講故．講夢: 十三

十二月二十四日——平安夜。自三年前分手後已經過了三個單身的聖誕，看來今年會有轉機。天氣忽然急轉直下，卻令聖誕氣氛更濃厚。我呷著從朗豪坊Pacific Coffee買的熱朱古力，靜靜地漫步去港鐵站等候她。
       
我很喜歉陳百強，《幾分鐘的約會》更是我百聽不厭之選。
       
地下鐵碰著她，好比心中愛神進入夢。
       
對，這主題曲繼續播，因為家澧來了。
      
  地下鐵再遇她，沉默對望車廂中。
       




「等咗好耐？」我不敢相信眼前的是她，她剪去一把長髮，又把頭髮染回黑色。頭上戴著一要冷帽，可愛程度簡直……已經超越文字可以形容的程度。
       
「好驚喜……你又知我鐘意短髮嘅女仔嘅？」大概我現在跟香吉士看到美女的樣子雷同，因為真的太美了，「短髮好襯你。」我補充一句。
       
「你Instagram成日係到頌讚短髮女仔，我都睇到悶喇！」
       
「咁你又諗住畀咩驚喜我？」她嘴角微微歪向上奸笑著。
       
「你睇吓我最新篇文。」我把手機遞向她，她發光的眼眸定眼看著螢幕，良久過後終於有反應。
       




「高烙然！」她大聲吆喝，身邊的情侶都轉身望過來。家澧深知自己反應過大，把音量收細責罵：「點解將我寫咗落個故事到？你係咪傻㗎！       
「不如收手，我唔可以狩獵佢嘅靈魂。」
       
【由你同佢搭話個一下，佢嘅靈魂已經被鎖定。】
       
「求下你，放過佢！」
       
【不了。】
       
我憤怒地除下耳筒，眼中的淚水不禁流下來。找方法找方法找方法！惡魔的死敵是天使，找天使！不行……我狩獵過99個靈魂，就算我死都只是下地獄的靈魂……       




「你癡線㗎！寫我係米迦勒指派淨化靈魂嘅人。你咪走啊！」家澧作狀要追打我，我當然拔腿就跑。如此追逐了幾分鐘，眼看快要被她追到，我毅然急停轉身張開兩臂，家澧收掣不及整個人撲進我懷內。
       
「嚟淨化我啦！」我緊緊擁著她。起初她一直反抗，意圖掙脫我，但慢慢發覺無力抗拒，安靜下來。如果要生動地形容，就是我拋出精靈球把家澧鎖進去，然後球左右搖晃著，到最後停下。
       
捉住你了！袁家澧！
       
「喂，做我女朋友好冇？」她沒有回應，只是緊緊地抱著我。
       
「喂你唔係又瞓著咗啊？」
       
「好啊！」她輕輕地說，然後用力地掙脫我並跑走。
       
我加速追上去，右手牽去她左手並放在我外套的袋內。
       
「喂你好多手汗啊！」口裏說不但身體卻很誠實，我倆的手緊緊地十指緊扣。媽，我成功了！




       
我倆沿著彌敦道漫步到始創中心，再走進CD Warehouse。家澧順手選了一個耳機，把3.5mm插頭放進她手機。她一邊聽著歌一邊輕輕跟隨拍子搖動。
       
「乜真係好好聽咩？」我笑笑問。家澧轉個頭來，除下耳機之後為我戴上。
       
慢著，這個場面很熟悉。
       
「你聽吓喇！」老子我什麼鬼都聽不到，耳機把周遭的環境聲都隔開。
       
【高烙然，我好鐘意你！】

「吓？」明明眼前的家澧沒有說話，只是雙眼凝望著我。
   
「貝力亞魯你同我出嚟！」大家是否認為這個故事要崩壞呢？傻啦，無可能。
       




【你雖然有時好白痴，但係有時又好浪漫。】

【我真係冇諗過你會係寫故仔嘅人。高烙然，可唔可以同我一齊？】
      
 聽到家澧的心聲，我除下耳機輕摟著她的腰並說：「我會一心一意對你好，我會每日講甜言蜜語氹你開心，我會一直喺你身邊。咁你願唔願意同我一齊？」
       
「好！」家澧答應後緊抱著我。我們的愛在這裏開始，我們的第一個吻，都在這裏發生。
       
【貝力亞魯，Thanks！】