你愛我還是他: 第四十八章

杜杜和Kathy二人合力把我抬回學校班房，不斷安慰著我，但我真的甚麼都聽不入耳，只是一直靈魂出竅。
.
「呀駿，你出句聲喇，你咁樣我地會好擔心架」Kathy說
「唉，最衰都係我，如果我一早同你講咪好」杜杜自怨
「杜杜，你講咩話？咩一早講？你一早知？！！」我愈說愈激動，還捉住了他的衣領
「呀駿你冷靜啲，放左杜杜先喇」Kathy緊張地說
「唔緊要架Kathy，打我喇呀駿，係我錯，我應該一早同你講個女人的衰嘢！！！打我喇！」
「點解！點解你地個個都要暪住我？！！」我放手了，然後發狂般向著壁佈板發泄
.
「究竟你地知啲咩？」




「其實我同Kathy係暑假就已經見過佢兩個一齊出街，不過當時你同佢分左手，我先不以為意」
「所以你第一日考試之後就叫我唔好同佢咁多接觸」
「之後你就同番佢一齊，咁我以為佢會對你一心一意，點之…」
「繼續講」
「有一日放學我同Kathy唸住落愛民買下午茶，點之一出門口就見到個女人同個罐頭拖哂手咁，我咪即刻衝上去問清楚囉，點之佢竟然叫我地唔好同你講，話怕你會接受唔到，亂唸嘢影響個病」
「咁你覺得我宜家就會接受到？」
「呀駿你唔好怪杜杜喇，係我阻止佢唔好同你講，因為我唸住佢會親自同你講架，點之…」Kathy內疚說
「對唔住呀駿，今次係我地暪住我，你想點處理我地悉隨專便」
「算喇，我想一個人靜下」
.




我一個人望著夕陽，緩慢地行回家，因為每一步都覺得很重很重…
.
回到家後，我又一次呆坐在床上，不斷在回想今日發生的事，還有我和她之前的一點一滴。
.
我恨她，為甚麼她要這樣對我？為甚麼要可憐我？如果你不愛我，你跟我復合又有甚麼意義？你想為我好，但你卻沒有想過，最後卻會令我更傷。
我更恨他，又一次來破壞我的感情。上一次失敗後，今次又再來一次，終於讓他成功了。
.
究竟，我做錯了甚麼？為何要有這樣的懲罰？
其實，我只是想找一個可以廝守一生的人，為何都這麼難？人海茫茫，為甚麼你偏要拆散我們？
.




鳴呀…鳴呀！！！我開始放聲大哭，把所有不快藉著淚水渲泄出來。
.
「呀仔，你做咩呀？發生咩事呀？」或許是我的哭聲太大，連在客廳的媽媽也聽到
「媽，我好辛苦呀！」
「呀媽知你辛苦」
「點解…點解個個都要咁樣對我？！！」
「究竟發生咩事？」媽媽焦急地問
「佢…佢有左第二個，佢唔係愛我，佢係可憐我」
「乖，無論發生咩事，呀媽都會係你身邊」
「鳴呀…」
.
我再沒有說甚麼，只有伏在媽媽的懷裏一直放聲大哭，直到累了，直到哭不出眼淚，直到叫不出聲音…
.
Facebook：微言
Instagram：smallpotatosay