你愛我還是他: 第七十五章

我還記得那個晚上，我無數次想找她，但最後都收手，因為我想給她私人的空間。我相信她，她答應過我，就一定會做到。
.
結果等到第二日的下午，電話響起了。
「喂傻鴨，做緊咩呀？」耳邊傳來她的聲音
「無特別」其實我很想說一直在等你
「對唔住呀駿，我食完飯一入房就俾班女仔捉住左傾偈同玩左成晚，所以宜家先搵到你」
「哦，咁佢呢？無同你地一齊咩？」
「無呀，我地琴晚全女班謝絕男生」
「咁佢全程有無同你講啲咩？」
「無特別呀，都係普通吹左陣水，講下近況」




「咁你有無同佢講你同番我一齊？」
「梗係有喇！我仲特登係佢面前曬幸福架」
「咁佢有咩反應呀？」我緊張地問
「無特別喎，哎呀，你唔好唸咁多喇，我地無野架」
「實係喇，實係我唸太多喇」
「係呀，你呀，大醋酲！」
.
希望吧，希望真的是我想太多。或許，我應該對芷怡有更多的信心。更何況，現在的我可以算是無懈可擊，照理沒有人能容易地搶走芷怡。
.
可是，有時候人生就是這樣的出人意外。




我還記得那是星期六的早上，我知道她喜歡食英式早餐，所以特意帶她去觀塘食。
.
豈料，我們點菜後，她就突然對我直白。
「對唔住呀，我仲掛住佢…」
甚麼？明明我們這一陣都十分甜蜜，我們又沒有吵過架，為甚麼她突然會有這個想法？
.
「究竟係幾時的事？上次宿營之後？」
「係…對唔住呀…」
早說了吧，一讓你見他，就出事了…
「俾啲時間我好無？等我試下去改變你的想法」




「有用咩？」
「我唔理，總之我要試，我唔會就咁放棄你！」
「好…對唔住呀…」
「唔好唸喇，食野喇」
.
其實，認識了她這麼久，又怎會不知道她的性格。她一旦決定了的事，幾乎就沒有人能改變。
.
只不過，我怎可能因為她一句，我就選擇放棄。辛辛苦苦才可以跟她再一起，怎可能這樣就放棄？在餘下僅有的時間，我當然要盡力去挽救這段關係，改變她的心意和想法。但同一時間，另一方面我卻跟自己說，要開始做好心理準備，慢慢再一次適應和習慣沒有方芷怡的生活。
.
一開頭當然會不習慣，甚至有進退失據的情況。明明身邊有個女朋友，但又要說服自己單身將至，不過又仍然心存一絲希望，這般複雜的情況，我也不知該如何處理。
.
慢慢下來，我決定每當我倆見面時，我都會盡量去和她重遊舊記憶，希望能令她想起從前的快樂。但我們分開後，我就會盡量避免自己主動去找她，同時開始多找身邊的朋友，減低對芷怡的依賴性。
.
Facebook：微言
Instagram：smallpotatosay