「到底咩事啊,快講!」
       
「我覺得你係時候開個Facebook Page,除左可以將你啲文集中係嗰到,你仲可以寫下散文等人更加了解你。」
       
「又好,但係Icon同Cover photo點算,我零PS技巧㗎喎!」
       
「我已經幫你搵咗個專業嘅!」門鐘「叮噹」響起,「嗱話口未完,嚟喇!」凱瑞去開門,進來的是一個女生。
       
「呢個係支莊嘅宣傳秘書——阿天。」我知道你們一見有新女角色登場必定垂涎三尺,如果不簡單形容她肯定會被負評……阿天身材高佻,雖然外貌輸家澧九條街,但她穿著一條窄身牛仔褲,凸顯她那長腿。認真,她整體都輸家澧九條街。
       


「Hi……你就係嗰個伊高仙貝?I mean, 我有睇過你篇story,的確係幾funny嘅,但係啲sex joke好似有啲多囉!」
       
What the f**k? ABC? 大家一定聽不到,她說那個「多」字是用adore的那個「dore」,會否太「dore」呢?
       
「哎……係咩?我……我留意吓。Thank you for your suggestion! Holand 有用!」所謂「同人講人話,同鬼唯有講鬼話」,我English都很Good的。
      
  當這部小說即將變鬧劇的一刻,凱瑞把話題帶回正軌。

「其實阿天已經做個幾個樣版,你可以揀下邊個啱你多啲。」雖然我對阿天的性格有點保留,但她的作品的確是高水準。
       


我們由中午討論至晚上,終於決定好專頁頭像跟封面相片的細節。
       
「咁我一陣食埋個dinner,就幫你finalize個design,之後你就可以upload上去。至於你個故事嘅cover photo,我已經有idea,我返去draft完再call你啦。」每個英文都流暢地加插在中文句子中,ABC不愧為ABC。
       
「咁我都返屋企作埋個結局篇先喇!」我離開凱瑞寓所後到M記買個外賣之後踏上歸途。
       
回家後還未安頓下來電話就響了。原來是家澧。
       
「喂……做緊咩啊?」家澧親切地問候我。在這短短個多月,我和家澧的關係越來越曖昧,於是我決定調戲她一番。
       


「我同你做梗一樣嘅囉。你掛住一個人所以打畀佢,而我亦掛住梗一個人。」電話另一端沉默了幾秒,我隔空都感覺得她正害羞著。
       
「邊個話掛住你㗎?」家澧一邊甜笑一邊說,「高烙然,咁你掛住我又唔搵我?衰人!」
       
男人都喜歡說甜言蜜語,對,女人最愛的甜言蜜語。
       
「我啱啱同凱瑞傾梗Facebook Page嘅嘢,飯都未食啊。根據需求層次論,食係最底層嘅需要,而愛係最高層㗎!所以你畀我醫醫肚啦。」
       
「咁……你一路食我哋一路傾啦!」如是者我們聊了兩個多小時,我差點忘記了要寫作的事。
       
「袁家澧,你下星期六得唔得閒?」
       
「下星期六……平安夜喎!我考慮吓」
       
「喂你考慮啲咩姐,我都咁有誠意啦!最多到時畀個驚喜你。」我望望背後的電腦,心中想到個鬼主意。


       
「咁我到時都畀個驚喜你!」
       
掛線後,我像個痴漢般對像空氣甜笑,然後走向工作枱。       
「喂!貝力亞魯,最後一個喇喎,係咪搞掂我就做返正常人?」
       
【呃你托咩!你乖乖地做埋最後一單case,我一定會放過你㗎喎。】
       
「你知啦……信惡魔一成,分分鐘雙目失明㗎!」
       
【我而家就插盲你對眼,做嘢啦!】
       
我如常坐在港鐵車廂,帶上耳筒,聆聽周圍人們的心聲。
       
【唔通今個聖誕又要自己一個?】


       
「機會嚟喇飛雲!」我暗道。我慢慢走向那位女生,並說:「小姐,你係咪有啲咩煩惱?我諗我可以幫到你。」女生抬頭看著我,我的靈魂卻被她雙眼攝去。
       
——仆街,我好似鐘意咗佢……