你愛我還是他: 第五十二章

一個多月來第一次要六點半起床，只有一個感覺，眼訓。昨夜好像三點才睡，睡了三個多小時就要起床，不累才怪。簡單的食了個麵包，飲了盒奶，我就出門回校。
.
去到小巴站，突然覺得怪怪般，尤其看見前面的那對情侶。不知為何，總是有種似曾相識的感覺，而現在看起來又曬又羨慕。
.
回到學校，當然要第一時間找朱老師。
「歡迎你番黎呀！」
「多謝你呀朱sir，我地宜家係咪去見校長？」
「完左聖誕崇拜先，校長宜家要專心準備等陣的致詞」
.
「係喎，你抖左個幾月，精神好似真係好左喎」




「還可以喇」
.
接下來，我和朱老師閒聊直到鐘聲響起。
「好喇，快啲落去排隊喇，等陣見」
.
去到操場，不到三秒，就馬上被箍頸。
「唔使我一番黎就攞我命呀嘛杜杜」
「死仔，你就爽喇，抖足個幾月，難為我地日做夜做」
「呢啲野你羨慕唔黎架喇」
「歡迎你番黎呀，呀駿」




「多謝你Kathy，個衰仔呢排有無激嬲你？」
「你覺得佢敢咩？」
.
望著眼前的這一對，他們雖然不是天作之合，甚至有點美女與野獸。但是，他們卻一起努力，去維繫去經營，令到我這個旁人真的很羨慕。
.
沉悶的聖誕崇拜當然沒有打倒大家，因為好戲在後頭。而且，完了聖誕派對後，就是大家等待已久的聖誕節開始。不過，對我來說，當下最逼切的，就是去見校長。
.
「校長，你好」
「司徒同學，好高興見到你，最近好嗎？」
「身體都還可以，繼續準時食藥同定時覆診」




之後，其實我只不過將剛才跟朱老師說的話，重新一次跟校長說一遍。
.
「其實今日校長除左想跟進你身體狀況，同時亦都想問下你同B班方芷怡同學佢事」
「校長…我地…其實分左手喇」
「我知道呀」
「咁校長…你仲想問啲咩？」
「咁你仲會唔會想同佢復合？」
「我唔知…」
「校長知你連續經歷兩次情傷後，係難接受一啲，但宜家呢啲關鍵時候，你真係唔可以再分心。你知校長不嬲都唔會管你的感情事，但係今次我真係想你專心去備試，唔好再搵方同學喇」
「哦，校長，我會認真去處理架喇」
.
校長言下之意，是否即是向我開出紅燈，不准我在這段時間拍拖？不過就算他開綠燈，那又如何？就算我想復合，我這麼煩的人又怎會有人願意和我一起？
.
之後，當然是派對時間。不過現在的我，又怎會有心情…反之，我看見她在樓下卻和同學玩得非常開心，笑得極開懷。
.




看來，沒有了我，她還是過得很好。
你愛我還是他？在這一刻，她選擇了有家底的他…
.
Facebook：微言
Instagram：smallpotatosay