2.4

「叢雲早晨...生日快樂!!」阿白笑容滿面坐到叢雲身旁

「多謝...」叢雲飲住熱茶:「你點知..我今日生日架?」


「嘻嘻..上次見到你申請津貼填表,咁岩睇到姐」

阿白害羞地將一個鐵盒響枱上移到叢雲面前:「送...送比你架..呢份禮物係我用打工賺返黎d錢買架」




「咩...咩黎架?」

叢雲打開鐵盒,裡面原來係一隻皮帶浪琴手錶

「幾靚喎....不過呢隻牌子好似好貴架喎...」

阿白微笑點頭:「唔緊要啦,叢雲你鐘意就得啦...快d試下戴丫」




叢雲將錶戴上手

阿白:「好襯你呀!」

叢雲點點頭:「多謝阿白..」








經過一小時,兩人終於抵達位於神奈川縣既湘南區

「係呢,叢雲,你果個細佬係..點既人黎架?」阿白問


「佢叫彌生,有d玩世不恭咁,平日鐘意打機」叢雲帶住阿白前往目的地:「佢好鐘意食煙,搞到成間屋一陣煙味...仲有呀,果陣讀中學,佢又試過特登踢波踢爆訓導主任既車窗,又識過響實驗室打邊爐...」

「哈哈...就咁聽,彌生好似幾得意咁喎」阿白忍唔住笑


「邊得意呀,有佢響度不知多幾多麻煩」叢雲道:「阿白,到啦」





叢雲口中屬於佢父親既屋,係一間小型既日式住宅,裏面甚至只有一間房間

由於一直密封,所以仍可保持一定程度既整潔




「阿白,我地今晚就住呢度先啦...」叢雲放低行李

阿白笑道:「嗯!好呀」



兩人沖涼刷牙之後




穿著睡衣既阿白笑道:「我都係第一次訓地下咋..哈哈都幾得意架喎」

「係就係無咁舒服,不過希望你唔好介意啦」叢雲張開被窩



「叢雲,今日見到你同果個人打果陣,我見到你好似..有d猶疑...」阿白開口問:「係咪..有咩事發生過呀?」

叢雲沉默左幾秒:「阿白你..真係想知?」

阿白點頭:「我好想知,叢雲你到底諗緊咩...」




「響兩個月前,我同我細佬彌生準備殺死迪拉斯響香港政府既內奸時,錯手...殺死左佢個仔」

「我到依家..都仲記得果個人攬住自己死左既仔,望住我既表情」叢雲似乎有點傷感:「之後既任務,我完全都殺唔死目標人物,全部都要靠彌生幫我,我依家訓教間唔中..都發夢見返呢個場面」


「不過響頭先果一刻,我個心一直諗住要保護你,最後...我終於落到手」

「阿白,係你令我打破心理關口,多謝你」


「叢雲...」阿白跟叢雲對目而視

叢雲有點尷尬:「....夜啦,早抖啦阿白」

說罷就關好燈,合上雙眼





阿白望住熟睡既叢雲:「叢雲...原來你...咁重視我..」

「希望你..終有一日可以明白我既...心意啦」




翌日

「呼..」岩岩訓醒既叢雲捽捽眼:「訓唔慣生保床,訓完都好似好眼訓咁...」

佢望向隔黎無人既被窩:「阿白呢...?」


緊張既叢雲馬上衝出客廳:「阿白!阿白!!」


「叢雲!你醒啦?」著住圍裙既阿白從廚房走出黎:「我頭先出左去買野煮早餐呀,好快有得食架啦」


「你做乜唔同我講呀!頭先我嚇死我呀!!」叢雲緊緊捉實阿白

阿白被叢雲嚇到呆哂:「叢雲...唔..唔好意思呀..我驚嘈醒你丫嘛」


叢雲自知反應過敏

「對..對唔住呀阿白,我太驚你會比迪拉斯捉左」

阿白笑道:「唔緊要,我知叢雲你都係關心我姐...你刷完牙先啦,一陣有得食架啦」

「阿白..以後我地去邊都要一齊,我唔想..你比人捉左去」叢雲道

「嗯,我知架啦!」阿白心裏歡喜:「以後....一齊」



「煮好啦!」阿白拎出兩套日式早餐出黎:「我記得你鐘意食日本野多d,所以煮左日式早餐呀」

「賣相幾好喎..」叢雲笑道:「印象中你都講過你好叻煮野食,不過今次都係第一次試你手勢」


兩人合起手:「我唔客氣啦」

叢雲試左一口烤魚:「嗯...好好食,有魚香、唔腥」

「你鐘意就好啦..」阿白微笑道:「希望以後都可以繼續煮野比你食啦」


「阿白你下次你出去既話..記得要同我講」叢雲飲住麵豉湯道

「知啦,以後咩都同你一齊啦」阿白接住再道:「叢雲..不如我地..遲下一齊香港啦」

「嗯..都好既,留響日本你都太危險啦..」叢雲道:





晚上食過晚飯後

「叢雲,我幫你洗碗丫!」阿白走進廚房

「唔駛啦..飯又係你煮,比我幫下手啦..」叢雲笑道


阿白已經落手洗碗:「我地兩個邊有得咁計架...叢雲你咁落力保護我,我做呢d野都係好應該架!」

「..咁..唔該哂...」


阿白笑著想:「嘻,叢雲怕醜個樣好可愛呀」




「!!」

「附近..有殺氣,仲要有好多...」

叢雲既吸血鬼神經感覺到有異樣


「叢雲,做咩事呀?」阿白一早已察覺到叢雲既表情變化

「無..無野」叢雲包好垃圾,打開家門:「我出去放低垃圾先,阿白你留響度,我好快返」

「我都要去!」阿白道:「係你講既,咩都要一齊架嘛!」



「唉...咁好啦..」叢雲自知麻煩:「可惡,睇黎呢班人既目標都係我地..要快d出去偵察下」






一出門口,行到附近既垃圾收集箱時




三十名西裝人士,忽然響兩人既面前出現

每人手上仲持有手槍及太刀
已有 0 人追稿