「前面就係古城啦,我地行啦。」周圍空曠一片,前面就係古城既入口。

「企係到。」

唉,其實應該估到佢地會出黎迎接我地。

「乜你地無比砲彈炸死咩?」其實古城後方已經全部冒出濃煙,唔知佢地點避開。

「我地企得係到,即係安全無事啦,誠翔。」





「哈,好耐無見,方倫。」方倫只係手持小刀。

「啊,烽火聯盟既大佬只係帶左兩個兵仔?輕敵定係以為我地死晒?」係方倫周圍,都有三,四十個士兵。

「你想點先停手,我唔想毀左半個西班牙。」

「你知唔知西班牙對我地黎講有幾重要啊!」佢將小刀飛係我腳下,但我地三個依然不動。

「捉晒佢地走。」





「係。」

我地三個被人用繩索綁住,綁我個個士兵,仲係我係西班牙做野個陣一齊食過飯,飲過野。

「行啦!」革命軍推一推我。











入到古城,只剩低頹垣敗瓦,人血,屍體鋪滿一低,仲見到一啲慌張既婦人攬住喊緊既細路,究竟係我軍所為,定係佢地所做?

「入去啦!」革命軍再推我既時候,我感受到有人放低野落我隻手到。

「多謝你。」係頭先認識既革命軍,佢將瑞士軍刀放係我隻手到。

「入去!」





一間屋裡面,咩都無,只有幾張凳,連窗都無既一間屋。





「王誠翔,如果你想隔黎個兩個士兵有命出去既話,將全球電視台轉播權比我地用,用三十秒。」

「你想話,我地已經捉左烽火聯盟既大佬,希望更多人加入你地?」

「無錯,真係醒目。」

「哈,你覺得出面既人,知道我係烽火聯盟既話事人咩?」

「唔知,當然唔知啦,但係當你既士兵,同伴見到你比人綁架,睇下佢地會唔會黎救你?」

「你...」

「肯定唔肯?」





「唔好理佢啊,誠翔!」

「如果你咁做,只會令統治權被削弱,更多人出黎對抗你。」

「係啊...」

「你地收聲。」方倫攞起手槍,射落我左邊士兵隻腳到。

「啊!...」

「你停手!」

「誠翔,唔好,犧牲我地兩個,唔好犧牲成個地球。」

方倫走近我地,拍起手黎。





「好偉大啊,不過,你地死左,都唔會有人知道,有人紀念你地,因為你地只係戰爭既犧牲品咋。」犧牲品...原來所有士兵都係犧牲品...




「我肯,首先你要比我同總部聯絡,先可以授權比你地。」

「好,夠爽快,我鍾意!」

「你放佢地走。」
「No,No,No,都未完成,點可以放佢地走呢?」

「你...一定要守承諾,唔係既話,我,烽火聯盟都唔會放過你。」





「哈,帶佢入去通訊室。」

「係!」




入到黎,同出面環境完全唔一樣,高科技,嚴密監控,通訊設備齊全,仲見到一啲係到控制既砲彈,導彈。

「呢到就係衛星通播器,唯一一個無比你地烽火聯盟封鎖既通訊器。」

「將你地基地既地標,聯絡密碼,再用你自己既密碼,就可以通訊。」

「點解你會知道點登入?」

「就係因為我地試左好多次都唔得,咁繁複,咁多密碼。」

「哈,咁麻煩你地走開先,唔係幾想比你地知道個密碼。」

「真係麻煩。」

頭先把刀仔,我放左入褲帶,而呢到只有兩個士兵...算啦,殺左佢地,都無咩用。

「輸入密碼:XXXXXX」

「聯絡基地中...」

「我係誠翔,你地唔好講野,我比人綁架。」




係基地既人,一聲不發。

「佢地係西班牙既革命軍,要求將電視台轉播權比佢地三十秒。」

「係十二點正開始。」

「仲有,DX左佢。」講到呢到,士兵開始睥住我,仲將通訊器下線。

「講完未啊,講埋啲垃圾野,出去啦。」




「我已經同佢地講左,十二點正,比三十秒你地。」

「好,做得好,將個兩個士兵掉出去。」

「係!」

「誠翔...」

「走,快啲走!」




「真係好心,寧願犧牲地球,都要保住個兩個人既命。」

「乜,個到啲人無教你,戰爭既時候,親情,友情,全部都係垃圾咩?」

「咁樣,只會妨礙你既大事,不過唔緊要,幫到我咪幾好。」

「乜你無屋企人架咩?」

「我?有架,咁又點?阻礙我做野既全部都要剷除。」

「你將你屋企人殺晒?」

「方倫!倒數一分鐘就到十二點。」

「我去預備下。」

「捉佢過黎!」




係基地既人同樣忙碌。

「開始未?」

「倒數四十五秒!」

「播放完一定要派到兵力過去!」

「知道!」




「開始!」

「地球上既咁多位好,佢就係烽火聯盟既話事人,如果大家唔相信,呢到係西班牙,只要大家觀察下係香港,有無派兵過黎救佢,就知道佢係咪烽火聯盟既人,相信我地,加入我地,我地係...」幾顆煙幕彈突然掉左入間屋到,數十個士兵衝入屋,搜素誠翔。




「頭先做得唔錯,睇埋誠翔救唔救得返先啦。」頭先,轉播既地區的確係全球,但係我地就將直播搞亂,將誠翔同方倫既樣掉轉,講既野就同方倫講既唔同,話係誠翔捉到方倫,並唔係方倫捉到誠翔,而且周圍既士兵,都比我地改成穿著軍服,而唔係革命軍既衫。




屋裡既人開始亂槍掃射,但係誠翔一早就已經被士兵救出,佢地射殺既,就只有自己人。

「多謝你地。」

「傻啦,快啲上去先,轟炸機好快就黎,將呢到夷為平地。」

「好。」

直升機繩索掉落,我亦順勢爬上去。

「誠翔,有無受傷?」

「無,只係有啲皮外傷。」

「真係唔好意思,咁遲先黎救你。」

「咁,好過無黎既。」

「我地走先啦。」

「咪住,另外個兩個士兵呢?」

「士兵?無喎,我地揾唔到有其他人。」

「時間無多,我地要走啦。」

「唔得,唔可以留低佢地兩個。」

「算啦,誠翔!佢地兩個應該死左架啦。」

「死左?無理由架...」

直升機開始大力盤旋,向離開既方向前往,越飛越遠。

而一啲步兵都開始離開,等待轟炸機既黎臨。




「轟炸機預備。」

「三十秒投射。」P392轟炸機機內有二百五十枚小型導彈,二十枚導彈,每十枚小型導彈,威力就等於一個正常既導彈




「兄弟,睇黎我地要死係呢到啦。」逃離不及既兩個士兵,仍然被困古城。

「唔緊要啦,最重要既就係完成任務,保護好誠翔阿嘛!呢個就係士兵既責任!」

「無錯,敬禮!」

「敬禮!」兩人面對面敬禮,無懼風雨,作為一個士兵,就終生去完成士兵既任務。




「投射!」轟炸機無情咁將導彈投射落古城,無一倖免,包括個兩位士兵。

「嗯,我地永遠都係好兄弟!」

「下世,我地都會係好兄弟!」

導彈正正落係佢地身旁,將佢地炸得粉身碎骨。




「誠翔係咪回程?」

「係。」

「準備醫生。」

「點解唔係西班牙既醫院留醫?」

「西班牙太危險,始終香港都係我地最大領地。」

「好。」




「直升機報告,基地。」

「基地報告,誠翔安全,而家往機場進發。」

「有無受傷?」

「報稱有皮外傷,未有詳細檢查。」

「得,等佢返黎,送佢去醫院檢查。」

「係。」

「完畢。」




「其實唔使咁麻煩啊。」

「都唔知欣翹係都要送我入醫院架喎。」

「哈,佢緊張你阿嘛。」

我立即望住佢。

「對唔住!」

「啊,好攰啊。」

「好快就到機場,上到去,誠翔可以慢慢休息。」

「比個對講機我。」

「係!」

「基地報告,我係誠翔。」

「講。」

「請問革命軍剩低幾多人?」

「二百零一。」

「二百,一百,五十二。」

「暫時剩低五十個。」




「太好啦,多謝你地。」

「多謝你就真,肯冒呢個險入去。」

「哈。」