你愛我還是他: 第四十四章

坐了大概十分鐘後，我開始感覺已經病發完，嘗試站起來。但全身無力的我跌跌撞撞，只能扶著沿途的檯凳借力。而這個時候，有人出手扶我一把。
.
「點呀兄弟，好辛苦？」
「未死…得…」
「唔好講住喇，扶你出去抖下先」
.
呼吸新鮮空氣，再食了朱古力補充體力後，總算慢慢恢復。
「呀駿，你咁樣唔得架喎，遲早出事」
「我會同醫生講架喇」
.




其實杜杜所講的我又何嘗未曾想過，甚至更差的情況我也有想過：暈倒街頭，心臟病發，壓力爆煲甚至死…
.
不過，我一日尚在這個世界上，就仍然要繼續努力。
「世界不會為你一人而停止轉動」
.
如果我選擇停下來，就只會跟世界的步伐愈走愈遠。就算多辛苦，多難捱，我還要捱過剩下的兩科。
.
說捱真的一點也沒有誇張，因為現在一旦病發，就會極度辛苦，要用一段時間才能恢復，而且還會消耗不少的體力。
.
兩場考試雖然都能捱到尾，但同時用了不少力氣去搏鬥。雖然完成整份試卷，但成績也相信會有落差。




.
完了考試，就代表中六的短暫生活要正式開始。
開學禮當然又是同一個流程，因此也變成大家補眠的時候。
.
不過，今日的重點卻是放學後。當我準備離開校門時，有人突然叫停了我。
.
「呀駿」
「芷怡？」
「得唔得閒呀？不如一齊食飯？」
「但係我應承左呀媽要番去食飯喎」




「咁不如一齊搭車呀？」
「好呀」
.
我們走到愛民的總站才上車，沿途大家都默不出聲
「係喎，你最近身體點呀？」她再一次主動打破沉默
「都仲捱得住，不過要密啲覆診同加藥囉」
「原來係咁」
之後，我們又開始閒話家常
.
「係喎，你之前咪話有人想追你既？點呀？」
「佢幾好呀，之前係義工活動識既，都有交換到電話」
「咁佢有無同你表白呀？」
「有呀，不過我拒絕左嚕」
「下！點解呀？」
「我同佢講，我唔想咁快開始一段新的戀情」




「哦」
之後，我們又回到沉默，直至下車。
.
不過，有一件事，其實我一直都很想對她說，而我知道，過了今天不說的話，可能就再沒有這個時機。
「芷怡呀，我有啲野想問你架」
「唔？？？」
「我地呢，仲有無機會係番埋一齊？」
「下，你真係想？」
「嗯！其實呢個暑假我唸得好清楚，我發現自己一直都放唔低你，我知道以前係我唔夠關心你，冷落左你，但你俾個機會我去改呀，我一定會做番好架」
「其實我都唔想見到你宜家咁樣，如果復合可以幫到你，我願意」
「真係架？？？」
「係呀傻瓜！」
「好耶！我唔使再一個人喇！！！」
.
Facebook：微言




Instagram：smallpotatosay