《廿一歲個年，我成為左隱世富豪》－大結局: 第三十四章：統治
***部分內容可能導致讀者不安，敬請留意***
「點？情況如何？」
入到去，我見到下半身無著衫既特首，同埋一個滿口糞便既女仔，可惜，佢已經死左。
「我好似無叫你殺佢。」
「我...佢..唔肯食。」
「所以你就殺左佢？」
「係...」
「最後一個任務，成功既話，上面架直升機等緊你。」
「將你個女個口入面既野，全部食晒佢，呢到係一支水，食完即刻比你。」
「我...食，食！」
佢即刻衝左埋去，擘大佢個女個口，用手將自己既糞便刮出來，再放入自己個口到。
我見到都想嘔。
「食完啦。」佢想行埋黎既時候，我即刻攞把手槍指住佢，因為我唔要聞到佢啲味。
「嗱。」我打開水樽，倒晒啲水落地下，佢即刻爬左係地，已經同野狗無分別。
「直升機等緊你，隨時上機。」
「多謝，多謝！」
「王生，搞掂？」
「係，同我炸左個禮賓府佢，不過係炸之前，將國旗，區旗換成小丑旗號。」
「知道。」
「總部，我係誠翔，要求將等陣飛行既直升機炸落。」
「收到。」
坐上跑車，透過倒後鏡，望到剛剛起飛既直升機，被我地炸落，貪生怕死既下場，只會更慘。
「你已經搞掂左特首，跟住想點。」返到會議室，依然係我地五個人既討論。
「係時候露面，係唔係？」
「好。」
「有無人反對？」
大家都無反應。
「咁就當大家同意架啦喎。」
「入侵所有電視台頻道，包括國營，政府，所有電視台，我要每一個國家都有人翻譯，十分鐘後開播。」
「知道。」
「個網站...？」
「公開佢啦。」
「好。」
網站就係我地無人分別戴住小丑面具影既背景，透過網站發表演說，報告，召集。
「總部，我係Oscar，香港已經淪陷，正式由市民管治。」
「嗯，做得唔錯，你地想點就點啦，鍾意搗亂就搗亂，殺人就殺人，無人會管。」
「係。」
「特種兵返黎，我會派民兵。」特種兵威力太大，派民兵都係想管制班市民。
「跟住你想點？」尹樂問我。
「將你地公司研發既化武啟動，將新界封鎖，涉及既毒氣只能夠係新界或以北流動。」
「我地好難做，唔能夠完全掌握毒氣既去向。」
「風？」
「隔多十公里先發放毒氣，得未？」
「我會嘗試。」
「誠翔，所有電視台已經預備好。」
「同我入侵所有民用電腦同電話，強制佢地接收視頻。」
「知道。」
係紐約，香港，英國，阿富汗，東非，北韓等等所有國家都接受到我地既視頻。
「大家好，我地係烽火聯盟。」同時，亦有人聲翻譯做各種語言。
我地五個戴住小丑面具，係七十億人面前講話，可能而家已經無七十億。
「我地就係背後策劃呢件事既組織。」
「一切反抗，辱罵我地既人，將會受到應有既懲罰。」
「係每一個地方，都會有我地既士兵，佢地手臂戴上黑色鐵環，紅色鐵環，認住佢地，佢地隨時都會殺左你地。」
「我地出現既目的，就係要將世界統治，廢除世界上無用既政治家，同埋為左見傳媒而每一日揀靚呔既垃圾統治者。」
「大家放心，我地就係法律，大家仍然會得到自由，只要大家聽話，世界上既野，都會係大家所有。」
「今日，我會將香港作為一個示範地點，因為阻止中國大陸既士兵進入，我地會係北區，使用生化武器。」
「Show Time！」
「救命啊！走啊！」係北區，新界，大埔，沙田等地都已經發放毒氣，呢種毒氣將會吸食人體，令到呼吸困難，不斷將皮膚吸食，將毒氣強化，最後人類會得返排骨，只有穿著保護衣物既人能夠無事，當然，呢種保護衣物唔係個個都有。
係香港銅鑼灣既大屏幕下，全部都係圍觀既市民。
「噢，太殘忍了。」係隔黎既士兵聽到之後，立即將女婦人捉住。
「做咩啊！」
「你已經觸犯條例，需判死刑。」
一下響亮既槍聲，貫徹全場。
「啊！！」
「殺人啊，救命啊！」
一下槍聲就令市民爭相走避，有人不顧一切，攞刀殺阻礙佢離開既人，有人趁機打劫，有人趁機向士兵反抗...
「啊！！！我要殺左你！」男人持刀衝向士兵，可惜，人跑，始終唔狗子彈快。
「啊...救我...」
「就如大家所見，反抗，辱罵我地既人就會得到如此下場，但係只要乖乖地，根本就同之前既生活一樣，唔係，我地既管制，比邊個都更好。」
「今日我地同大家講既野係咁多，唔希望見到有人反抗，組織革命，同埋個啲國家士兵，我地好快會黎揾你地，乖乖地歸入我地，生命就會好寶貴。」
全部熒幕突然變成黑幕，一秒後，就係小丑面具係黑熒幕到旋轉。
「啪！」
「邊個比你啟動計劃！」走入黎既係我老豆。
「邊個比你入黎。」
「出面既士兵，捉走佢。」
「係。」
「停手！」
「你有咩權叫我啲士兵停手？」
我睥住士兵，示意繼續行動。
「你咁做，只會害死自己。」
「我唔識你，唔該你離開。」
「再擅自走入黎，唔好怪我對你唔客氣。」
「你地同我封鎖呢一層，邊個都唔比進出。」
「知道。」
「除左我地之外。」
香港地剩下一片煙火，屍體橫野，係白天，彷彿同夜晚無分別，佔領區已經消散，但依然有人留守，令到交通未完全暢通，我亦無謂阻止佢地。
好在，仲有一班維持治安既士兵。
「你！企係到。」
「下... 我...」
「你做咩著紅色衫！」
「你係咪親中！？」
聽到呢句，三個士兵立刻做成射擊姿勢，嚇到個男仔抖震。
「我唔係...啊...」
「我屋企得返呢件衫...」
「除左佢。」
「係..」
「走！」
「唉，誠翔咁樣，同中國，北韓有咩分別...」係白志明既辦公室，有穎心同阿明兩個係到。
「喂！你係咪想死，唔好亂講野。」
「我講事實啫，我都睇唔過眼，走又唔走得，留係到有危險。」
「你傻左咩，我地係佢既人，離開佢仲危險啊。」
「唉，咁又係既。」
「乖啦，最多事成後，我同你去旅行啦。」
「嗯。」不過，事成後，確保仲有地方可以去旅行？同埋，你仲生存緊？
因為有士兵既管制同Oscar呢個得力助手，我地都放心返去休息。
「藍心？」我打電話比佢，唔知佢點呢。
「做咩？」
「無，睇下你點啫。」
「無啊，咪係屋企囉，好悶啊，等陣上黎揾我好無？」
「嗯，我去食野先，就黎餓暈。」
「好啦，等陣見。」
求其去到一間餐廳，估唔到都幾多人。
「唔該，一碗沙爹牛麵。」
「收到！」
望下周圍既人，大家對我地烽火聯盟既出現都好似無咩反應，不過，我見到一樣好閃耀既野，就係我隔黎枱。
「係喎，我阿媽叫你聽晚上去食飯。」
「下，又上？」
「放心啦，今次有雞髀食。」
「呵，我走先啦，今晚見。」
「嗯，今晚見。」
一對情侶，睇落同我差唔多年紀，個女仔好靚，好完美，甚至可以同藍心媲美，身形苗條，面形輪廓都好細緻，樣貌精神，特別係對眼，非常清澈；睇佢外表應該有做開運動；咖啡色既秀髮，看上好似順滑無比；細緻既嘴唇，端正既鼻子，每一個部位都好吸引。
原來佢都有望住我，一直閃閃縮縮，食一啖，望過黎，食一啖，再望過黎。
佢對眼，真係好吸引，好似有引力一樣，好溫柔，好舒服，令到你可以立即暈倒。
係呢個時候，我想同佢講...
「你望完未？」可惜，呢句野唔係我講。
「我...」佢把聲都好溫柔，我從未遇過咁好聽，咁溫柔既聲音。
「你鍾意我？」
「下...」點解...點解呢個女仔可以咁直接。
「哈，我走啦。」
佢企起身，苗條既身材更顯露係我眼前，黑色既緊身褲，格仔恤衫，身形唔係太高，但係好合眼。
「唔好走住...」