔該你。」
「唔使，我只係唔想你咁快離開呢個遊戲。」
入到另一個會議室，就係開始動議，提議邊個代替阿怡個位，根據條例，烽火聯盟成員離開，被逐，死亡，重病等情況下，必需有人代替。