上到車,佢塊面依然紅紅地,睇黎,欣婷係一個比較怕羞既人。

「係呢,頭先你好似問左我一個問題。」

「我...」

「不如我而家答返你?」

佢望住我,但係我依然專心咁揸緊車。





「我鍾意你。」

「我...」

「唔使講野,我知你有男朋友,但係我同你只係朋友。」

「希望你都可以幸福。」

「你鍾意我啲咩...」





「一見鍾情,有無聽過?」

「嗯。」

「有時,唔需要甜言蜜語,只需要一個眼神,笑容就可以將對方收服。」

「咁我,係咪成功左?」

「哈,可以咁講。」





「其實...我對每個人都係咁,鍾意笑,比人一個好印象。」

「咁你含情脈脈咁望住我,係咩意思?仲有,係到扮唔係望我。」

「我...我覺得你...」

「咩?」












「嘭!!」一下巨響就將我句說話打斷。

原來,我地比人炸中車尾。

「啊...」成架車翻側,嚴重損毀。

「誠翔!誠翔!」車裡面,清醒既係欣婷,反而誠翔已經暈倒,壓頭上出血。

「啊...救我...」

「我會救你,我一定會救你!」

欣婷知道各個醫院既情況,索性打比相熟既人,叫人黎救我地。

「喂,阿妹!快啲揾人黎北角,我地撞車啊。」





「下!你有無事啊?」

「我無,不過...」

「得啦,你等陣,我叫人過去。」

果然,叫相熟既人速度快好多,可能都係因為係欣婷。

「你有無叫士兵啊。」車外聽到有一把男聲。

「無,士兵好少係呢頭巡邏。」

「你出唔出到黎?」





「出到,但係誠翔就唔得。」

「你出黎先,我地帶左電鋸。」

「嗯。」

欣婷出左去,先發覺自己對腳有損傷,但係無礙佢去救誠翔。

「你地快啲救佢啊。」




一個叫阿威既護士,手持電鋸,準備將車劏開一半。





「你咁劏,劏到聽日都救唔到佢啊。」欣婷真係好心急。

「等我黎。」

「欣婷!小心啊,手術刀唔同電鋸,車唔同人架。」

「我知道,我諗住劏開車頭,係車頭拉佢出黎。」

「你有無睇過佢身體邊到受傷?」

「頭同腳,只要小心咁拉出黎,然後立即將傷口包住,送去醫院,應該無咩大問題。」

「好。」

「準備。」




電鋸逐漸將車頭分割,玻璃開始散落,同時亦見到誠翔暈倒既情況。

「擔架。」

「我同阿威會枱佢出黎,欣婷,你上救護車準備。」

「好。」





「叮噹。」

「咁快既?」

「上黎寶馬山好快啫。」

「入黎坐啦。」

「你屋企好大喎。」

「呵,見笑啦,一個人住梗係大。」




「咦,你有養貓架?」

「係啊,你同佢玩住先啦,我去個廁所先,佢叫星星啊,不過唔係動物個啲猩猩,嘻嘻。」

「星星!」

「Come。」

「做咩唔同我玩既?係咪想食野?」

「等我行過黎啦,懶貓。」

「喵~」

「你啲毛好順滑喎,你主人對你真係好。」

「哈,我對你唔好咩。」

「你隻貓好懶喎,我叫佢都唔理我。」

「星星係咁架啦,高傲都不得了,不知幾有個性,不過我鍾意。」

「你都好高傲啊,不過我都鍾意。」

「咩話...」

「我...無啊...」

大家都處於一個尷尬既情況,相信,白志明既心底話已經洩漏左出黎。

「啊,不如我地試下啲紅酒啊。」

「嗯,我去攞酒杯。」藍心急腳咁去到開放式廚房,睇黎佢都有啲面紅。




我地坐係窗台,窗台的確好大,而且特登放左一張粉紅色既毯係到,睇黎藍心成日坐係到。

「張毯幾可愛喎。」

「係啊,我都覺。」

「你好鍾意粉紅色?」

「嗯...少女情懷。」

「哈。」

「笑咩喎,你無既。」

「睇下。」阿明將自己手機既wallpaper比藍心睇,張相係超人。

「哈,咁大個都鍾意超人。」

「童真,你識咩。」

「係呢,我想問你啊。」

「咩事?」

「你覺得誠翔係咪變左。」阿明一講完呢句,藍心就從歡顏變到目無表情。

「嗯。」

「不如我地阻止佢。」

「無可能,佢已經失控。」

「但係咁樣落去,佢只會更差。」

「算啦,我地唔好傾佢。」

「好啦...」

再次回到一個尷尬既時空。




「手術完畢,順利!」

「呼!」

「犀利喎,愛,果然係最大既力量。」

欣婷立即打落阿威到。

「救返自己愛人,有咩感受?」

「唔係喎,欣婷你唔係已經有男朋友啦咩?」

大家都靜左落黎。

「係啊,我都無話過佢係我男朋友,朋友黎架咋。」

「車...」

「幫我送佢去普通病房。」




「啊...好痛。」

「喂,唔好亂郁啊。」欣婷一直係床邊睇住誠翔。

「我...係邊?」

「你頭先比人炸,我地係醫院。」

「你有無事啊咁!」

「無,隻腳有啲皮外傷啫。」

「你點解唔抖下啊。」望向窗外,原來已經深夜。

「你靜啲啊,嘈醒其他病人啦。」

「你真係無事?」

「無啊,傻佬,你抖下啦,觀察一晚,聽日就可以出院啦。」

「多謝你。」

「傻既,無端端多謝我做咩。」

「我走啦,仲有好多病人等我做手術。」

「唔好走住。」我捉住佢隻手,好幼細,好滑。

「唔好意思...」

「乖,聽日我黎揾你。」

「嗯。」雖然你我只係識左一日,佢更加唔知道我係邊個,但係就好似識左好耐咁...




「誠翔!」

「你做咩啊,點解入左醫院既?」當我見到藍心走入黎既時候,我好開心,但係當佢後面出現左一個人...

「你地慢慢。」

「再見。」




「答我啊,誠翔,你係咪比人攻擊?」

「我無啊,只係撞車咋。」

「咦,阿明你都黎左啊。」

「係啊,睇下我大佬有無事阿嘛。」大佬?明知我大過你,你都要掂我女朋友?

「哈,有心啦。」

「唉,又要照顧你啦。」

「而家好唔滿意咩。」

「唔係,照顧你係我既榮幸。」

「唔...我走先啦,唔阻你地。」

「好啦,Bye。」




「點解你同佢一齊黎既?」

「我返左公司,我地一聽到你入左院,就即刻衝過黎。」

「哦...」

「咁穎心呢?」

「佢...係公司做緊野,好忙。」

「你都走啦,夜啦,聽日黎接我好無?」

「嗯,好啦。」

我地錫左一啖,藍心就離開左。




「你女朋友?」

「係。」

「幾靚女啊,有好人,即刻衝過黎揾你。」

「你有無見到佢身邊個個男仔?」

「你覺得佢地有唔妥?」

「嗯,真知我心。」

「無事既,你地咁恩愛。」

「哈,又話唔好嘈住人休息,又話做手術,點知又係黎左呢到。」

「係啊,漏左野阿嘛。」欣婷逐漸行埋黎。

「漏左啲咩?」

「漏左個心,係呢到。」佢指住我個心同我講。

「講笑咋,早抖啦。」

「早抖。」




「呢隻紅酒唔錯喎,係邊到買?」

「唔係買架,係我屋企囉,78年既Chambu。」

「全球限量三支你都買到?」

「係人哋送架,我識個個製造商,佢特登留支比我。」

「真係好彩,我竟然飲到支咁有價值既紅酒。」

「你好凍啊,見你就黎卷埋一舊咁。」

「係啊,可唔可以幫我閂一閂個窗?」

「好啊。」

阿明坐緊藍心,將外套披係藍心到。

「唔好冷親啊,你仲要幫誠翔做野。」

「嗯。」

「你呢,你唔凍咩?」

「少少啦。」

「其實呢到係我屋企,我著自己啲衫咪得囉。」當藍心想係窗台行落去既時候,阿明捉住左藍心隻手。

「唔好走,見到你,我一啲都唔凍。」

「都唔知你想點,又話凍,又話唔凍。」藍心開始面紅,望住窗外既風景講野,但窗戶能夠反映到藍心個樣。

「咦?做咩啊,停電?」屋裡面突然一片黑暗。




過左差唔多半分鐘,可以重見返光明。

「你...」藍心塊面係半分鐘後變得更紅,嘴唇亦變得濕潤,原因,卻唔係因為紅酒...而阿明卻當好似咩事都無發生過咁。

「做咩?」

「停電,都幾浪漫啊。」阿明講到。

「嗯...」

(真係想知道大家覺得呢個故事點樣,好睇,唔好睇都好,希望大家都可以留個言,同小弟反映下。)