「白陸。」

「你地係邊個!放開我!」

白陸被我綁係木柱上。

「你唔需要知道我係邊個。」

「你係咪王誠翔!」





靜左一下,誠翔再回答。

「係,即使你知道左,你可以點?」

「誠翔,我地走啦,怕穎心佢地有危險,呢到根本都無人黎到,而且有咁多殺手係到。」

「好。」

「白陸,你就係到生活住先啦。」





「再見。」

當誠翔轉身離開既時候,白陸將口水吐到誠翔頭上。

誠翔立即轉身撥出手槍,射到去白陸隻腳上。

「啊...」白陸都忍得痛,並無大聲叫喊。

「你地幫佢包紮,我要留佢一條狗命。」





「係。」




「藍心,穎心,你地個邊如何?」

「Chole已經醒左。」

「我地係酒店門口上緊黎。」




「開啟追踪器。」





「知道。」

「咩話!點解白陸係淺水灣廢車場架?!」

「快啲派人去救佢。」

「知道。」

原來千雨一早將追踪器放係白陸身上,就怕佢會受到傷害。




誠翔同阿明入到去Chole被困既個間房,眼見Chole垂頭喪氣。





「Chole,點解你要背叛我地?」對住Chole,我地放低變聲器同面具。

「我...」

「佢係咪威脅你?」藍心開聲問道。

「無。」

「佢比左幾多錢你?」

「每個任務最少三十億。」

誠翔再將手槍拔出,向玻璃窗連發幾槍。





「喂!停手。」藍心制止住誠翔。

「三十億...」

「佢既錢咪即係公司既錢!」

「佢憑咩比咁多錢你地!」

「你冷靜啲先啦,誠翔。」

「Chole,你已經被我驅逐出秘書處,以後都唔想再見到你,無必要,都唔好再上黎。」

「我...知道。」

「帶佢走啦。」








「就咁放走佢?」阿明問我。

「殺左佢好無?」

阿明再無回答我。




返到去公司,正好係清晨六點,我地要返公司沖涼同換衫,不過,我諗大家係公司都攰到做唔到野,所以我叫佢地換完就返屋企。

「誠翔,你唔走?」

「唔啦,睇怕要汁手尾,你地走先啦。」

「點解你要難為自己?」

「我無難為自己...」

「我留低幫你。」

「藍心,你攰啦,走先啦,我叫發叔車你返屋企,你陪下阿妹,佢今日放假。」

「唔得,我唔可以比你一個人留係到做野。」

「點解。」

「我怕你會死。」

藍心個樣好緊張,更加哄得好近。

「咁...咁你留係到啦。」




估唔到我係最快訓著個個,的確好攰,成晚無訓過,我係入侵政府閉路電視既時候,已經用盡我所有精神體力,係酒店開槍個幾下,我都係純粹發洩下。




唉,誠翔真係,為左維護我地,公司,不知付出左幾多,寧願自己辛苦,都想我地返屋企休息,寧願自己受盡責罵,令我地唔係被責罵個個,寧願自己汁手尾,都唔使我地呢班筋疲力盡既夥伴幫手。

誠翔就算幾愛錢都好,心中,仍有一顆善心,而我生存既目的,就係唔好將誠翔既善心熄滅。




一直坐係梳發上既我,見到誠翔已經訓左係枱上面,經過一日勞碌,個樣都憔悴左唔少。我行埋去,將西裝摟披係誠翔身上,希望佢都能夠好好休息。




係密室外面,有兩架黑色七人車。

全部都係殺手。

「出面有動靜,睇下閉路電視。」誠翔既殺手吩咐到。

「係,有兩架黑色七人車泊係門口。」

「搞掂佢地。」
「知道。」




「白陸係入面,行動小心,聽聞呢到係佢地既小基地。」

十名持槍殺手步步為營咁行到去基地附近,突然出現左一條紅外線,而且紅外線正正由基地打橫射出。

「小心,全部跳起!」

「啊!!」有一個殺手閃避不及被紅外線割斷小腿。

「救命啊!!」

「殺左佢。」

「嘭!」一下響亮既槍聲震懾全場。

而外面既殺手極速分散,包圍住基地。




「呼...我訓左幾耐?」

辦公室裡面無人響應。

「藍心呢?」我起身既時候,將西裝摟跌落地下。

見到枱面有一碗粥,仲有一張紙條。

「誠翔:

碗粥我買比你食架,我出左去見人,今晚會直接返屋企。

藍心上。」

哦,原來係藍心,係咁凍既天氣之下,有一碗粥食,已經感到無比溫暖。







「返黎啦,阿哥。」

「琴晚你地兩個都無返屋企訓喎,去左邊到玩啊。」原來藍心已經一早返到屋企,仲同阿妹佢一齊煮飯。

「我地去左做野咋,唔好亂諗野。」

「哼,唔信,藍心姐姐。」

「藍心姐姐,你地幾時先一齊啫?」即使秋婷幾細聲講都好,我都能聽到呢句。

「喂,秋婷,唔準咁無禮貌。」

「咩喎,問下咋嘛。」見到藍心有啲怕羞,唔知佢心裡面諗緊啲咩呢?




食完飯,得知有人攻擊我地基地,但係我已經攰到唔想再去理,所以直接加派人手,將佢地一舉殲滅。




「咚咚。」

「入黎。」入黎既係藍心,佢係我屋企住左幾日,都係第一次入我間房。

「哇,咁多部電腦既?」

「係啊,有時係到做野都要用。」

「你唔怕輻射死咩?」

「我地包括公司全部電腦都自動消除輻射,所以我係唔會因為輻射死。」

「係呢,揾我咩事。」

「無啊,想同你傾下計。」

「如果你做緊野就算啦。」

「唔係啊,我得閒啊,成日係公司,屋企對住電腦,一係就傾工作,閒計都無咩點傾。」

「係呢,就黎聖誕節,你我有無野做?」

藍心呆左一呆,估唔到誠翔會問佢。

「我...得閒啊。」

「咁就好啦,我想同你食飯,你ok?」

「無問題。」見到藍心個樣笑笑口,我諗佢都幾期待我同佢過既呢個聖誕夜。