我發現左我呀哥成日對住部電話講一種我聽唔明既語言: 22.我會令你後悔！一定！

「我講過：『我會令你後悔，後悔曾經咁樣對我家姐。』」
正當我見到枕頭上既血字而震驚不已既時候，門口傳黎佢既把聲。
佢開門，行左入黎。
「風，原來係你！」
當我見到呀風個樣，回憶一迅間返到佢第一日加入我地個日，將所有既事串連埋一齊，我先發覺呢一切其實都係有跡可尋。

-----（第14章）------

～『撒旦代表有仇必報，而不是容忍。』係你地既九訓之一，『如果一個客人在你的地盤侵犯了你，不要仁慈，要殘忍地對待他。』係你地十一誡之一，你地既教義同我既想法一致。～





佢由一開始入黎就表明佢既目的，佢係黎搵我報仇。

-----（第19章）------

～呀Q停左落黎，用怨恨既眼神望住企係我後面既呀風。由此我就知就呀Q已經被痛折磨到失曬理智，怨恨所有人，所有人。～

事實上當時呀Q就已經知道兇手係呀風，佢當時好想同我講，但我拒絕入去睇佢，因此，枕頭上既血字，係呀Q留比我既最後既警告。呀Q知道兇手係呀風，好可能係呀風親口同佢講，想我之後知道係自己親手放棄左可以救到呀Q既機會而痛苦不已。冇錯，而家既我真係好痛苦。

-----（第20章）------





～我係心口個袋拎左張相出黎話：「我記得，我隨身帶住張相。不過我覺得我無論個樣變成點，我就係我⋯呀Q⋯佢係咁講。」
呀風拎左我手上既相黎睇：「係，你就係你，你地一d都唔似。」～

當時佢個句「唔似」係同我講，亦係同緊佢自己講。

-----------------

直到岩岩小七臨死之前係我耳邊講：「唔好信⋯」相信佢係叫我唔好信呀風，因為小七好清楚自己唔係兇手，咁兇手就會係，佢。

呢一個個回憶既走馬燈，推理左一個遲黎既結論。就係：呀風就係細佬。如果我早一啲察覺，或者呀Q就唔使死，小七都唔使死。





「風，原來係你！唔係，係呀言至岩。」
「我等左呢一日好耐！」
對於佢今日既勝利，我無言以對。佢就開始講：「呢段日子，我已經充分了解『撒旦』既架構，半個鐘之後，美國軍方就會黎到，將你地拘捕，一個不留。而我同軍方交換情報既條件，就係，得到你，塊面。」
我絕望咁冷笑，但眼淚依然繼續流，講：「哈！咩原來我塊面，值得你咁樣做咁多野！」
「塊面唔係你既，係我家姐既！」呀言咬牙切齒咁講。
至今，佢依然咁恨我！
「恭喜你！你做到啦！殺左我身邊一個二個對我最重要既人，令我後悔！你殺左我啦！」我合埋眼絕望咁講。

但呀言冇郁手，佢收起狠勁，露出微笑，準備將佢既一路而黎既計劃向我娓娓道來，令我再受折磨。
「我終於可以令你感受到我所承受既痛苦，承受重要既人慘死係自己面前既痛苦。Vina , Simon, Kaki 係我殺既，全部都係我引佢地自己入療養室，再落手。呀！呀Q都係，我同佢講我就係個個『細佬』既時候，佢好激動，好想同你講。個日我叫你去睇佢之前，我同呀Q講：『今次會係你地最後一次見面！』佢向你求救，但你冇理到佢，所以，佢死左！」呀言帶d調皮咁講左佢既計劃出黎，而我只係嚇到一面喊，一面驚訝咁掩住自己個嘴。
係我！係我無視呀Q既求救，佢先會死！係我！係我害死佢！此時我已經痛哭失聲！

「仲有，小七！佢認左你做家姐？嘻嘻！佢究竟知唔知你係d咩人？佢咁信你，但佢始終死於大家既懷疑之下！你，你敢講你冇一刻懷疑過佢？你都係兇手，令佢客死異鄉！」





「小七⋯小七⋯」我悲痛咁呼喊小七。
幫小七克服社交障礙係我一直想做既，佢岩岩做到啦！佢好堅定咁為自己辯護，但最後都因為我而死，係我冇好好保護佢。

「呀⋯⋯呀⋯⋯收聲呀⋯⋯唔好再講啦！」我崩潰咁大叫。我望住眼前變到好似惡魔咁既呀言，我知道，就連佢而家變成咁，都係我害既。

呀言望一望隻錶：「仲有10分鐘，呢場好戲你都留係到慢慢睇，我陣間黎接你！」

望住呀言遠走既背影，我跪左係地下痛哭：「呀Q⋯小七⋯對唔住⋯對唔住！」


黑柴的話：

我好好奇，大家撐Nir 定呀言？

有興趣可讚黑柴Facebook




同步更新
https://www.facebook.com/%E9%BB%91%E6%9F%B4-879053098899020/