「早晨啊,誠翔,仲諗住過黎揾你添。」

「琴晚咁夜返,你都好早起身啊。」

「你...咩意思...」

「講笑咋,行啦。」

講笑?你知唔知頭先個句傷透左我個心,原來你係咁諗我架,誠翔...





「我地而家上飛機啦,唔好漏野啊。」

「知道啦。」





點解我好似覺得誠翔對我好似冷淡左既?唔通佢真係嬲我琴晚同阿明去左飲野?





「藍心,今晚不如我地去飲野?」

我望住誠翔,希望佢可以答我,甚至比一個凌厲既眼神我,幫我解圍,點知佢令轉面,無理會我既意思。

「好啊,無所謂啊。」




唉,如果你幫我講聽日要一早上飛機,婉拒阿明,咪咩事都無,而家搞到氣氛好似好差咁。








上到飛機,沉默既氣氛仍然存在,誠翔呢個人真係...琴晚明明都笑笑口,一黎到今朝就面無表情。




「誠翔。」

「做咩?」

「多謝你。」





「做咩多謝我。」

「多謝你帶我黎西班牙,其實我一直都好想黎。」

「哈,唔使多謝喎,你值得既。」值得?誠翔咁講係咩意思呢。

「總之返到去,請你食餐飯啦。」講完之後。誠翔怒視我。

「我請你去旅行,你請我食飯,真係低。」

「啊...你堂堂一個副總裁,咁孤寒都有既。」

「孤寒?信唔信我飯都唔請你食阿啦。」








「藍心。」誠翔又再次擺起一個認真既樣。

「做咩?」

「你個晚同佢做左啲咩?」唉,誠翔,原來你糾結既始終都係呢樣野。

「飲酒。」

「真係?」

「你咩意思!」佢問我都唔介意,但係佢唔信我就好介意。

「我...我只係問下啫。」





「就算我同阿明發生左咩事都好,都唔關你事,我同你只係上司,同下屬既關係,你無權管我既私生活!」對唔住啊,誠翔,其實我都唔想發脾氣...

「明白...」




其實藍心講得無錯,我同佢只係上司同下屬既關係,我憑咩去管佢?但係,我真係唔舒服...好痛...

「誠翔...」

「?」我再無力回答佢,只係令轉面,望住藍心。

「無野啦,你都攰啦,抖下啦。」








我訓係梳發到,打開飛機頂既玻璃,望住無雲既藍天,我想,我想我個腦都係一個無雲既藍天,一定會好舒服。




抖左一日,今日就係返公司既日子,唔知點解今日特別唔想返去,可能係要再次對住藍心,諗起都尷尬。




「副總,早晨。」

「副總,早晨,唔知你公幹如何呢?肯定好享受。」

「天鳴,帶走佢。」我成世人最憎就係呢啲垃圾員工,一日到尾只係識得擦鞋,成隻狗咁,留佢係公司都無用。




「副總!」

「Chole?揾得我咁急咩事。」

「等陣要開會,係講關於新耳機既發布會。」

「咁就啱啦,我都有新既概念想同大家講。」

「但係...但係咩?」

「今次發布會既人,唔係你,係白陸。」

「咩話?!」

「我地上去再傾。」




「唔使上去啦。」而家開始,我已經有啲認得個賤人把聲。

「又關你事?」

「關!梗係關啦。」

「你知唔知,Chole而家係我既秘書啦。」

「唔好講笑啦,佢會無端端做你秘書?」

「呵,你咪唔好信囉,係你老豆親自批准。Chole,過黎,我地走。」白陸搭住Chole膊頭,但係Chole個樣十分唔情願,睇黎我要解救Chole。




入到辦公室,空無一人,個一人,就連藍心都唔係到,唔通佢特登唔返?

當我想打比Chole既時候,先發覺佢比白陸搶左做自己秘書...我一定唔會比人搶走埋藍心。




我whatsapp藍心,睇到佢上線時間仲係琴晚十二點幾,係咪唔知係咪唔舒服呢?

「藍心,做咩無返工?」

當然,佢無立即回覆,我睇見既亦只得一個灰剔。




好沉悶既一個上班日,望住白陸係到吹噓佢發布會會講到幾犀利,而我?就只係坐係到,望住自己所有野,都比呢個人搶走。




開完會,我立即衝入去老豆個辦公室到。

「老豆!」

「咩事。」

「點解你咩都比晒白陸個條友,我呢?我留係到仲有咩用處?」

「傻仔黎既,佢黎係分擔你既工作,等你專心啲係烽火聯盟到做野啊。」

「唔需要,以我既能力,我唔需要一個垃圾去幫我分擔工作。」

「阿仔,唔好咁樣話人啦,可能到頭來,你會多謝佢呢。你睇,佢頭先開會講到頭頭是道,的確有人才既風範係到。」

「得啦,我地無野再好講,我會用自己實力將自己應得既野攞返黎。」

「應得?我同你講,你無野係應得架!」老豆無端端企起身拍住枱同我講野,的確,佢咁樣係有嚇親我。

「你走啦。」




依舊無人既辦公室,顯得我特別空虛,寂寞,睇下電話,藍心已經起左身。

「我今日唔舒服啊,唔記得同你請假添。」

「唔緊要啦,我等陣上黎睇你?」

「唔使啦。」

「一係我帶你去睇醫生?」

我再講既時候,藍心只係藍剔左我...

我決定提早離開公司,去睇下藍心。




「叮噹。」雖然我知道咁做唔係幾好,仲有機會嘈醒藍心,但係,我都係擔心佢。

門一打開,見到既唔係藍心,而係志明...

「你...」

「係啊,今日藍心唔舒服,穎心又唔得閒照顧佢,我咪黎睇佢囉,佢無咩事架啦,放心啦,聽日佢應該會返到公司。」

「哦...好,唔該晒。」

望住志明,聞到陣陣既粥香,更想像到佢地好似甜蜜既夫妻一樣,藍心被阿明悉心照顧,而我只能夠站係門口,得知藍心既情況...