「大家有邊個人選提議?」

「我提議銀河集團既副總裁。」呢個並唔係我提出,反而係欣翹。

「個個後生仔?」

「其實我地都好後生。」

「咁佢有咩能力?」





「佢地公司咩都搞,上網系統,電腦,電話,咩高科技既都玩一餐,不過銷量就唔夠我地多,佢地玩數量。」

「咁就足夠啦,數量就係重點。」Dennis又講得無錯。

「咁我地將李奇月納入候選名單先。」

「咪住,乜佢唔係同誠翔同一間公司架咩?」阿天問道。

「係,有咩問題?」





「咁佢地做既野咪相同囉。」

「上次我地講左,我地會係段時間內恢復誠翔係天聲集團既職位。」

「而佢而家係銀河集團,只係一個遮掩,內裡佢會繼續策劃個統治計劃。」

「OK。」










「我想提議一個。」

「請講。」阿天經常都擔當我地之間主持人既位置。

「空化集團副總裁,劉尹樂。」阿天提議出。

「個個女仔?」Dennis有咁大反應,唔知點解呢。

「佢係白陸老豆個間公司既人,同我地咁多間集團作對架喎。」

「的確,但係佢係一個人才。」





「好,我都會將佢納入候選名單。」

「仲有無?」




「如果無既話,大家可以離開,記住認真考慮,三日後投票,我會以烽火聯盟既成員同佢地兩個講。」

「同埋我地會將阿怡間公司清袋,以作對誠翔造成損害既賠償。」佢地講既清袋,唔係買起阿怡間公司咁簡單,仲要做好多野,係整死間公司。




我返到銀河集團,打開電視就見到阿怡。





「恆金集團副總裁王靜怡自殺身亡,根據警方證據顯示,因捏造假證據誣衊王誠翔不成功,更被人蒐集資料,得知真正與恐怖組織聯絡既係王靜怡,導致自己身亡,而國際聯盟檢查天聲集團各款耳機後,所有型號正常,將不會控訴天聲集團,但需要加強檢察製造商。」




「太好啦!」

「我地無事啦!」

我同藍心攬埋一齊,多謝好多人,都肯幫我,而唔係藉機踩低我。

「而家只差一步,就係重返天聲集團。」

「首先要處理白陸。」





「無錯,佢而家只係代理總裁。」

「而我正式無罪,理應可以返去。」

「不過,我諗唔明,點解證據無話阿怡同白陸有聯繫呢?」

「可能係欣翹無比到證據政府掛。」

「定係Chole無比到欣翹呢?」

「我去問下Chole先。」

「好。」








「Chole,你而家係邊?」

「我係澳洲。」

「點解去到澳洲既?避開白陸?」

「係,怕佢會揾我報仇,但係我已經無將佢同阿怡既證據呈上。」

「唔使擔心,你比個地址我,我派人保護你。」

「好,地址係...」

「咁個啲證據,你唔諗住比欣翹?」

「我已經擺左係你辦公室,你隨時可以控告白陸。」

「好,唔該晒你。」

「我想有一個請求。」

「講。」

「我想暫住澳洲一兩個月,等時勢無咁緊張先返黎。」

「好,我會寄錢比你,你放心。」

「多謝誠翔。」




「欣翹,得唔得閒?」我發左個短訊比佢。

「得,做咩?」

「我想問你意見。」

「咩事?」

「出黎先傾?」

「無問題,邊到傾?」

「你公司附近。」

「咁就去Lucy咖啡室啦。」

「好。」




聽聞,個間咖啡室好貴,一杯咖啡要幾百蚊,一個蛋糕最貴可以幾千蚊,不過,對於我地黎講,幾貴都係等於零。

「坐啦。」

「咁急叫我黎,關於天聲集團?」

「係,果然係聰明人。」

「哈,唔使講。」

「我想控告白陸,呢到就係證據,咁我就可以返去總裁既職位。」

「好,你想做就做啦。」

「真係?」

「咁既然你覺得捉左佢坐監,你就可以返去總裁既位置,你咪試下囉。」

「嗯...真係無後顧之憂?」

「只怕一樣野,就係空化集團既總裁,即係白陸個老豆,肯定會咬住我地唔放,我諗阿天提議個個副總裁入我地烽火聯盟,都係想制衡佢地公司對我地既攻擊。」

「你唔怕佢入黎之後會搞亂烽火聯盟?」

「唔怕,就算好似阿怡咁想搞死你都好,我地一定會出手。」

「何況,經驗係我地呢邊,佢新加入,都唔信佢會搞咩。」

「好,多謝你,我欠你一個人情。」

「唔使啦,請我食餐飯算啦。」

「好,就聽晚啦。」




「你好,我地係香港執法部門,而家想請白陸先生帶走調查,係關於早前一單同恐怖組織合作既案件。」

「好...」




「你地捉左佢,判囚之後,將佢交比我。」

「好。」

「呢到係報酬。」

「多謝王生。」呵,警務處處長都係咁不堪一擊,果然做官既就係見錢開眼。




「係十五分鐘前,我地收到消息,天聲集團代理總裁被控與恐怖組織策劃及聯合發動恐怖襲擊等罪名,被判終生監禁。」

「同時,天聲集團亦宣布王誠翔先生可以重返集團,並執行總裁一職。」




「多謝大家,我相信呢個世界係有公義既,多謝法律既公正,將破壞社會安寧既人繩之於法。」

「為左向各位市民賠罪,我地公司將會推出全新型號,無形耳機,亦係全球一個月內,以半價發售,希望大家繼續支持我地天聲集團。」




「估唔到,我地咁快就要推出呢個秘密武器。」

「無形耳機,係比插入晶片更厲害,只要係我地分店,企係一個位置到,就會自動安裝程式,以腦部控制所有野,聲量,歌曲等,係全球首發第一樣產品係由人體推動既科研產品。」我同藍心講解呢個產品,係用人血,能量等等,推動呢個耳機,隨住人死亡,耳機亦會無效。




三日好快就過去,今次係去天聲集團開會。

「大家唔知考慮好未,不論對我地有益,有損,都要諗得細密。」

「相信大家既頭腦咁唔簡單,結果一早就係大家心裡,請將人選填係白紙上。」




一分鐘過後,我地將結果呈上,由阿天同大家公佈。

「將會加入烽火聯盟既係...」
(祝大家聖誕快樂,今晚玩得開心啲。)
(近排較忙,出文速度將會降低。)
(都黎到故事既一半,希望各位都留個言,評個價。)