「我地去古城,相信個到有埋伏,因為佢地既大佬就係個到。」

「嗯,大家小心。」

軍車走上不平坦既道路,被炸開既道路比香港更多,更大,搖搖晃晃咁行走。

周圍都係紅色頂既小屋,非常密集,恐怕未去到目的地就...

「嘭!!」軍車搖晃得咁犀利。





「落車!王生,你係到等我地就可以啦。」

「嗯。」

從倒後鏡睇到,隨後既幾架軍車既士兵都落車觀察情況。

「去個邊!」

士兵小心翼翼咁走近小屋,究竟係咩炸落我地條路?





「大家過黎睇下!」

一半既士兵行到去小屋窗前,從窗外窺入。

「點解,會有咁多少朋友係到?」

「等我用西班牙文問下佢地。」一個軍官行左入去間屋。










「小朋友,你地做咩坐晒係到?你地屋企人呢?」

十幾個小朋友無一回應。

「大輝,小心。」

大輝比左個Ok手勢外面既士兵。

「你地有無見過咩可疑既人?」

「ALala!Alala!」士兵立即舉槍,對住小朋友同屋內漆黑既環境。








「嘭嘭嘭!嘭!」槍聲係外面傳黎,受害既係另一邊既士兵。

我立即落車,著起避彈衣,頭盔同攞左支步槍就行。

「有埋伏啊!啊!...」大聲呼喊完,就見到士兵中槍訓係我十米前。

我再蹲係車後,睇下咩情況。




「Shika!Domshi!」一啲聽唔明既西班牙文,越黎越近。





「王生!佢地話仲有人,你小心啲。」

「嗯。」睇黎我另一半既士兵已經陣亡,呢班革命軍都幾恐怖。




「我想上返車叫支援,有無機會?」我問係對面既士兵。

「距離七米,除非我地掩護你。」

「誠翔,唔好,我地裝左GPS,基地見我地停左落黎,但係未到目的地,會自動派人黎。」

「好。」





「睇唔睇到佢地幾多人?」

「大約有二,三十個。」

究竟點樣突圍而出,先唔會死。

「你推班細路出去。」

「好。」




小朋友湧到去門口,仍一聲不發。





「推!」

「嘭嘭嘭!」

趁機,我跳返上車,拉低所有黑幕。




「我地殺左班小朋友!」

「停手!」

「間屋一定有人。」

「入去搜!」




「誠翔calling,車隊受襲,要求支援。」

「揾人同我炸左啲軍車佢!」我聽到呢句,我立即跳左落車,槍聲亦從此而發。




「係敵軍!」

首先就係軍車既爆炸,然後就聽到密集既腳步聲黎近。




「我地係後門出,個到有片森林!」一個士兵係後門返黎報告。




「放低晒啲炸彈,手榴彈然後跑!」

「走啊!」

我最後一個走,叫佢地將身上既手裡彈,計時炸彈都擺係間房到。




「嘟,嘟,嘟嘟...」

約有十幾個既革命軍衝左入房。

「炸彈啊!」

一下巨響,令我地都停低,回頭睇。

只有白灰既煙冒出,仲有殘餘既紅火。

「佢地係到啊!殺!」

誰不知,後面仲有幾個士兵係到。

「走!走啊!」




我地開始跑入森林,眼前全部都係樹木,無論跑到邊,都係只有樹木。

「我地可以跑去邊?」跑最後既我提問。

「跑到佢地唔再追黎為止。」

唉,好彩我體能都算好,不過,係森林咁跑,真係可以跑到出去?




「誠翔,呢到係總部,收唔收到?」係我肩膊上既對講機突然有聲。

「收到,我地係森林。」

「沙..沙...咩話?」

「我地,入左,森林!」我已經將聲量放大幾倍,希望佢地能夠聽到。

「唉,聽唔到,追踪佢對講機既GPS。」

「好飄忽,隔半分鐘更新一次,有時會係古城,有時係森林,有時向後行。」

「唉!」

「派一萬兵力過去,二十架直升機,係森林放大搜索。」

「係。」




七十幾個士兵,包括我在內,都已經好攰,需要休息。

「大家,停低啦。」我吩咐士兵們。

「嗯...呼...」大家都彎低腰,睇黎真係喘晒氣。

「大家有無水?快啲飲啖水啦。」

「其實...王生都好人啊,點解啲人會咁憎你既?」一個後生既士兵問道。

「喂,你傻左啊,亂講野。」

「我都係...」係佢周圍既士兵都立即掩住佢個口。

「唔緊要,放開佢啦,啲人憎我,都係妒忌我,甚至害怕我既能力,對於忠誠,順服既人,我對佢地,同對朋友完全無分別,只可惜,佢地唔認識我。」

「嗯,我都咁覺得。」




「我地行啦,入夜都行唔到出去,就會好危險架啦。」

一直走,一直走,黃昏過去,的確已經入夜,天氣,就更加凍。

「呼~好凍啊。」

「好肚餓啊...」

「我有餅乾啊,接住啦。」我將餅乾拋比個個士兵。

「誠翔,你覺得,古城入面既大佬,仲係唔係到?」

「可能佢走左,可能仲係到,又可能已經比我地啲人殺死左。」

「希望,係第三個啦。」




我地打開電筒,小心翼翼,連夜咁繼續遊走樹林,但係出路好似無為我地而打開,反而...

「Shilaba。」

「有敵軍!」

全體士兵立即做成伏臥式,爬左係草上,亦迅速將電筒熄晒。

相信,係巡邏既革命軍,佢地手上攞住我地士兵既槍,唉...

「等我地兩個去,佢地都係得兩個人。」

「等陣,再觀察多一陣,怕佢地有埋伏。」

「好。」




過多五分鐘,佢地都係係一帶遊蕩,然後回頭返去。

「係時候!」

兩個士兵半企既形式,摸黑走到敵軍後,先掩住佢地個口,再用軍刀係喉嚨開刀。

兩個士兵完事後,再返到隊伍中。

「佢地頭先咁行,相信出口好快就到。」

「我地加緊腳步啦。」




終於,終於係半個鐘之後見到一條捷徑既小路徑。

「終於出返黎啦!」

「係咪,直升機既聲?」

的確,如果我未攰到有幻聽既話,呢個真係直升機既聲音。

「有人係呢到啊!」

「放繩索!」




「呼!」一個巨物,劃破天空,更劃出風聲。

「嘭!」

繩索就無,係我地眼前,只有直升機既殘骸...

「大家趴低!」

估唔到,出到黎,都係比人發現。




「基地呼叫A3直升機。」

「基地呼叫A3直升機。」

「宣布A3墜落。」

「啊!有無搞錯!」

「明明佢地已經準備放繩索!」

「派地兵,軍車過去,戰鬥機將前方一百米炸毀。」

「係。」




「佢地係個到!」

「大鑊,比革命軍見到我地添。」




相隔一條小河,互相都有草叢做掩護,睇黎戰火即將開始。

「誠翔,你兜後面走!」

「好,你地兩個跟住我。」

「係!」

我地跑返人樹林,然後跑左五分鐘,係第二邊再次出返黎。

「呼...」

「安全啦,係咪?」話畢,一個子彈係我身邊飛過。

「趴低!」

我地俯臥式持槍,對住前面六個革命軍,睇清楚,佢地點解同西班牙人咁唔同樣既?

「搜!」




「我數三二一,大家一人兩個。」

「好。」

「三。」

「二。」

「一,開槍!」




我將最右邊既兩個處理,其餘四個都黎唔切反應,比我隔黎個兩個士兵搞掂埋。

「跟我黎。」

行近士兵,佢地著既唔係西班牙軍服,膚色亦比較黑,甚至強壯。

我打開佢地衫袋,揾到一張地圖。

「咦,呢到咪係古城?」

「無錯,我好認得。」

「呢到,有個打斜既十字架記號。」我指住地圖。

「我地行啦。」

(新年快樂!)