「你估我真係出唔到兵?」

「哈,你比我禁錮,仲點幫Dennis屠城?」

「你放心,佢地知道我有事,你一定會後悔。」

「不過,你要記住,而家連恐怖組織既首領都係我手上,佢地可以點?」白陸講完,Dennis阿哥都無聲出。









過左十幾個鐘,誠翔同阿天終於都去到敘利亞。

「我地唔好落機住,用機上既探測器睇下附近有無人。」

「嗯。」

顯示屏上,一大堆紅點係到慢慢移動,相信就係敘利亞既恐怖分子。





「我地要好小心,以我地既力量只能夠避開。」




落到機,兩個人影立即跑動,因為咁大架飛機降落已經惹左唔少恐怖分子黎。

「唔錯,調虎離山果然好用。」

「哈,走啦。」





我地離開機場,街上無人,亦都係我地意料之內。

「好大風沙,你有無帶面巾?」雖然我地有帶頭盔,但係咁細微既風沙,係擋唔到。

「無,我地掩住口鼻跑啦。」

兩人係炸爛既街道,建築物剩低一半之間行走。





「前面有人,小心!」





我地見到有兩個帶著黑色面巾,手持步槍既男人,相信就係恐怖組織,我地暫時躲避係街角口,再睇下點行。




「睇下地圖。」

趁避開巡邏,我地亦睇下Dennis阿哥身處邊到。

「呢個就係Dennis阿哥既基地,離呢到都有四十公里。」

「我地要揾架車。」

「但係,車會唔會引起其他人注意。」





「唔通我地跑過去?」

「嗯,我地要最安全有效既方法過去,呢個遊戲,我地只能夠玩一次。」

「好,基地係北部,我地向個邊行。」阿天指住既就係兩個人係到巡邏既地方。

「等我表演。」我講完就立即彎腰行左出去。




我攞出小刀,由於係兩個人既關係,我先將一個人打暈,然後將另外個個直接捅死。

「哈,幾好身手喎。」





「跑!」

我立即推走阿天,因為我見到係遠處,有一大堆人過緊黎。

「咩事?」我地開始逃跑,阿天亦唔知咩事。

「應該有人見到我地。」

「下,咁大鑊?」

「咁我地跑唔跑啱方向?」

「唔知,最緊要係離開呢到先。」








我地一直跑,一直跑,風沙撲面,好似置身係電影入面咁,連個天都係黃色。

「呼...呼...」我地彎低,不斷喘氣。

「我地跑到出城添喎。」阿天同我講。

我望下周圍,見到對面馬路係油站。

「不如,我地過去?」我指住對面既油站。

「好主意。」




過到去,以免有埋伏,我地都係攞住手槍。

「間便利店無晒燈。」

「我有電筒。」

步步為營咁推門,入到去,依然係人影都無個。

「估唔到,仲有啲糧食。」

「見到都有啲肚餓添。」

「我地抖下先啦。」

「好。」

安全起見,我都係過去將門口鎖起,不過唔知鎖完會唔會仲危險。

「好多野過左期,唔好亂食。」我睇完啲包裝之後提醒阿天。

「我知。」




「嘭!」我地迅速攞起手槍,望住同一個方向。

慢慢,慢慢行過去貨倉。




「Dont' move!」我見到有個有一對夫婦同小朋友係到,但我地依然用槍指住佢地。

「佢地好似唔係恐怖分子。」佢地舉高雙手,而個妹妹就係到喊,媽媽亦只能單手抱住佢。

「放低槍先。」




「你地係咩人?」阿天竟然識得敘利亞既語言。

「我地係平民,無槍。」好彩,佢地用返英文同我地溝通。

「點解你地係到?」

「我個女,佢地要殺所有小朋友,又或者帶佢地去改造。」

「嗯...你地係到幾耐?」我既惻隱之心再次出現,為左小妹妹而心痛。

「三個月。」

「我地想離開呢到,你地係咪聯合國既士兵?」聯合國?仲有呢樣野?

「唔係,我地會保護你地離開,但係,你要帶我地去呢到。」

我地將基地個點指比佢地睇,佢地立即推開地圖。

「唔得!我地唔會去個到。」




「睇黎,佢地都知道個到係Dennis阿哥個基地。」

「等我同佢地講。」阿天行近佢地。

「相信我地,我地需要一架車,去到附近,就會比你地走,ok?」

個老豆猶豫左一陣,都願意帶我地過去。




「後面街有一架吉普車,有油,但係有人巡邏。」

「放心,我地會處理,你地係到等我,搞掂再過黎接你地。」

我地將佢地一家放係便利店,而我地就去揾吉普車。




「不如我地上天台。」

「都得。」

敘利亞房屋天台矮,好快就爬到上去,亦好幸運,呢到無比人炸到。

「今次有三個人,點處置。」

「你有無麻醉槍?」

「有,兩發子彈。」

「好,搞掂中間個個,再跳落去殺左佢地。」

我地先攞出麻醉槍同小刀,準備攻擊。

「誠翔,你睇下!」阿天指住前面五條街後既地方,有一大堆恐怖分子接近我地,更加有坦克陪同。

「要快!」

我地將一個殺左,當佢地望上黎既時候,在跳落去用到插死佢地。

「呼!快啲返去。」

「吉普車係呢到,你過去接佢地,我係呢到等你。」

「好。」