來到派成績表日,排在最後的我當然可以施施然回校。帶著爸媽先遊走校園一輪,然後才上班房。
.
在班房門外等了一會,我們就可以進內。
「司徒生司徒太,你地好,呢張就係呀駿的成績表,兩位可以睇下」朱老師拿出我的成績表
我一看,咦…
「咁今次呀駿的表現其實都唔太差,全部科都合格」
「但朱sir,點解我經濟科個度?」我還是忍不住
「經過我同校長同其他老師商量後,決定將你經濟科列為缺席,所以總括黎講,你所有科今年都合格」
「多謝朱sir…」
「好喇呀駿,我有啲野想單獨同你屋企人講,你出一出去先喇」




「知道…」
.
在門外,我不禁回想起當時考試的情況。因為我不夠專心,因為我只顧著想起她,才會引發之後一連串的事。根本我才是原罪,如果不是我犯錯,就不會令到芷怡被冷落,令到自己胡思亂想,令到自己不能好好考試。想到這,我不禁走到欄杆邊,向下一望…
.
「呀仔,你做緊咩呀?」只見媽媽一臉驚訝地問
「無呀,我望下風景咋麻」
「我幾驚你亂唸嘢」
「你就亂唸嘢呀!我似咁軟弱既咩?」
「無事就好喇,我地要落去見校長」
「下?!!」




「唔使下喇呀駿,我會陪埋你落去」朱老師說
「但係…」
「放心喇,校長純粹想關心你,畢竟佢係校長,一定要清楚了解你宜家的情況」
「明白…」
.
去到校長室後,校長當然首先了解一下我的成績。朱老師替我簡單描述過後,校長也十分滿意。
「其實今年你經歷左咁多事,仲可以頂住,而且考到呢個成績,已經好叻仔架喇」
「多謝校長」
「咁你宜家情緒?」
終於來到重點,我感覺到當校長問完後,媽媽有留意我的反應。我仔細的將陳醫生所說的複述一次給校長聽,又將我在梁姑娘的治療中所學的都跟校長說。




.
「你有咁積極的態度絕對係一件好事,學校一定會全力支持你,有任何學習上的困難,一定要同老師講,一班老師一定會盡力幫你」
「知道校長」
.
就這樣,中五的生活就正式劃上了句號。這個學年,絕對不是順利易過的一年,先苦後甜再苦。打從一開始,我就從一個低點開始,再先跌倒後,然後才慢慢爬起來,站起來後想往上爬,但偏偏又跌倒,甚至可能要還原起步點…
.
雖然知道中六的路不會比中五易行,但是我對未來仍然懷有信心,路始終還是要行的。
.
而這個暑假,其實就是讓自己喘息一下,休息過後,重新再出發。
.
本來一切都風平浪靜,直至…
.
Facebook:微言
Instagram:smallpotatosay
已有 0 人追稿