我發現左我呀哥成日對住部電話講一種我聽唔明既語言: 14.第二季首章-新血

14.第二季首章：新血
～以「家姐」角度全新演繹～

我叫Nir （音near)，係撒旦組織既資深成員之一，呀Q係我係入面最好既同伴。
香港隱藏事敗同埋今次既空襲都對我地「撒旦」組織造成重創，因此好需要新血既加入。好似我地呢d恐怖組織，好難添加新血，試問又有邊個願意係殺戮同血腥之中生存。大部分加入我地既人都係好似我咁既本地人，為左三餐溫飽而出賣靈魂。

組織既重創令我地不得不加入更加多既新血去重整旗鼓，除左本地人，都有少量外國人。個d外地人肯加入我地既原因，我都唔太深究，不外乎原來既生活非常壓抑，心理扭曲，為左尋求刺激。佢地黎到之後，都會好似本地人咁平靜地融入我地。之後半年陸續加入左5個外國新成員，兩個美國人，兩個香港人，1個日本人。基本上我地溝通都唔會有咩問題，因為外語係組織既其中一個重點訓練。
加入我地，就代表個個人既人生會重新黎過，我地唔在乎佢以前既背景，生活。由加入我地開始，佢就係一個全新既人，要全心全意咁侍奉撒旦。而有一個新加入既香港人，叫呀風，令我印象深刻。

「點解你要加入我地？」




「『撒旦代表有仇必報，而不是容忍。』係你地既九訓之一，『如果一個客人在你的地盤侵犯了你，不要仁慈，要殘忍地對待他。』係你地十一誡之一，你地既教義同我既想法一致。」佢目無表情，平靜咁答我地。
「你想報仇？因咩事？同邊個呀？」我個同伴呀Q好奇咁問。
呀風露出毫無溫度既笑容講：「等我加入左大家，熟諾左再講都未遲。」
好多人因為追求刺激而加入我地，佢係我鮮有見到真係認同我地「撒旦教」教義而加入我地既人。因此，我對佢既故事好有興趣，然而佢加入我地之後，我會有好多既時間慢慢了解，並唔急於一時。

夜晚既時候，我一個上左天台，一面把玩頸上既頸鏈，一面回想呀風個樣。我細佬年紀應該同佢差唔多，諗到呢到我就心塞。
「Nir !」突然有人係後面叫我，係呀Q。我望住佢笑左笑。佢同我一樣，靠左係天台欄杆。
「Nir ! 你自從由香港返黎之後就變左好多，我唔係想逼你講你係香港發生咩事，我只係想你知道，無論發生咩事我都會一直係你身邊撐你。」佢誠懇咁講。
「我知！」我嘆左口氣，我始終對佢開唔到口，我唔想佢知我係到動搖，同埋懷疑自己而家所做既事。
為左緩和下氣氛，我笑住再講：「我的確變左好多，我成個樣都唔同左咁返黎。」




但呀Q反而更認真咁望住我講：「無論你變成點，你係我眼中都係當年個個係槍林彈雨之中分半個煎餅比我既好人。」
我望住漆黑既天空講：「多謝你！不過，我諗係呢個世界上只有你會覺得我係好人。」
呀Q沉默左幾秒，再講：「我地冇必要理其他人點諗，佢地自己未夠仁慈，就指責我地既殘忍。而我地根本就無得簡。」
我冇再答佢，腦海又諗起細佬個句：「就算我家姐係到出世，都佢一定唔會咁做。」

到左第二朝，我帶5個新外地成員去換面手術既療養室，因為佢地加入我地都大大話話都有幾個月，除左各項訓練之外，都要教佢地點樣做一d管理，當值之類既工作。由外地加入既新成員，本身係佢地既原居地就已經有一個安全身份，因此唔面要再做換面手術。而換面手術療養室只有外地成員同接受過換面手術既成員先可以入黎幫手管理當值。本地未做過換面手術既成員係嚴禁出入。

去到療養門口室，我簡單同佢地講左下療養室限制出入既事。
個個美國女新成員Mary 聽完就問：「點解本地成員唔比入，只比外地人管理？」
我答佢：




「因為 · 如果比佢地睇到入面既情況，冇人會再敢做換面手術。」


黑柴的話：
好抱歉之前話抖抖，都抖左幾耐下先再寫，令大家久等啦！
今日出左第二季第一章，希望逼自己之後陸續更新。
多謝支持！

另外，撒旦教義取自維基，想知埋其他可以上網search下。

有興趣可讚黑柴Facebook
同步更新
https://www.facebook.com/%E9%BB%91%E6%9F%B4-879053098899020/