《廿一歲個年，我成為左隱世富豪》－大結局: 第八章：感激
「咁...我都同意。」老鬼真係老鬼，只係識跟人，成個人生都係做人地隻夠。
「我都係。」
形勢竟然係全部都投贊成票？點解會咁既？
「好，咁我宣布Venus正式加入董事會，即日生效，必須履行董事會成員職責。」
「咁仲有無人有野要講？」
「如果無既話，我宣布會議解散。」但係老豆佢依然安然無恙咁既樣，呢樣先最恐怖。
「多謝你，誠翔。」
「我多謝你先真，將來仲要你幫手。」
「係呢，今晚得唔得閒，請你食餐飯。」
「請我食飯？」
「係啊，做咩？唔可以請你食飯架咩？」見到Venus既笑容再次展露。
「可以啊，今晚好得閒。」
「咁你放工等我一陣啦。」
「嗯。」
係我腦海，依然思考緊點解白陸會投贊成票，咁樣唔係令老豆更難做咩？
係美國某一間黑客公司。
「點解上次入侵唔到王誠翔部電腦！」
「對唔住，上次佢及時發現，終止左我地行動。」
「你知唔知，我地今次既行動進行左十年，就係差呢一步，你同我講比人終止左！」
「個客而家好唔滿意，隨時將我地公司肢解。」
「老闆，我會再諗辦法。」
「限時三日，如果你三日內修復唔到個黑客程式，我一定會將你地全部好好處置！知道未？」
「知道！」
「佢地話三日之內重啟黑客程式，話會百分百將王誠翔部電腦入侵。」
「好，我信多佢一次。」
「Dennis，我地集團研發既鎖匙已經完成。」
「好，非常好。」我地研發既鎖匙，並唔係普通既鎖匙，而係一把智能鎖匙，能夠將鎖匙空入面每一個位複製，將資料傳送到總部，而賣點就係當你唔見左，又或者無帶鎖匙既時候，只要按下複製，五分鐘之內就會有人將鎖匙複製，然後送到。
「恕我大膽問一句，點解你要入侵王誠翔部電腦？」
「呵，咁都要問？當你發現入侵佢部電腦係咁困難既時候，就知道佢部電腦好多重要野，而且係一啲有利佢係我地成功統治世界之後做最後支配者既武器。」
「原來係咁，但係我只怕佢係未做最後支配者就消滅晒我地。」
「何出此言？」
「聽到有消息，佢下屬既董事會成員背叛左佢，就要個叛徒親眼係電腦睇住佢老婆被肢解，最後仲逼到個叛徒跳樓。」
「原來佢係背後係咁對啲下屬；睇怕我地呢班將來要同佢對抗既，都難免遭受同樣結局，所以而家要先克制住佢。」
今日係公司都唔係話太多野做，只係落左去科研部加強我部電腦既防火牆同反黑客程式。
「副總！」
「咩事？」
「我地研發既其中一款耳機爆炸，仲被發現有生化武器係入面。」
「咩話！」
「我地已經聯絡左個個國家既傳媒，同埋見到事發既人，要佢地唔準將事發公開，否則處決。」
「跟我上去，將詳細話我知。」
「就係係南韓，我地已經封鎖晒所有消息，迅速將毀壞既地方進行修復，而且佢地既家屬都考慮緊賠款然後唔透露半點風聲。」
「考慮？無得考慮！即刻處理！」
「係！」
「今晚之內我要收到耳機爆炸報告。」
「走啦。」
如果耳機入面存在生化武器呢個消息比人發現，相信全球二十八億用戶都會炸左我地間耳機公司...好彩及時封鎖消息，果然有錢就係大晒，同埋人果然見錢就開眼...
飲左三支紅酒，一直諗緊一個完美既方法去掩蓋呢個爆炸既消息，即使報告提供話全部人都唔會透露消息，而傳媒根本就未咁快知道消息，只係比一個讀化學既人見到事發，將消息同同學講。
原來即使能夠令全世界蒙在鼓裡，但係自己依然係最清楚個個，感覺有啲辛苦。
「哇，原來已經成十一點架啦？我仲約左Venus食飯添...」
「咚咚。」
行到去Venus秘書長間房到，敲左門幾秒，完全無動靜。唔通Venus已經走左？
我見門打開左少少，就細細力打開，原來Venus係張枱到訓著左。
睇住Venus訓覺個樣，好甜。
頭髮有啲凌亂，我亦幫佢撥返順，再望到枱上既文件，全部都係關於耳機爆炸。估唔到Venus係我背後幫我咁多。
我輕輕拍醒Venus。
「唔好，唔好唔要我...」唔通發緊夢？
「咦，乜係誠翔你啊？」Venus朦朧既雙眼慢慢打開。
「失禮晒...」
「對唔住啊，今晚要你等到咁夜添。」
「衰人，仲以為你唔記得左我。」唔知係咪我見到佢發開口夢，好似有啲怕羞。
「咁夜，條街都無咩食啦喎。」
「點解你咁大陣酒味既？」
「我頭先飲左幾杯，煩緊耳機啲野。」Venus佢立即將枱上既文件收起。
「咩黎架？咁秘密既？」明知故問既我，好似有啲賤格。
「無...係白陸啲資料啫。」
「哦...咁不如上我屋企啦，我煮野比你食。」
「你屋企？」
「係啊，如果你介意既話，我都唔會逼你既。」
「無所謂啊，行啦。」
「哎呀！」Venus起身唔小心比張凳絆倒，成個人挨左埋黎，我雙手亦順勢扶起佢。
「無野阿嘛？咁唔小心既？」我小心扶Venus坐返低，發覺佢隻腳瘀左。
「你隻腳瘀晒啊，除左對高踭鞋佢，我孭你落去。」
「唔使啦，我行到喎。」
「哎呀。」Venus再次跌係我身上，今次我輕輕將佢攬係我懷抱中。
我係Venus耳邊同佢講：「我要保護你，唔會比你受任何傷害。」
「嗯。」
「我數一二三，就會孭你上黎。」
「一，二，三！」
「唔該晒你，誠翔。」
其實我都係第一次孭女仔，感覺有啲興奮，不過Venus個身都幾輕下。
返到屋企，我立即將佢安放係梳發上，攞跌打酒出黎幫佢搽。
「忍住痛啊，痛你就揸實我隻手啦。」
「嗯。」
Venus都好堅強，無咩點話痛，我隨便煮左廚房僅有既餸菜，就慰勞Venus。
「不如，今晚你留係到訓啦。」
「下，唔係幾好喎...」
「傻啦，阿妹佢去左同學屋企訓，聽日先返，你咪訓佢間房囉，相信佢都唔會介意，何況你隻腳傷左，返屋企都唔方便啦。」
「咁，麻煩你啦...」