上回講到

可能受呀哥既影響,我家姐都開始學外語,兩個人都成日對住電話講d我聽唔明既野。勤力到佢地兩個之間溝通都用呢種語言。



----------------------------------------------------------------------------------------------------------------------------------------







家姐同呀哥成日用我聽唔明既語言溝通,我一開始諗係佢地係想多d練習個種語言,但我發覺佢地既行為越黎越怪異,而且成日一返屋企就哩入房,同我關係越黎越疏離。望住佢地,我覺得佢地根本就唔似佢地。

直到個日,我更加肯定,佢地一定唔係我家姐同埋我呀哥。個日我返屋企,係門口見到袋垃圾,係一疊家姐既日程簿。
「家姐,做咩丟曬你d日程簿既?你唔係寫左好多野係入面既咩!」
「回憶而家對我黎講毫無意義。」佢就咁應左我一句就入左房。
冇可能,家姐草起每年既日程本,入面寫好多佢既感受,計劃,財政狀況,又有貼相,入面有好多佢既珍貴回憶。我仲成日見佢拎返之前既日程簿黎睇,一面睇,一面笑。佢根本冇可能就咁丟曬所有日程簿。就算,就算佢真係受左咩刺激想丟曬d日程簿,佢都冇可能就咁丟出黎。我知道我家姐係一個好注重個人私隱既人,佢要丟有個人資料既文件既時侯,都一定會劃花上面d個人資料,然後撕爛佢先丟。一定唔會就咁丟出街,佢而家就咁丟出黎,就好似日程簿入面個d個人私隱同回憶根本就唔係佢既,同佢一d關係都冇咁。

於是我就趁家姐冇留意,出返去門口執左兩本日程簿,好在家姐係每本簿封面都有寫年份,我好快咁拎左2015同2016年既日程簿入房。我由2016年開始睇,由最近既日子睇到最遠既日子。但我由2016年10月開始睇,9月,8月,7月,6月,5月,4月。家姐都冇寫任何野。足足有半年冇記錄任何野,直到3月14日,個格上面寫左「今日撞到呀儀,佢叫我錄底呀哥講既野,佢搵朋友幫我睇下個d究竟係咩語言,我希望結果係好既。」
呀哥講個d 唔係意大利文咩!家姐做咩要查呀哥。我繼續睇上去,3月12日,「呀儀今日上黎做pj, 佢話呀哥講既唔係意大利文,唔通呀哥精神有問題,我真係好擔心。」原來家姐懷疑呀哥精神有問題,但呢件事係佢既日程簿冇後續既記錄,我大膽假設家姐就係呢日遇到意外,無辦法再記錄落去。
另外呀儀應該係家姐讀u既同學,但係我有冇佢既電話,點算好?





為左進一步證實我既推斷,之後個晚我請左我同家姐中學既共同朋友呀業返黎食飯,如果家姐半年前出意外,呢個「家姐」就一定唔認得呢個人。
「呀業,好耐冇見啦,大個仔左好多war!」媽咪笑住咁迎接呀業。
「係呀,姨姨,好耐冇見啦!呀惠(我家姐),我地都好耐冇見啦!」
家姐顯得有d愕然,但都笑住咁答:「係呀!」
於是食飯既時候我就開始試探佢:「家姐,你記唔記得我地以成日一齊放學去旺角間機舖?」
「你係咪記錯左呀?間機舖係學校旁邊個商場,邊有行去旺角咁遠。」家姐好從容咁答返我,
「係囉!咁冇記性架!」呀業仲忍唔住話我。
點解,點解佢會知架!唔通真係我諗多左。呢個時候家姐對我露出一個意味深長既笑容,就好似佢知道我試緊佢,而佢一d都唔驚。係呢個時候,我突然醒起,如果「家姐」有睇過家姐寫既日程簿,咁佢知道呢d事就一d都唔出奇,計漏左添。
「不過你唔要得啦!去左英國讀書咁耐,明信片都唔寄張返黎。」家姐繼續講。呢d都一定係寫左係日程簿到,點做至好,點先試到佢。




「係咩!我寄過一封名信片比你,但我以為你唔想再收到,所以就冇再寄啦!」呀業尷尬咁講。
「係咩!我收唔到war.」
「em......可能寄失左啦!」

走既時候,我送呀業落樓下,呀業同我講:「多謝你請我食飯。今日好開心。」
「唔使客氣,得閒再聚啦!」
「係啦!隔左咁多年,我唔怕講啦!我到步之後寄過一封明信片比你家姐表白,佢回信拒絕左我⋯我先因爲尷尬冇再聯絡你地。真係唔好意思!」
「咁點解家姐岩岩先話⋯」
「可能想避免尷尬掛!」

咁姐係代表「家姐」佢講大話,佢只係睇左家姐草起既明信片先會話冇收到過明信片。以家姐咁要面既性格如果收到告白既明信片絕對冇可能主動提起明信片既事。而「家姐」主動提出就代表佢根本唔知呢件事,因為家姐同我講過,令佢好尷尬既事又或者好傷心既事佢都唔會記錄低,佢話做咩要睇返以前d尷尬野同傷心事受苦呢!
家姐,你究竟係邊?係咪已經⋯
而家「家姐」應該知道我開始懷疑佢,我行動要再快d,唔係既話我會好危險。

-------------------------------------------------------------------------




呀哥:「佢已經開始懷疑我地。我地要快d行動。」
家姐:「經過我今日既表現,應該仲可以令佢信多陣既。」
呀哥:「點都好,最近小心d,等總部派既人到左就即刻郁手。」

以上是不明語言的對話。

頂,雖然我係佢地房裝左偷聽器,但我根本聽唔明佢地講咩!點算好?

由個日開始,我就唔敢一個人係屋企,夜晚返房瞓都一定會鎖房門。
呢幾日我都反覆咁睇返個兩本日程簿,睇下有冇其他線索。我知道家姐係一個好唔信電子科技既人,咩野重要野都會抄底,就好似電話number咁。最衰我冇執曬d日程簿,唔係我就會搵到呀儀個電話,了解一下成件事。

因為我失神咁諗野,我唔小心推跌左台面罐可樂,倒左落本簿到。我即刻拎起本簿,將個膠套拆出黎。我先發覺膠套入面涉住左幾頁紙。入面有一頁係寫電話號碼,真係不愧係家姐,d個人資料真係收得好密,然後我好快就搵到呀儀個電話。之後我留意到另外個幾頁,家姐都寫左d野。
2015年1月12日 大家都用自己既方式係到懲罰我。
2015年2月15日 因為沈默,所以冤枉。
我印象中呢段日子,家姐講過學校group project 同返工都令佢好大壓力。原來佢唔係唔記錄底唔開心既事,只係唔會比人睇到。




2015年2月18日 唉!呀哥細佬正仆街黎架!老豆生日都唔記得,仲出去玩。
家姐,我真係仆街,連你比人調換左半年都完全唔知。
等我,我一定會救返你!


~待續~

#有興趣歡迎讚黑柴Facebook
https://www.facebook.com/%E9%BB%91%E6%9F%B4-879053098899020/