第一科就要考數學,對我來說其實又算好又未算好。數學一直都是我最有信心的科目,取高分其實應該不是難事。但是,就因為過往的成績,無形中令自己形成了壓力,好像有一個不能失手的包袱。
.
結果,真的負重過多倒下了。在開考頭一小時都一直相安無事,在做頭兩部份時,因為題目較易,所以比較順利。但當去到最後一部份時,難度加深,開始需要更多的思考。在這個時候,緊張令到自己開始呼吸不暢順,繼而心臟好像被拉扯般痛。原本我仍想堅持下去,但那個痛楚接近令我暈倒,令我不得不舉手求助。
.
當值的老師決定讓我先離開試場稍事休息,待我休息好後再進場考試。但即使我離開試場,坐在校務處外,仍然感受到內心的掙扎,直到朱老師來看我。他一直指導我利用呼吸調整心態,再給予我一條朱古力,說對我的狀況有利。
.
「呀駿,你覺得點呀?」
「宜家終於總算抖番順條氣」
「個心呢?」
「無再扯住,但仲有少少餘痛」




「睇黎我一直擔心的事始終都要發生」
「朱sir你係咪有咩想同我講?」
「上次你同我提及你的情況後,我即刻去搵左社工華哥,我地一齊傾過後,懷疑你…」
「我有咩事呀?」
「暫時我地都只係懷疑,我地覺得你可能有焦慮症,甚至抑鬱」
「即係你地覺得我有精神病?」
「只係初步性懷疑,你呢一連串的身體反應好有可能係因為情緒所牽動。不過一切仲需要留俾專業人士跟進,之後華哥會聯絡你」
「嗯…」
「唔好唸咁多,專心左呢個考試先」
「朱sir,你覺得我真係仲可以順利完成呢次考試?」




「只要你信,你就可以!」
「好!我會努力的!」
.
結果,我也沒能夠重返試場。第一日就已經失手,對自己的信心確實有很大的打擊,唯幸本身已經做完頭兩部份,要取得合格也應該不是件難事。
.
回家後,我裝作甚麼事都沒有,繼續努力溫書。突然間,手機通知響一響,我也隨手看一下。
「聽Kathy講,你今日病左早退,無事嗎?」是她,終於等到她
究竟,我應該跟她說真話嗎?
「無咩事,突然抖唔到氣同心有啲痛啫」
「哦,咁你自己小心啲喇,唔阻你喇」




「你…無野同我講喇?」
我看到她先藍剔,再離線,再上線。
「我唔識講」她終於打出她的答覆
.
其實不單是她,我對於這段關係,也處於一個不懂得怎去形容的情況。究竟,我們該繼續還是放棄?我也沒有答案…
.
「咁就唔好講,我地一齊去面對,完左考試後,我地有幾個月慢慢去面對去講」
「好」
.
確實,無論我或她,當下也不應該糾纏在這段關係上。始終這也不是一時三刻能解決,勉強處理只會令我們分心考試,屆時隨時面對雙失。
.
Facebook:微言
Instagram:smallpotatosay
已有 0 人追稿