你愛我還是他: 第七十七章
來到十二月，又是考試的時間。我和芷怡都分別為著自己的成績而努力。
.
這個考試亦正好讓我有藉口，以專心溫書為理由，減少與芷怡見面的機會。其實當時間慢慢過去，我已在心裏打定輸數…始終她一直都是意志堅定的人，這兩個月她已幾方重提這件事，而且我又已經嘗試過和她重遊舊地，但效果亦未見理想。
.
因此，我倆分手其實只是時間的問題。只是，我私心的希望留住她久一點，和她留下更多的回憶。
.
在考試的這幾個星期，我們只見了數次面。不過，每當我們見面時，都會放下平時的煩惱，一心一意陪伴對方。其實，每次我們見面時，我都仍然感受到我們間仍有愛，而我們的一切行為也像情侶般。因此，每次我們見面時，我都仍然感受到我們間仍有愛，而我們的一切行為也像情侶般。因此，每次我們分開後，我都會為要返回現實而感到懊惱，明明我們還愛對方，為甚麼我們不能一直走下去？
.
今次的考試和之前一樣，大部份科目都不是自己擅長的，而且有一大堆資料要背，令自己感到頗吃力。雖然今次身邊少了芷怡的陪伴，但卻有杜杜和Kathy陪我一起備戰。
.
「做兄弟算係咁喇，陪埋你一齊溫書！」杜杜說
「算吧喇你，你根本就係想見Kathy咋麻，又借我過橋」
「我見Kathy bb要你幫？哈哈，好好笑呀」
「你兩個呀，唔好一見面就打情罵俏好無？理下我感受好無？搞到我好似第三者咁」
.
有杜杜和Kathy的陪伴時，確實可以令我暫時忘卻芷怡。不過，當夜晚獨自一人時，思想又會不禁想起她…我會想究竟她在做甚麼，有否同樣在想我。有時候，我甚至會去看她的最後上線時間，每次看到她上線時，都會期待一下她主動找我。
很傻對吧？
雖然明知傻，但我還是繼續，因為我怕遲些日子，我連傻的機會也沒有。
.
轉眼間，考試完了，連聖誕節也過去了。今年的聖誕節，因為她家的門禁和我要準備最後一科，我們只是靜靜地通過電話訊息去陪對方渡過。
.
「聖誕節快樂呀傻豬」
「聖誕節快樂呀傻鴨，你溫書溫成點呀？」
「仲努力緊呀，好多野溫又好難呀」
「加油呀！！等我傳啲能量俾你喇！」
「對唔住呀，聖誕節都無得陪你」
「傻喇，就算你無考試，我都會有門禁無得出街，所以根本唔關事」
「咁不如我地除夕出黎見面呀？」
「但係我夜晚又要陪呀媽呀…」
「咁咪下午出黎囉，食完野行陣街就送你番去」
「好呀！我地都好耐無見喇！」
「咁一於除夕見喇，唔傾住喇，我要繼續溫書」
「嗯，咁你加油呀！」
.
就這樣，今年的聖誕節就是埋沒在一堆講義中，無聲無息的又過了。
.
去到十二月三十日的晚上，那晚我一個人待在房間。正當我想和她確認明天的約會時，我的手機收到了她傳來的短訊。
.
「我想分手」看來，真的要來個了斷
「打俾我好無？」
很快，我的電話就響起了。
.
「嗯」
「你想分手？」
「嗯…」
「呢三個月，我做咁多野，真係改變唔到你的想法？」
「對唔住呀…你真係好好，但係…」
「咁你走喇，去搵佢喇」
「下？」
「係呀，我地分手喇，你走喇」
「點解…？」
「咁你決定左的野，就唔會有人可以改變到，既然係咁，勉強留住你都無用」
「多謝你…」
「我好多謝你就真，陪左我咁耐，仲等我可以無遺憾咁走」
「遺憾？」
「其實我今次番黎，主要都係我唔甘心，我覺得如果我當初對你好啲，你就唔會走，所以我一直改變自己，就係為左有一日可以向你證明，我都可以係一個好好的男朋友」
「你真係好傻呀，之前明明就係我錯…」
「無論如何，我已經做左我想做的事，多謝你」
「司徒駿，其實你宜家真係一個好好的男朋友」
「得喇，你去搵番佢喇，我無事」
「咁聽日？」
「梗係照食！不過就係用朋友方式」
「哈哈，好呀，但我想食飛碟喎」
「好，等陣落街買材料聽日整俾你食好無？」
「好耶！聽日有飛碟食！」
「早啲訓喇，聽日唔好遲到呀」
.
和她結束通話後，我就匆忙落街買材料。
這一次，我沒哭，應該說，我連想哭的感覺也沒有。我只是向天用力的呼吸一口氣，然後冷笑一下，擰一擰頭。到最後，我還是留不住她，無論我多努力也好，結果她都是選擇離間。或許我早已給予自己足夠的時間去面對和準備，她這四個字帶給我的傷害，在這一刻是有限的。
.
翌天，我又真的如她所願，為她做下她最愛的芝腿飛碟。
.
「嘩，係芝腿飛碟呀！！」她的心心眼又飛出來
「滿足你願望喇」
「好耐無食喇，真係好好食呀！」
「小心呀，睇住啲芝士熱呀」
.
看住她食得津津有味的樣子，我不禁在想，究竟你還會不會有機會吃到我親手做的芝腿飛碟，他又懂不懂怎去做呢？
.
「喂，呆哂既，唸緊咩呀？」
「無呀，無特別，唸下點解你咁鐘意食芝腿飛碟」
「咁你整得咁好食」
「咁我下次教你喇」
「做咩呀，你唔再整俾我食喇咩？」
「咁你都無可能呢一世都靠我架」
「唔得既咩？」
「方芷怡呀」
「做咩呀司徒駿？」
「我地…會一直都係朋友黎呵？」
「係呀做咩？」
「無…」
做不成情侶，做朋友也好呀，至少還可以留在你身邊。方芷怡，你要幸福呀！我會一直守護你。
.
Facebook：微言
Instagram：smallpotatosay